ថ្ងៃនេះជាថ្ងៃដែលហ្វីនីត្រូវចេញពីមន្ទីពេទ្យ គ្រប់គ្នាមានស្នាមញញឹមលើមុខ និងគិតថាហ្នឹងរកធ្វើកម្មវិធីតូចតាចមួយ។
ប៉ុន្តែពេលកំពុងតែរៀបចំឥវ៉ាន់ ទូរស័ព្ទរបស់ហ្វីនីមានអ្នកតេមក
«អាឡូ!ហ្វីនីនិយាយ!»នាងតូចលើកនិយាយ ទាំងមិនស្គាល់លេខអ្នកតេចូល
(ខ្ញ៉ំហ្វាប៊ីណា!)ជាមិត្តរបស់នាង
«ហ្វាប៊ី!ជាឯងឬ នេះឯងបាត់ទៅណា ខ្ញ៉ំទាក់ទងទៅឯងមិនបានសោះ!»កំឡុងពេលដែលនៅជាមួយដេល៍ឡាស់ ហ្វីនីតែងព្យាយាមតេរកហ្វាប៊ី ប៉ុន្តែមិនអាចទាក់ទងបាន ពេលសួរអ្នកផ្សេង ក៏មិនដឹងថានាងបាត់ទៅណា
(គ្នាប្រាប់ឯងមិនទាន់បានទេ ដឹងតែថាគ្នាសុខសប្បាយទេ!)ហ្វាប៊ីនិយាយឪ្យហ្វីនីសង្ស័យ
«សម្រេចថាឯងមិនកើតអីពិតមែនហ្អេស?»ហ្វីនីមិនទុកចិត្ត ព្រោះមិត្តខ្លួនមិនដែលបែបនេះ
(គ្នាមិនអីពិតមែន!តែគេទើបតែបានដំណងថាឯងមានគ្រោះថ្នាក់មែនទេ ពេលនេះយ៉ាងម៉េចទៅហើយ!)ហ្វាប៊ីមិនចង់និយាយពីរឿងខ្លួន ខ្លាចថាឈប់ចិត្តមិននិយាយគ្រប់ហ្វីនីមិនបាន
«គ្នាចេញពីពេទ្យថ្ងៃនេះឯង!»ហ្វីនីមិនបានខឹង ដែលហ្វាប៊ីមិនតេមកសួរសុខទុក ព្រោះនាងបានប្រាប់ហេតុផលរួចទៅហើយ
(ស៉ំទោសណាឯង ដែលទើបតែតេទៅ!)ហ្វាប៊ីនិយាយសម្លេងខ្សោយ
«មិនបាច់មកស៉ំទោសទេ ត្រឹមតែឯងទាក់ទងមក ក៏គ្នាសប្បាយចិត្តណាស់ទៅហើយ លើកក្រោយក៉ំបាត់ស្ងាត់បែបនេះទៀត!»ហ្វីនីធ្វើជាស្តីបន្ទោស ទាញសម្លេងសើចពីអ្នកម្ខាងទៀតបានយ៉ាងងាយ
(មិនធ្វើបែបនេះទៀតទេ!)
«បែបនេះមក គ្រាន់បន្តិច!»
(ហ្វីនី គ្នាមានការរវល់ ប៉ុណ្នឹងសិនហើយ!)
«អ៎..អូខេ!»
ហ្វីនីមើលទូរស័ព្ទក្នុងដៃ និងទុកវិញជិតកាបូបដាក់ខោអាវរបស់ខ្លួន ពេលនោះដែរ ដេល៍ឡាស់ចូលមកឱបចង្កេះ ធ្វើឪ្យនាងភ្ញាក់ព្រើត
«អូយ!លស់ព្រលឹងអូនហើយ!»នាងវ៉ៃដៃគេតិចៗ ដេល៍ឡាស់មិនបានខឹងអ្វី មានតែញញឹមរីកមុខ និងថើបនាងខ្សឺតៗ
YOU ARE READING
ភ្លើងប្រាថ្នា🔥(Completed)
Любовные романыផ្តើមចេញពីការប្រាថ្នាត្រឹមបានណែបនិត្យក្នុងពេលតែមួយយប់ក៏បោះចោល ប្រែក្លាយជាលង់ជ្រៅក្នុងរណ្តៅភ្លើងដែលនាងបាត់ដុតចាំគេរួចជាស្រេច តើគេអាចវាចេញពីមន្តស្នេហ៍ដ៏ក្តៅរោលរាលរបស់នាងបានទេ?