My Encounter with Mr. Cold-Hearted Guy

Chapter 4

Ellyse (POV)

Pagkatapos kong tawagan ang nagmamagaling kong pinsan na akala mo'y anak ni Maria Clara sa sobrang arte, ay naghanda na rin ako. At dahil santo ako at punong-puno ng pasensya weh?, hinayaan ko muna ang dragon kong pinsan na mag-emote at magbuga ng hangin sa labas.

Hindi pa kasi tapos ang aking make-up transformation mula sa isang normal na tao patungong dyosa ng kagandahan, at ayokong makita ako ng aking mga magulang na parang alien na sumasali sa isang intergalactic beauty pageant.

Baka imbes na yakapin, itakwil pa nila ako at ipalapa sa mga aso namin.

"Ellyse!" sigaw ng dragon sa labas. Segi, magmanigas ka diyan! Joke lang! Baka totohanin mo pa at sunugin mo ang bahay namin.

"Oo na, OA nito!" Nagmamadali na akong lumabas, baka ma-high blood pa ang bruho at maglabas ng apoy. Buti na lang at tubig ang pinainom ko sa kanya kanina, hindi gasolina.

Pero hindi pa man ako nakakalapit sa kanya nang bonggang-bongga, pinagtatanong na niya ako na parang interogasyon sa presinto. Hindi man lang siya nagpreno!

"Grabe ka naman, pwede isa-isa lang ang tanong? Hindi ako Google, 'no! Baka ma-stress ang beauty ko at magkaroon ako ng wrinkles. Sayang naman ang Beauty ko."

Pumasok na ako sa loob ng sasakyan niya, at pareho kaming tahimik na parang mga estatwa hanggang sa makarating kami sa airport. Buti na lang at hindi niya binuksan ang bibig niya dahil baka masira ang araw ko sa mga walang kwenta niyang opinyon.

"Hey Mom! Dad!" Sobrang saya ko at ligtas silang nakauwi. Parang nabunutan ako ng tinik sa lalamunan na kasing laki ng balyena.

"We're fine, honey. Oh! Kasama mo pala si Ashton," sabi ni Mommy na parang nakakita ng multo.

"Himala nga, Mommy, at napapayag ko 'yang sungit na 'yan!" Himala talaga! Siguro ay masama ang timpla ng kape niya kaya pumayag siya.

Napagpasyahan na rin naming umuwi dahil pagod na ang mga mahal kong magulang. At siyempre, sa byahe, walang humpay ang tanungan nila kay Ashton tungkol sa kanyang buhay.

Ako naman dito ay halos sumabog na sa kakatawa dahil sa reaksyon ng mukha niya nang tanungin siya ni Mommy kung may girlfriend na ba siya. Parang gusto niyang lamunin siya ng upuan sa sobrang awkward.

Ligtas naman kaming nakarating sa aming munting paraiso. Nagpaalam na si Ashton sa aking mga magulang, pero inirapan lang ako ng gago! Sana magkaroon siya ng isang linggong bangungot na puro mukha ko ang lumalabas. Bwahahaha!

Alliesha (POV)

Panibagong araw na naman sa marahas na mundo ng eskwelahan. At saka ko lang 'yun napagtanto nang hampasin ako ng unan ng aking napakagandang kapatid na si Mark! Akala mo'y si Thor sa sobrang lakas humampas.

"Ate! Bangon! Mag-aalas sais na!" Buti na lang at may iba akong alarm, made in China pa 'yun kaya paniguradong malakas.

Dagdag pa na nanghahampas din 'yun, kaya wala akong kawala. Dali-dali akong pumasok sa banyo na parang si Flash dahil sa sobrang aga, muntikan na akong ma-late. Nakakahiya naman kung ang isang tulad kong napakaganda ay mahuhuli sa klase.

Sa 'di kalayuan ay bumungad sa akin ang aking maganda at bruhang kaibigan na tila galing sa BarbieWorld. Parang hindi kompleto ang araw kung hindi bonggang-bongga ang kanyang make-up. Akala mo'y pupunta siya sa isang fashion show imbes na sa klase.

Balak ko ngayong sabihin sa bruha ang tungkol sa aking myloves kaya panay ang reklamo niya dahil halos liparin ko na ang classroom namin. Para kaming tumatakbo sa isang marathon kahit na hallway lang naman 'yun.

"Ba't ka ba nagmamadali ha? Para kang hinahabol ng aswang na may rabies!" reklamo niya habang hinihingal.

"Tsk. Tahimik!" Nabigla naman siya sa inasal ko, lalo na nang sabihin ko kung bakit ako nagmamadali. Parang nakakita siya ng multo na nagsasalita ng alien language.

"Naks naman, in love ka na, bruha ka! Salamat sa pag-inform dahil simula ngayon, ipagdadasal ko na sana hindi ka niya e crush back. Baka masira pa ang beauty mo sa sobrang pagkabigo," sabi niya na may halong panunuya.

Kaibigan ko ba talaga 'to? Parang mas gusto pa niyang maging single ako habambuhay.

Good timing dahil naroon na rin si myloves sa klase. At dahil wala akong kahit katiting na hiya sa katawan mana sa nanay ko Charot!, sinabi ko sa aking bruhang kaibigan ang dapat kong sabihin.

1... 2... 3... BOOOGSHHH!

Halos isumpa ko siya nang panghabambuhay dahil sa sakit ng balikat ko. Grabe naman kasi kung makasapak, lagpas langit ang sakit! Parang tinamaan ako ng truck na puno ng bato.

"TOTOO?" Halos hindi makapaniwalang saad niya. Parang nanalo siya sa lotto sa sobrang gulat.

Pero halos takasan ako ng kaluluwa nang makitang lumapit si bruha kay myloves nang makabawi ito sa gulat.

Mag-iisang libong dasal ang ginawa ko sa aking isipan, lalo na nang marinig ko ang sinabi niya. Parang gusto kong maghukay ng libingan ko sa sobrang kahihiyan.

"Hoy, my dragon cousin! Crush ka daw nito!" Parang gusto ko na lang maglaho na parang bula sa kahihiyang ginawa niya! Pero teka? Cousin? Magpinsan sila? Ang liit naman ng mundo! Parang circle!

"Magpinsan kayo?" hindi makapaniwalang saad ko. Parang bumagsak ang langit sa aking ulo.

"Yeah, why?" sagot ni myloves na parang walang nangyari.

Sasagot na sana ako nang biglang dumating ang aming guro. Tahimik lang ako buong klase, hindi dahil sa hirap ng topic kundi sa isiping magpinsan sila. Kaya hanggang mag-lunch ay tulala pa rin ako na parang zombie.

"Besh! Tara sa canteen," yaya ng bruha kong kaibigan. Tumango ako sa kanya saka kami nagtungo sa canteen.

Si Bruha na ang nag-order ng kakainin namin, saka ako ang naghanap ng mauupuan. Kinulit pa talaga ako kung may gusto ba daw akong i-order, pero tumanggi ako dahil may baon naman ako.

Di nagtagal, dumating din naman ito na may dalang pagkain namin, at saka ko inilabas ang niluto ni Inay na baon namin.

Masaya naman kaming kumakain ng aking besh ko nang dumating ang kina-inisan ko, lalo na sa nakikita ko ngayon. Ang sarap balatan ng buhay, myloves ko 'yan, eh! May kasama siyang ibang babae na parang linta kung makadikit sa kanya! Humanda ka sa akin mamaya, bruha ka!