خرج من المنزل كالاعصار لا يرى امامه ودخل الى شركته غاضب جدا وتوجه الى مكتبه كان منظره مرعب الى حد كبير غاضب لدرجة اللعنة لم يرى احد آسر غاضبا الى هذه الدرجة نظر الى ناردين وقال بحدة
_مش عاوز مكالمات ولا مقابلات، اللى ييجى تقوليلى مش موجود، فاهمة؟
قال كلمتة الاخيرة بصراخ جعلها تومئ برأسها رعبا
ثم تركها ودخل مكتبه بعد ان اغلق الباب بقوة فزع لها كل من فى شركته وانتفضت على اثرها من مكانها ووقفت مدهوشة من تغير حالته المزاجية الى تلك الدرجة فلم تره هى هكذا من قبل، انتفضت اثر سماعها لصوت هاتفها يرن قطبت حاجبيها بدهشة حينما رأت الاسم ثم اجابت
_ الو ايوة يا ايلين ازيك عاملة اية؟
اجابتها ايلين بلهفة
_ناردين آسر وصل الشركة ولا لسة؟
تعجبت هى لسؤالها ولكنها اجابتها بهدوء
_ اه وصل، حتى متعصب اوى وعامل رعب للشركة كلها
تنهدت ايلين بارتياح ثم قالت بتوتر
_ناردين ممكن اطلب منك طلب؟
اجابتها ناردين قائلة
_اكيد
تنهدت ايلين تحاول تجميع كلماتها لتقول اخيرا بهدوء قدر الامكان
_بصى آسر متعصب لان بابى فتح معاه موضوع شغله فى الشركة القديمة وكمان اتكلم عن طفولته اللى ضاعت وشدو مع بعض بسبب الموضوع دة
اومأت ناردين بتفهم ولكنها اجابت
_ماشى بس انا مالى بردو بالموضوع ده؟
اجابتها ايلين قائلةبرجاء
_انتِ الوحيدة اللى تقدرى تحلى الموضوع دة
قطبت ناردين حاجبيها باستغراب وقالت
_انا طب وانا مالى ومال الموضوع دة
اجابتها ايلين بهدوء شديد
_بصى انتى ربنا مديكى موهبة انك تدخلى قلوب الناس بسهولة وكمان تقدرى تغيرى مزاجهم بمرحك وضحكك،
اتكلمى معاه، عرفيه انه ينسى، حاولى تخليه يهدى، ارجوكِ ياناردين انتِ الوحيدة اللى تقدرى تعملى كدة
تنهدت ناردين قائلة
_ايلين افهمينى لو اى حد تانى ماشى، لكن مستر آسر انا اصلا بترعب منه ف ازاى هكلمه فى امور شخصية؟ وحتى لو مش هو بردو مش هينفع اتدخل فى امور شخصية لحد
ردت ايلين ببكاء ورجاء كبيرين وكأنها آخر امل لها
_ارجوكى ياناردين.. بلييز ..بصى انا بس بطلب منك الطلب دة دى اول مرة اطلب منك حاجة... بليييييز
تنهدت ناردين بضيق من الحاحها عليها وبكاءها وانهيارها هكذا لتجيبها بضيق
_سيبيها على الله وربنا يسهلها
اجابتها ايلين بلهفة :
_يعنى هتساعديه
اجابتها ناردين قائلةبمراوغة
_ربنا يدبر، سيبها على ربنا وهو هيحلها
اغلقت ايلين الهاتف بخيبة امل بينما ابتسمت ناردين بأسى فهى بالصباح جادلت اخيها بشأن تلك الاجابات الغير واضحة بينما الان هى فى نفس الموقف
تمتمت مع نفسها بهمس قائلة
_ياترى هتعملى اية ياناردين
_____________________________________
أنت تقرأ
اسير الناردين(جارى تعديل السرد)
Romantikهو جامد وصلب كالحجر ملقب بالتايجر وهو بالفعل نمر دخلت حياته بمرحها وخفة ظلها المعتاد ظنها ف البداية مجرد فتاة مرحة لا تعرف للحزن طريق ولكنه اكتشف ان مرحها ماهو الا وسيلة للحياة وانها تحتاج الى من يقف بجوارها ويكون لها السند فهل سيكون هو ذاك السند ...
