Briewe van die Ander Kant

4.2.3 Stoute name, Thai troues en stelende ape

Tiende nuusbrief (Tweede trip. Derde nuusbrief)

11 Maart 2008

Gister, Maandag 10 Maart, was my laaste dag by die skool. Die kinders se vakansie het al die einde van Februarie begin. Tyd vlieg! Ek kan nie glo ek's al 6 maande hier nie! Wow! "It was the best of times, it was the worst of times!" Soos ou Charles Dickens sou sê ("A tale of two cities"). Ek het baie uitdagings gehad die afgelope kwartaal maar die goeie het die slegte ver verby gesteek! Jip, dit was die moeite werd!

My beste dae was wanneer ek 'n drukkie of 'n mooi woordjie van 'n skamerige kind of 'n klein helletjie gekry het. Dae wanneer die kinders my laat lag het en dae wat hulle my laat voel het ek's iemand wat hulle na opkyk. Valentyn's dag was weer baie spesiaal want die kinders het vir my rose en tjokkies gegee.

Als en als was hierdie 'n baie goeie kwartaal vir my gewees. Ek het baie geleer en selfs met die stoute Graad 10's (Mattayom 4) het ek geleer wat om NIE te doen nie!

Ek moet tog net met julle deel hoe snaaks van die Thai kinders se name is. Hier's 'n paar van my gunstelinge!

1. Porntida (dogter)

2. Jenpop (seun)

3. Thiti (seun) – soos in tietie

4. Kotchanipa (dogter) – soos in "kots"

5. Athit (seun) – soos in "Ah-tiet"

6. Thitika (dogter) – soos in "Tietieka"

7. Sutus (seun) – soos in "soet-tus"

8. Jakkapong (seun) – soos die mense in die Kaap sou sê "Jakkals"!

9. Songkaew (dogter) – soos in "song-cow"

En my persoonlike gunsteling:

10: Comepee (seun) – soos in "come pee"

Dis nou maar net 'n paar van die's wat nou rerig vir my uitstaan. Die ander name is gemeng met 'n "porn" of 'n "nut". Soos byvoorbeeld Kittiporn of Kittinut. Die mees populêrste bynaam is "Oil". In die begin het ek gesukkel om my lag in te hou in klas.

My nuwe norm hier is dat als omgekeerd en onderste bo is. Wat goeie maniere is in Suid Afrika is slegte maniere in Thailand en so voorts. Wel, dit draai toe uit dat my naam skreeusnaaks is vir die Thais. Ek kon nooit verstaan waarom die Thais so 'n innerlike stryd het en sukkel om my naam te sê nie. Yvette is tog 'n baie algemene Franse naam. Hulle het altyd die "e" uitgehaal en my net "Wet" genoem of "Miss Van". Ek vind toe later uit, om 'n "e" voor 'n naam te sit in Thai is 'n skandaal. Dit is die teken van 'n tert. Dis my "Moulin Rouge" verhoognaam vir hulle. Lyk my die ding gaan maar albei kante toe. Onderste bo en agterste voor kulture.

Verder het ek nou al twee eerstehandse ondervindings van traditionele Thai troues gehad. Laas jaar het die tannie wat die kafee besit naby die onderwysershuis, my genooi na haar dogter se troue. Ek het al die skoonmaakprodukte by haar garagewinkeltjie gekoop en ons het so 'n vriendskap gesmee. Haar dogter het te pragtig gelyk in haar wit en goue, traditionele, Thai trourok. Ek is dol oor die een oop skouer styl van die traditionele Thai rokke. Die Thai vrouens is almal so klein en fyn, hulle lyk beeldskoon in daai styl. Hulle is rerig asemrowend mooi. Ek kan verstaan waarom die Westerse mans hals oor kop verlief raak. Hulle is regte skoonhede soos regte, lewendige, Disney prinsesse. Hulle almal lyk soos "Raya", "Moana" en "Mulan".