Rebirth As Khattar (ခတ္တာအဖြစ်ပြန်လည်မွေးဖွားခြင်း)Completed

အပိုင်း ၅၃

ပွဲဈေးတန်းကြီးမှာစည်းကားလျက်ရှိပြီးစားစရာတွေစုံလင်ပေါများပြီးပွဲသဘင်တွေလည်းအများကြီးရှိသည်။မင်းဝတ်မင်းစားများဝတ်ကာကျောက်ရုပ်သဖွယ်ထိုင်နေကြသည့်သူများသည်လည်းမလှုပ်မယှက်နှင့်ရုပ်သေသဖွယ်။ အမြင်ဆန်းနေသည့်အရာမှန်သမျှကိုခတ္တာကိုသဘောတကျကျနှင့်လိုက်ကြည့်နေမိ၏။

မုန့်တန်းများစီသို့မျက်လုံးရောက်မိသည့်အခါ မုန့်ရေပါး(ရေမုန့်) မုန့်လင်မယားနှင့်မြန်မာစားဖွယ်အစုံအလင်။

''ဦးထင်...''

ကိုင်ထားသည့်လက်ကိုအသာလှုပ်ကိုင်ပြီးခေါ်လိုက်သည့်အခါတွင်ဦးမျိုးဆက်ထင်ဟာခတ္တာအားလှည့်ကြည့်လာသည်။

''မုန့်စားချင်ပါတယ်''

''ဘယ်မုန့်စားချင်သလဲ''

ခတ္တာလက်ညိုးညွှန်ပြလိုက်သည်။ ကပ်စေးနဲသည်ကို ဦးမျိုးဆက်ထင်ကတချက်ကြည့်လိုက်ပြီးမျက်ခုံးများကျုံ့သွား၏။

''ရင်ကြပ်မယ်မောင်ခတ္တာ''

ကပ်စေးနဲကိုအရမ်းကြိုက်လွန်း၍မြင်တိုင်းမစားရလျှင်မနေနိုင်။တကယ်ပဲကျော်သွားပါက အဲ့ဒီစိတ်နဲ့အိပ်ရမည်ပင်မထင်။

''တစ်ခုလောက်ပါပဲ ဦးထင်''

ခတ္တာ ကိုင်ထားသည့်ဦးမျိုးဆက်ထင်ရဲ့လက်ကိုလက်တစ်ဖက်ဖြင့်အုပ်မိုး၍မျက်နှာငယ်နှင့်ထပ်ပြောလိုက်သည့်အခါ ဦးမျိုးဆက်ထင်ဟာအံ့သြသွားဟန်နှင့်ခတ္တာအားကြည့်လာ၏။

''ကောင်းပြီ''

မချွဲတတ်ဘူးမထင်လိုက်ပါနှင့် မမ teamကနေခဲ့သူမလို့ ချွဲတဲ့နေရာမှာ နေညိုသွေးဆိုသည့်ကောင်ဟာဆရာကြီးဖြစ်၏။ ဦးမျိုးဆက်ထင်ဟာသူ့လက်ထဲမှ အညိုရောင်လည်သာခေါက်အိတ်အားခတ္တာဆီသို့ပေးသည်။

''ကြိုက်ရာဝယ်စားပါ''

ခတ္တာမျက်ဝန်းနှစ်ဖက်ဟာ ကြယ်လေးတွေလိုတလက်လက်နှင့်တောက်ပသွား၍သွားတက်လေးတွေပေါ်သည်အထိ ရယ်ပြလိုက်သည့်အခါ တည်ငြိမ်နေသည့်ဦးမျိုးဆက်ထင်ရဲ့မျက်လုံးများဟာပြုံးသွားယောင်ရှိသည်ကိုတွေ့လိုက်ပါသော်လည်း အလျင်အမြန်ပင်မျက်နှာလွှဲသွားသည့်အခါ ခဏတာသာ။