Rebirth As Khattar (ခတ္တာအဖြစ်ပြန်လည်မွေးဖွားခြင်း)Completed

အပိုင်း ၂၅

ဆက်ထင် နံရံတွ​င် မှင်တံနှင့်ရေးစွဲထားသည့် နာမည်နှစ်ခုနှင့်လူအရုပ်ပုံနှစ်ခုကိုခပ်ဖွဖွထိကိုင်၍ ပြုံးမိသည်။ဒီ​ခြံဝန်းကိုရောက်တိုင်းငယ်ဘဝသို့အမှတ်ရမိပြီးငယ်စဉ်ပျော်ခဲ့ဆိုးခဲ့ရတဲ့အချိန်လေးတွေကိုတခေါက်လောက်ဖြစ်ဖြစ်ပြန်ရောက်ချင်သည်။နှစ်ယောက်ပေါင်းလောင်းကျော်ဆိုပြီး မိဘတွေကခဏခဏပြောသလို ဆရာများကလဲမျက်မုန်းကျိူးတဲ့ထိဆိုးကြပေကြ၏။

ငယ်ဘဝကိုပြန်တွေးကြည့်လိုက်တိုင်းကွက်ကွက်ကွင်းကွင်းပေါ်လာသည်အထိ အမှတ်တရတွေတပုံတဟောင်းရှိခဲ့သည်။ကလေးဘဝကိုအကောင်းဆုံးဖြတ်သန်းခဲ့ရပြီး ထိုအချိန်ကမိဘမျက်နှာအိုးမဲသုတ်ခဲ့သည့်အချိန်တွေဟာ အသက်ရွယ်ရလာသည့်ဆက်ထင်အဖို့အရယ်ရဆုံး ဖြစ်ရပ်မှန်ဟာသလေးတွေပင်။

''တူကြီး​အထဲဝင်လေ''

ဦးစိုင်းပန်ဟာ ပြတင်းပေါက်နေ အိမ်ခေါင်းရင်းတွင်ရှိနေသည့်ဆက်ထင်အားလှမ်းပြောသည့်အတွက်ဆက်ထင် ထိုင်ရာမှထလိုက်ပြီး အိမ်ရှေ့ပြန်လျှောက်လာ၍အိမ်ထဲဝင်လာလိုက်သည်။ကိုယ့်အိမ်ကိုယ့်ယာလိုဖြစ်နေသည့်ဒီအိမ်ဟာ အသက်၅နှစ် ပထမဆုံးခြေချခဲ့ရတဲ့အချိန်တွေကလိုပြောင်းလဲသွားခြင်းအလျဥ်းမရှိ။ ဧည့်ခန်းအတွင်းတွင်ထိုင်နေကြသည့် ရှမ်းဝတ်စုံနှင့် အမျိုးသားကြီးမှာအိမ်ထဲဝင်လာသည့် ဆက်ထင်ဟာနွေးထွေးစွာပြုံးပြပြီးထိုနည်းတူဘေးမှအမျိုးသမီးဟာလည်းသိုးမွှေးထိုးလျက် ဆက်ထင်အားလှမ်းကြည့်၍ အနားလာထိုင်ရန် မျက်နှာအမူရာနှင့်ပြသည်။

ဆက်ထင် သူတို့အနားသို့လျှောက်သွားလိုက်ပြီး ခုံတွင်ဝင်ထိုင်လိုက်သည်။

''ကျုပ်တို့မယ်မျှော်နေရတယ်မင့်သူငယ်ချင်းသတင်းကြားပြီးလာခဲ့တာ ဟုတ်စ''

''ဆိုပါတော့ဒေါ်ဒေါ် ဒီတလောကိစ္စ​တွေသိပ်များနေတာနဲ့ပဲမရောက်ဖြစ်တာ''

''အေး...ထမင်းစားပြီးမှပြန်ချေ''

အသံဝဲဝဲနှင့် သိဒ္ဓိမိခင်ဟာ အေးအေးချမ်းချမ်းနှင့်ပြုံးပြကာပြောလာ၍ သိုးမွှေးထိုးနေသည်ကိုအာရုံပြန်စိုက်သွားသည်။