pinagtagpi-tagping mga letra upang makabuo ng mga salitang magiging obra.
ito'y kompilasyon ng mga tula, sanaysay, at maiikling kuwento simula nang ako'y bumalik sa aking pagsusulat.
[ Contains 50 random pieces]
Date Started: July 20, 2023 Thu
Date...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Ang propesyong pagtuturo ang aking napili.
Ito ang aking tinahak sapagkat naniniwala ako na ito ang aking pagtawag.
’Di s’ya madali ngunit iba rin ang saya na natatamasa mo sa t’wing nagagawa mo ang ’yong tungkuling mapasaya ang mga mag-aaral mo.
Maraming mga alaala ang nabubuo, sa silid-aralan kung saan ako nagtuturo.
Pasensya’y sinubok sa maraming pagkakataon.
Halos araw-araw, nauwing laging pagod ngunit sa kabilang-banda, alam ko sa loob na iniibig ko ang aking ginagawa.
Galak akong gawin ang bagay na tunay na ’di madali.
Sa t’wing nakakausap ko ang aking mga naging mag-aaral.
Saya sa loob ay aking dama.
Alam kong unti-unti na naming binubuo ang mga memorya, na balang-araw ay alam kong hanggang magiging alaala lang din naman.
Kahit alam ko na masakit ang magiging katapusan.
Hinayaan ko ang aking mga mag-aaral na magkaroon ng puwang sa puso ko na sa kasalukuyan ay nasasaktan.
Sa katunayan, nangungulila na ako sa kanila.
’Di lang sila basta-bastang estudyante lang ngunit, itinuring ko na silang aking pamilya.
Lumisan na sila.
Saka, ’di ko alam kung kailan ulit kami magkikita.
