pinagtagpi-tagping mga letra upang makabuo ng mga salitang magiging obra.
ito'y kompilasyon ng mga tula, sanaysay, at maiikling kuwento simula nang ako'y bumalik sa aking pagsusulat.
[ Contains 50 random pieces]
Date Started: July 20, 2023 Thu
Date...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Umalingawngaw ang tinig ng samu't saring panggabing ibon sa t'wing lulubog na ang araw sa dapithapon, wasiwas ng hangin ang s'yang maulinigan at lamig ang s'yang maramdaman sa liblib ng kagubatan.
Nang sisikat naman ang araw, 'yong masisilayan ang mga dahon ng punong-kahoy na nagsisayaw O kaygandang pagmasdan ng ganitong tanawin, ngunit, sa kabilang-banda'y 'di inaasahang ito'y lilipas din.
Mulat ba ang 'yong mga mata sa karumaldumal na gawain? ng mga ganid na makapangyarihan mismo sa bansa natin? ang tahanan ng mga hayop ay nasira dahil sa pagkakaingin bilang simpleng mamamayan kaya mo ba itong puksain?
Ang pagkakaingin ay isang paraan upang maihanda ang lupa para gawing sakahan o taniman sa paraan ng pagpuputol ng kahoy sa kagubatan kung ito'y palaging pinagpapatuloy ano kaya ang kahahantungan?
Siguro'y mulat nga ang 'yong mga mata ngunit hanggang ngayo'y ika'y nagbulag-bulagan pa ano na lang kaya ang matitirhan sa mga hayop na nakadepende lamang sa Inang kalikasan?
