Rebirth As Khattar (ခတ္တာအဖြစ်ပြန်လည်မွေးဖွားခြင်း)Completed

အပိုင်း ၆၅

ပင်ပန်းညောင်းညာနေသည့်ခန္ဓာကိုယ်ကြောင့်ခတ္တာအိပ်ယာမှနိုးလာခဲ့သည်။မျက်လုံးများကိုအားယူပြီးဖွင့်ကြည့်သည့်အခါတွင် ဘေးတွင်ဦးမျိုးဆက်ထင်ရှိနေပြီးခတ္တာဟာ ဦးမျိုးဆက်ထင်ရဲ့ရင်ခွင်ကျယ်တွင်းရောက်ရှိနေသည်။ နှုတ်ခမ်းကိုအသာဖိကိုက်ရင်း မဝံမရဲမော့ကြည့်လိုက်သည့်အခါ ခန့်ညားပြီးချောမောသည့် ဦးမျိုးဆက်ထင်ရဲ့မျက်နှာမှာ ရှင်းလင်းစွာ။

လက်ညိုးကိုထုတ်ပြီး ဦးမျိုးဆက်ထင်ရဲ့ပါးပြင်ကိုအသာတို့ထိရင်း ပြုံးမိသည်။ ချောလိုက်တာ ဆိုတဲ့စကားလုံးထပ်ပိုတဲ့စကားလုံးရှိရင် ဒီအမျိုးသားကိုခိုင်းနှိုင်းချင်လွန်းသည်အထိ။ဒီလိုချောမောသည့်လူအားမွေးထုတ်ပေးခဲ့သည့်ယောက္ခမနဲ့ယောက္ခထီးကိုဘဝအဆက်ဆက်ကျေးဇူးတင်မိမှာအမှန်ပင်။မယားကောင်းသားကောင်းရရင်တောင်ဒီလောက်ပျော်ရမည်မဟုတ် လင်ကောင်းလင်ချော ကိုရလိုက်ပြီး မနက်တိုင်း ထိုလူ၏ရင်ခွင်ထဲမှာနိုးထလာရမည်ကိုတွေးရင်းပျော်ရွှင်မှုဟာအတိုင်းအဆမရှိ။

''နိုးနေပြီလား''

မျက်လုံးတွေမှိတ်ထားရင်းမေးလာသည့်မလို့ ဦးမျိုးဆက်ထင်ရဲ့မျက်နှာပေါ်က လက်တို့အားအလျင်အမြန်ပင်ရုတ်လိုက်သည့်အခါ ထိုသူဟာ ပြုံးသည်။ မနက်ခင်းနေရောင်နှင့်ပေါင်းစပ်လိုက်သည့်အခါ ဦးမျိုးဆက်ထင်ရဲ့အပြုံးဟာတကယ့်ကိုငေးမောချင်စရာကောင်းလွန်းသည်အထိပင်။

ချက်ချင်းပင်အောက်သို့လျှောလာပြီး ဦးမျိုးဆက်ထင်ဟာခတ္တာရဲ့ရင်ခွင်သေးသေးလေးအတွင်းသို့ခေါင်းတိုးဝင်လာသည်က ကလေးတစ်ယောက်အသွင်။

''ဆံပင်လေးကိုင်လို့ရလားဟင်''

ထိုအခါခတ္တာရင်ခွင်ထဲမှဦးမျိုးဆက်ထင်ဟာခတ္တာအားမော့ကြည့်လာပြီး။

''ဆန္ဒရှိရင်အားလုံးကိုင်လို့ရပါရဲ့ မောင်ခတ္တာ''

''အာ...ဦးထင်ကလဲ''

တဆက်တည်းမြင်ကွင်းတွင်းကွက်ကွက်ကွင်းကွင်းပေါ်လာသည့်ညကပုံရိပ်တချို့အားတွေးရင်းမျက်နှာများပူလောင်လာသည်မလို့မျက်လုံးများတင်းတင်းစေ့ကာစက္ကန့်ပိုင်းလောက်ထိမှိတ်ထားလိုက်၏။