pinagtagpi-tagping mga letra upang makabuo ng mga salitang magiging obra.
ito'y kompilasyon ng mga tula, sanaysay, at maiikling kuwento simula nang ako'y bumalik sa aking pagsusulat.
[ Contains 50 random pieces]
Date Started: July 20, 2023 Thu
Date...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Habang ako'y nagliwaliw sa walang kasiguraduhang mundong ito'y nakilala kita. 'Di ko inasahang gan'to na pala ang kamandag mong dala. Para bang sa t'wing ika'y aking nakasasalamuha. Pintig ng puso'y 'di ko halos maalintana. Nagugulumihan, naguguluhan, ano ba itong aking nararamdaman?
Sa t'wing binubuka ko ang aking mga pakpak. Mga paa'y sa 'yo, unti-unting umaapak. 'Di ko mawari ang usbong ng damdamin sa t'wing tayo'y maglapat. O aking nag-iisang bulaklak. Kailan ko kaya maambil sa 'yo ang pag-ibig na matagal na sa aki'y nakatatak?
Dala mong halimuyak ang s'yang kadahilanan ng aking galak. 'Di mo nalamang sa t'wing ika'y sumasayaw sa hangi'y ako'y nagaganyak. Gan'to pala ang iibig nang tapat? Salita lamang ay kulang pa't 'di sapat. Maangkin ka lamang ay hahamakin na ang lahat.
Bulaklak, nawa'y iyong pakatandaan. Ako ang paru-paro na para sa 'yo'y inilaan. 'Di man madali ang ating magiging pag-iibigan. Samu't sari mang dagok ang hahadlang. Hahamakin ko ang lahat, masunod ka lamang.
