النقيب و المخدرة ✪

part 1

النقيب والمخدرة
part 1

ميار: رجعت من اخر امتحان الي بالسادس وجنت هلكانة من التعب وصلت للبيت وسلمت على امي وابوية وسئلوني على امتحاني گتلهم الحمدلله جاوبت فرحوو وگالو راح ترتاحين ان شاء الله خلصتي گتلهم ان شاء الله.

ميار: يوم اني راح اصلي و انام تمام.

ماما: وين تنامين وانتي ما ماكلة.

ميار: ماما والله تعبانة من اگعد اكل.

ماما: براحتج يمة.

خلي اعرفكم بنفسي وبعائلتي

ميار: اني ميار من الأنبار عمري 22 سنة
حنطاوية وشعري طويل عيوني عسلية وزني 70 كلش حلوو جسمي حواجبي خفاف خشمي مو صغير ولا كبير حلو شكلة شفايفي شوية مليانة عيوني كبار طولي 155.
امي لمياء ربت بيت وبابا علي سايق تكسي يم رجال معروف شيخ عشيرة الـ..... يلقبوو بأبوو كرم اخواني مؤمن الكبير وأكبر مني عمرة 25 سنة
طالب طب عام ومنار اختي الصغيرة عمرها 18 سنة طالبة سادس اعدادي طبعآ احنا سكن بغداد لأن اهلي خافوو على مؤمن من الأوضاع والطريق وگالو نروح نگعد هناك علمودة هاي عائلتي وبالبارتات الجاية تتعرفون عليهم اكثر....

ميار: طبعآ هل حجي قبل 3 سنوات

قرب اليوم التطلع بي النتائج واني كلي خوف وقلق ما ارتاحيت طول هل ايام بالي يم الدرجات وگالو اكوو ظلم وضليت خايفة لا انظلم اجا اليوم التطلع بي نتائج واني الخوف بية والقلق والتوتر مبين علية جنة گاعدين جاي نشرب جاي وگال مؤمن نزلت النتائج توترت اكثر وبدة مؤمن يبحث عن مدرسة الـ..... للبنات بحث وكلناا نباوع بس نريد نعرف شطلعلي وجان اشوف اسمي وجانت الصدمة معدلي 96.58 تخبلت وشبعت بجي عبالي ما راح احقق حلمي ويطلعلي التخدير....

_________________

مؤمن: اعرفكم بنفسي طبعا مثل ما حجت ميار عني اسمي مؤمن من الأنبار عمري 25 سنة شكلي اسمر وعيوني كبار حواجبي مرسومات لحيتي خفيفة طولي175 باقي تفاصيل وجهي متناسقة ويا شكلي شعري مو عالي متوسط طالب طب عام مرحلة رابعة طبعا اهلي مثل محجتلكم عنهم ميار انقلوو من الأنبار لبغداد علمودي خوفآ علية من الوضع والطريق بعيد ويهلك روحة رجعة فاستقرينة هناك بس ابوية بقى بشغلة بالأنبار ويجينة كم يوم ويشوفنة ويطمن علينة ويروح يرجع للشغلة.

مؤمن: خلصت ميار امتحانات و كملت وهية مبين عليها الخوف والقلق وتعرفون انتوو القنوات والناس التحجي وتنشر شي كذب اكوو ظلم واكوو رسوب هواية وهل حجي كل سنة ينعاد المهم عدت الأيام كاعدين جاي نشرب جاي وگتلهم نزلت النتائج ميار گمزت من مكانها بس على كيفج حيوانة امي گامت تدعي وكلهم التموو يمي بحثت وطلعت النتيجة مالتهاا وجان معدلهاا 96.58 تخبلت ميار گامت تصيح وتبجي واحنا نهدي بيها بس هية ماكوو بس تبجي حسبالها ما راح يطلعلها القسم التريدة.

_________________

ميار: مرت الأيام طبيعي وقدمت وانقبلت بقسم التخدير ببغداد فرحانة وفرحتي متنوصف وهسة اني متخرجة لأن قدمت معهد سنتين وجاي اطبق وبأنتظار التعيين .

_________________

مشهد: لك كواد مو هيج راح تدعمنا سيف ولا يسمع يمشي سرعة ولا مهتم الي ولصياحي.
سيف: ما اهتم لحالك تحجي.

مشهد: قسم بالله اذا ما وگفت الا اذبحك.

سيف: اسوق السيارة بكل سرعة واني مستمتع احب المغامرات والسباق كلش اعرف مشهد عندة خوف من السياقة بسرعة بسبب حادث صار ويا وهووة و صغير واني جاي احاول اخلي يتخطى هاذا الشي لذلك كلما يصعد وياية هيج اسوي.

مشهد: وگف سيف واني هنا فقدت اعصابي علي الكواد يعرف عندي فوبيآ من السياقة بسرعة بس يستغل هل شي دائما ماخذة نقطة ضعف الي بسبب حادث.

سيف: شبيك مشهد ليش خايف مو عيب عليك.

مشهد: ولك منوو خايف كلب بس انت تعرف عندي فوبيآ بسبب الصار وبعدين تريد اذكرك من الخواف..
سيف: اي افتهمنة لا تبقى اتعايرني وبعدين انت اجيت ساعدتني والا اني ردت اواجهة وحدي مطلبت مساعدة منك.

مشهد: وصلني سيف وگتلة انجب ويلا هسة سنفر اريد انام واي اتصال منك ما اريد افتهمت تصبح على خير.

هسة صار الوقت نعرفكم على بطلنا 😉🌚.

مشهد: اسمي مشهدد من بغداد عمري 30 سنة طولي 182 وجسمي ضخم بس مو كلش بشرتي حنطاوية عيوني لونهن اسود ونظراتي كلش حادة ومن اعصب يحمرن عيوني خشمي رفيع وطويل شوية شفتي عادية عندي شوارب بحكم شغلي احب شغلي كلش.
اعرفكم على عائلتي..
طبعآ اني عايش ويا امي منى وامي ربت بيت وبيبتي ام ابوية نورية من ريحة ابوية وبقت تحن علينة وتريدنة عندي خوات اثنين اليهمة شهداء الكبيرة تدرس طب عام عمرها 23 سنة وشهد طالبة صف سادس ابتدائي عمرها 12 سنة.
اكيد راح تسألوني عن ابوية راح احجيلكم ابوية اتوفى واني عمري صغير اني جنت اضل ويا ابوية جنا رايحين اني ويا بسيارة يوم جمعة و الشوارع شبه فارغة ابوية كلش يحب يسوق بسرعة واني متعود على سياقتة ما حجيت شي لحد ما ابوية انصدم بسيارة واني هنا فقدت وبعد ما اعرف شي ما حسيت الا واني بغرفة المستشفى وجسمي كلة جروح واجهزة يمي دفرت كلشي من يمي وصحت دخلوو علية وسألتهم على ابوية جان جوابهم صدمة عمري ابوك اتوفى انكسرت وبجيت اتحملت مسؤولية اكبر من عمري مرت ايام عمري ويا ابوية كلهاا گدام عيني جان يحبنا ويدللنا ومحارمنة من شي مجان يفضل واحد على واحد ابد الله يرحمك يا ابوية. مرت فترة وفات ابوية وشلت مسؤوليت امي وبيبي وخواتي واعتمدت على نفسي صحيح ما اسد مكان ابوية بس لازم اعتمد على نفسي حتى اعيش اهلي. اشتغلت ودرست وتعبت الحمدلله كلها تخطيتهاا وهل حجي قبل سنين....