النقيب و المخدرة ✪

part 24

النقيب و المخدرة ✪
part 24
الكاتبة: زيتونة.

كل شيء يمكنني ان اكتفي منها الا نظرتي أليك

//////////////////////////////////////////////////////
قراءة ممتعة ❤.

ميار: ابتعد مني واني گمت عدلت روحي وشلت الشال خليتة على راسي والعباية ذبيتها على اكتافي غطيت جسمي كلة بيها ومخلي ايدي ورا راسة ومن گال شوفي عيني احس فرحت بهل كلمة هههه لأن حجة بهدوء كلش حلو يصير من يحجي بهل لطف.
گتلة اول شي اني اجيت حتى اغير ملابسي وموو انت التعلمني على الصح والغلط علم روحك اول شي واني دكتور انس اعرفة اكثر من ما اعرفك وهل شي ميحقلك تدخل بي وعدلت الشال والعباية...

مشهد: ماكوو داعي تعدلين وتغطين شفت كلشي واسلوبج وياية تعدلي احسن الج ولبستج هاي تتغير احسن ما اسويلج مشكلة واريد من الله بعد اشوفج ويا انس والله الا اخلي برا هل مستشفى وانتي بكيفج بعد..

ميار: من گال هيج عزة فشلت تمنيت الگاع تنشگ وتبلعني ومن خوفي بديت اعض بشفتي ومن حرگت گلبي گتلة لووو تموت لبستي ما اغيرها وانس والله ما ابتعد عنة وشنو تريد تسوي سوي ويلا تفضل اطلع برااااا.

مشهد: عصبت وخافت كلش وبدت تعض بشفتها وگوة تحجي اني جنت ناوي اطلع بدون ما ائذيها بس هية جبرتني اتقدمت يمها ولازمتها من شعرها وگتلها انتي بت امج وابوج لا تغيرين لبس الگ...ب اللبستة وشوفي شسوي بيج....

ميار: لزمني من شعري ويجر بي مفتحت حلگي وحجيت گلت بلكي يطلع عندة احساس من وحدة يروح ويطلع وهناك لا. احساس ولا ضمير وشعري تگطع لأن ساحبة بالقراصة اذاني حيل وگتلة كملت يلا تگدر تتفضل براا.

مشهد: عجبتني بشوفة نفسها هاي قربتها يمي صار ظهرها على صدري وفتحت شعرهاا ريحتة تموت وجمال وطول ما شاء الله عليها سحرني شعرها اخذت خصلة من شعرها وقربتها الي اشم بيهاا وهية ادفر بية وتبعد نفسها عني بس اني مسيطر عليها لأن مثبتها بين أيدية...

ميار: اتخبلت من قربني يمة وفتح شعري ويشم بي كلش ضوجني ادفر بي ابتعد عنة ميفيد هوة اقوى مني اريد بس افلت نفسي ماكوو تخبل..

مشهد: شعرج خلي مفتوح دائما بس شعرج شعرج ديري بالج تگصي ورب الكون اكسر ايديج وايد التگصة ومتفتحي گدام مخلوق وجريتها منة وگالتت..

ميار: يحجي بأذاني وانفاسة برگبتي وبس اريد يبعد عني وگتلة بس بعد مني ما عليك يأخي اااااخخ..

مشهد: گالت ااخ وسديت حلگها گتلهاا ووجع تريد تفضحينة انتي وبستها على شعرها وگتلها اني طالع ومثل ما وصيتج قزومتي وغمزتلها وقفلي الباب وراي زين.

ميار: طلع ورحت ركض ورا قفلت الباب شبعت بجي وحلفت الا اكص شعري لأن مد ايدة علية ويبوس بي الحقير الله يلعنة مستفز حيوان ما عندة شررف رخيص والله الا اااحاسبة على سوايتة هااي ومسحت دموعي وگمت...