The Return of Alpha Kim & Luna Jeon [Taekook] ✔️

Chapter 9

Water & Fire duo
(වතුරයි ගින්දරයි ගත්තොත් වැඩියෙන්ම බලවත් කවුරු වෙයිද 👀?)

"වෝහ්!" ටේහ්‍යොන්ග් ළඟට වෙලා හොබී එක්ක පොරබදන ජියා දිහා ජන්ග්කුක් බලන් හිටියෙ දිලිසෙන ඇස් වලින්.

හෝසොක් එක්ක සටන් පුහුණු වෙමින් හිටපු ජියා බීටා කෙනෙක් උනත් කොච්චර ශක්තිමත්ද, උපක්‍රමශීලියිද කියලා බලන් ඉන්න ඕනෙම කෙනෙක්ට වැටහෙන්න තරම් ඒ සටන මනස්කාන්ත වුණා. ජියා කියන්නෙ බැලූ බැල්මෙන්ම ඇල්ෆා කෙනෙක් උනු හෝසොක් එක්ක කරට කර සටන් කරන්න තරම් ශක්තිමත් කෙනෙක්. එක අතකට ජියාගෙ ඇඟේ දුවන්නෙත් රාජකීය ලේ නිසා ඒක පුදුමයකුත් නෙවෙයි.

හෝසොක් සහ ජියාගෙ දෑස් තියුණු ලෙසින් එකිනෙකා වෙතට යොමුවෙලා තිබුනා වගේම ඔවුන්ගේ දෑත් කතිර හැඩයට එකිනෙක හමුව තිබුණා. එකිනෙකා දෙස බලාගෙනම වටේට කැරකෙමින් සිටි ගමන නිමාකරමින් ජියා එක්වරම කකුලෙන් හෝසොක්ට පහර දෙන්න උත්සාහ කරත් ඉක්මන් උනු හෝසොක් ඇයගෙ කකුල අල්වාගැනීමත් සමඟින් ජියා බිම ඇදගෙන වැටුණා. නමුත් පසු නොබෑ ඇය හෝසොක්ගෙ කකුලෙන් ඇද ඔහුවද බිම පෙරලාගෙන ඔහුගේ සිරුර මතට වී මිටි මොලවුනු අතක් ඔහුගේ නහය වෙතට වේගයෙන් ගෙන ආවත් හෝසොක් ඉක්මනටම ඇයගෙ ඉනෙන් අල්වාගෙන නැවතත් ඇයව බිම පෙරලාගත් නිසාවෙන් එය වැලකුණා.