Rebirth As Khattar (ခတ္တာအဖြစ်ပြန်လည်မွေးဖွားခြင်း)Completed

အပိုင်း ၃

''မိုက်လိုက်တဲ့မိညို..ငါ့တူကလေးတစ်ခုခုဖြစ်ရင်ဖြင့်ညည်းကိုတသက်လုံးခွင့်မလွှတ်ဘူး ဒီက​လေးဟာညည်းကိုဘာများထိခိုက်နေသလဲမိညို''

မြို့မှလာသည်ဟူသော ဘထွေးဆိုတဲ့အဘဟာအမေ့ကိုဆူနေခြင်းဖြစ်သည်။အမေကတအိအိငိုနေပြီးခေါင်းဟာလဲမြေကြီးစိုက်ဝင်မတတ်ကိုငုံ့ထားသည်။ခတ္တာသေကြောင်းကြံစည်ကသည့်အကြောင်းအရင်းက မိန်းမပေးစားလို့တဲ့လေ။

''ညိုပြာ ညိုမီ ညည်းတို့ကရောညည်းတို့အမေကိုမတားကြဘူးလား''

ဘထွေးဟာ ထောင့်တစ်ဖက်စီမှာ ငြိမ်သက်စွာထိုင်နေသည့်ခတ္တာအစ်မနှစ်ယောက်ဆီ ဦးတည်သွားပြန်သည်။

''အို ဘထွေးရယ် ဘယ်ပြောကောင်းမလဲတားလိုက်တာမှလေတိုင်းသိပြည်သိ ခတ္တာငိုနေတာကိုကျုပ်​ဖြင့်မကြည့်ရက်လို့ အမကိုဖြောင်းဖြရင်အမက ရန်ထတွေ့တယ်လေအော်ကြီးဟစ်ကျယ်ပဲ မယုံဘေးအိမ်တွေမေးကြည့်တော်''

မညိိုမီကပြောတော့ ညိုပြာကဆက်၍

''ဟိုဘက်ရွာကကောင်မရဲ့မိဘတွေလည်းကျုပ်သွားပြောပါတယ်အမကတောင်းရမ်းငွေရော နွားတရှဥ်းပါပေးပြီးပြီတဲ့သူတို့သမီးသိက္ခာတွက်မဖြစ်မနေမင်္ဂလာဆောင်ရမယ်တဲ့ ဟင်းဟင်းကျုပ်ဖြင့်တဟားဟားရယ်လိုက်ချင်တာသူတို့သမီးဆင်ခန္ဓာဝက်ကိုယ်လုံးကိုဖြင့်ကျုပ်မောင်ကဖြင့်မမြင်ဖူးဘူး ဂုဏ်သိက္ခာတွေဘာတွေပြောနေတာဖြင့်ကြီးကြီးကျယ်ကျယ် ကျုပ်ဆိုလဲမယူပေါင်''

ညိုပြာရဲ့စကားကြောင့်နေညိုရယ်သံကတိုးတိုးလေးထွက်ပေါ်လာသည်။ဘထွေးရဲ့အကြည့်တို့က နေညို့ဆီရောက်လာပြီး။

''မင့်ကျုပ်စိတ်မချဘူး ကျုပ်နဲ့မြို့လိုက်ချင်သလားလူလေး''

နေညိုရဲ့မျက်လုံးတွေဝိုင်းစက်သွားသလို အမေဟာလည်းခေါင်းငုံ့ထားရာမှဘထွေးအားခေါင်းထောင်ကြည့်လာ၏။

''မဖြစ်ပါဘူးအစ်ကိုကြီး ကျုပ်သားကဘာမှသတိပြန်ရသေးတာမဟုတ်ဘူး အခုမှကျုပ်သားနဲ့ကျုပ်နီးနီးကပ်ကပ်နေရတာ ကျုပ်အမှားတွေပေမယ့်အခုကစပြီးခတ္တာကိုပျော်ရွှင်အောင်ထားမှာပါတော်''