ដេល៍ឡាស់ធ្វើការរបស់ខ្លួនតាមធម្មតា ប៉ុន្តែមានអារម្មណ៍ស្រស់ស្រាយជាងរាល់ដង ធ្វើឪ្យហេរីចម្លែកចិត្តតែមិនហ៊ានសួរនាំច្រើន បានត្រឹមលាក់ចម្ងល់នៅក្នុងចិត្ត។
ពេលនេះដេល៍ឡាស់កំពុងមើលឯកសាររបស់ខ្លួនដោយអារម្មណ៍ស្រស់ថ្លា និងគិតក្នុងចិត្ត បន់ឪ្តែដល់ពេលសម្រាកហ្នឹងបានទៅជួបស្រីស្រស់នៅក្នុងបន្ទប់ ទាំងមិនដឹងថានាងទៅបាត់ទៅហើយ។
_តុក តុក!
បានឮសម្លេងគោះទ្វារបស់អ្នកខាងក្រៅ អ្នកកម្លោះក៏អនុញ្ញាតភ្លាម និងលួចមានសង្ឃឹមថាអាចជាហ្វីនីមករកគេដើម្បីទាមទាឪ្យទទួលខុសត្រូវ ហើយគេក៏មិនស្ទាក់ស្ទើដែរបើវាជាការពិត ព្រោះពេលនេះគេឈ្លក់វង្វេងនាងដល់ងើបក្បាលមិនរួចទៅហើយ។
«ចូលមក!»
ប៉ុន្តែក្តីសង្ឃឹមរបស់គេត្រូវរលាយទៅជាផេះ ព្រោះអ្នកចូលមករកមិនមែនជាស្រីដែលចង់ជួបមុខ តែជាលេខាស៊ិចស៊ី ដែលធ្លាប់ប្រលោមស្នេហ៍ជាមួយគ្នាទៅវិញ
«ខ្ញ៉ំយកឯកសារមកជូនចៅហ្វាយ!»សៀវជីង យកឯកសារដាក់លើតុ
«ទុកត្រង់ហ្នឹងចុះ ហើយនាងទៅធ្វើការវិញបាន»ដេល៍ឡាស់និយាយដេញ ពេឃើញថានាងនៅរេរាមិនចង់ចេញ
«ចៅហ្វាយមិនចង់បានអ្វីផ្សេងទេឬ?»សវជីងសួរសម្លេងស៊ិចស៊ីជាទីបំផុត និងដើរទៅអង្អែលទ្រូងដែលពោពេញទៅដោយសាច់ដ៉ំរបស់់ចៅហ្វាយកម្លោះ
«ចេញទៅ!»ដេល៍ឡាស់មិនបានចាប់ដៃនាងចេញ គ្រាន់តែនិយាយដោយសម្លេងកាច ក៏ធ្វើឪ្យសៀវជីងមិនហ៊ាននជំទាស់ទៅហើយ ទោះមិនពេញចិត្តដែលគេមានរឹកពាមិនត្រូវការនាងក៏ដោយ ក៏ត្រូវបង្ខំចិត្តដើរចេញពីបន្ទប់ភ្លាម
«មិនប៉ុន្មាថ្ងៃផងក៏សោះកក្រោះដាក់គ្នាទៅហើយ គិតឬថាខ្ញ៉ំព្រមលែងលោកងាយៗ»សៀវជីងនិយាយពិសពុល ដោយសេចក្តីលោភលន់ចង់ក្លាយជាអ្នកស្រីខារ៍មេឡុន
បន្ទាប់ពីសៀវជីងចេញផុត ដេល៍ឡាស់ក៏ធ្វើការងារបន្ត ចិត្តមួយក៏ចង់ទៅមើលហ្វីនី ខ្លាចថានាងមិនស្រួលខ្លួន ព្រោះគេលេងធ្ងន់ដៃដាក់នាងបន្តិចហើយ។តែចិត្តមួយទៀត ក៏មិនចង់ទុកការងារចោល ព្រោះកន្លងមកគេមិនដែលបែបនេះ។
YOU ARE READING
ភ្លើងប្រាថ្នា🔥(Completed)
Storie d'amoreផ្តើមចេញពីការប្រាថ្នាត្រឹមបានណែបនិត្យក្នុងពេលតែមួយយប់ក៏បោះចោល ប្រែក្លាយជាលង់ជ្រៅក្នុងរណ្តៅភ្លើងដែលនាងបាត់ដុតចាំគេរួចជាស្រេច តើគេអាចវាចេញពីមន្តស្នេហ៍ដ៏ក្តៅរោលរាលរបស់នាងបានទេ?
