Rebirth As Khattar (ခတ္တာအဖြစ်ပြန်လည်မွေးဖွားခြင်း)Completed

အပိုင်း ၃၈

ဒီနေ့ဟာစာမေးပွဲနောက်ဆုံးရက်ဖြစ်၏။ခတ္တာ စာမေးပွဲရက်အားလုံးကိုအထစ်ငေါ့မရှိစွာနှင့် ဖြေဆိုနိုင်ခဲ့သည်။ စာမေးပွဲမဖြေခင်ရက်တွေတော့ ခတ္တာတွက်ကျောင်းတက်ရသည်မှာအတော်လေးခက်ခဲ၏။လူအရှေ့မှာတစ်ယောက်လုံးရှိနေတာတောင် အပြောဆိုခံခဲ့ရသည်။မကြားအောင်တမျိုး ကြားအောင်တမျိုး 'သိုက်တူးကောင်'တို့ 'မိန်းမလျာ'တို့ 'အခြောက်တို့'မျိုးစုံခေါ်သံတွေကိုခတ္တာသည်းခံခဲ့သည်။

သို့ပေမယ့် ဝင်းကိုကတော့ သူကြားရင် ကြားတဲ့နေရာတွင်ပြသာနာရှာသည်။ တစ်ယောက်ယောက်ကပြောလို့သူ့နားထဲပြန်ရောက်သည့်အခါ နောက်တရက်ထိုပြောသည့်သူဟာကျောင်းမတက်နိုင်တော့။ ပါချုပ်ရုံးခန်းခဏခဏရောက်သလို ဝင်းကိုဟာခတ္တာကြောင့် ကျောင်းထုတ်ခံရလုနီးနီးထိဖြစ်ခဲ့သည်။

စာမေးပွဲဖြေဆိုပြီး အားလုံးဟာ တစ်ယောက်နှင့်တစ်ယောက်နှုတ်ဆက်နေကြ၏။တချို့အဆောင်နေသူများဟာနယ်ပြန်ကြမှာဖြစ်​သောကြောင့်အချင်းချင်းဖက်၍တငိုငိုတရီရီ။ဝင်းကိုနှင့် ခတ္တာသစ်ပုပ်ပင်ကြီးအောက်တွင် ဘေးချင်းယှဥ်၍ ထိုင်နေကြပြီး အနားက လူတွေအားလှမ်းငေးနေ၏။

''ငါရွာပြန်တော့မှာဝင်းကို''

''အင်း ငါသိရဲ့''

''နောက်နှစ်ကောလိပ်တက်ချင်မှတက်တော့မှာ''

ဝင်းကိုဟာခတ္တာအား ဆတ်ခနဲလှည့်ကြည့်လာသည်။မျက်ခုံးတွေပါစုကျုံ့ထားပြီး ခတ္တာမျက်နှာအရှေ့တည့်တည့်သို့ပြောင်းထိုင်လိုက်ပြီးနောက်။

''ဒါဘာစကားလဲ လာမယ့်နှစ်အတူတူအဆောင်နေ တက်မယ်ဆို''

''အခြေအနေအရပါပဲဝင်းကို ငါမင်းဆီလာတွေ့ပါမယ်''

ဝင်းကိုဟာခတ္တာအားအလိုမကျသည့်မျက်လုံးများနှင့်ကြည့်လာပြီးနောက် ခေါင်းခါရမ်းသည်။

''ငွေကြေးကြောင့်ဆို ငါရှိရဲ့ခတ္တာ မင်းကျောင်းပြီးတဲ့အထိငါ...''

''ငွေကြေးကြောင့်မဟုတ်ဘူးဝင်းကို ငါမနေချင်တော့ဘူးဒီအနားပတ်ဝန်းကျင်မှာရော လက်ရှိနေရာမှာရော''