النقيب و المخدرة ✪

part 12

النقيب والمخدرة ✪

part 12

عداوة العاقل
أقل ضرراً
من مودة الجاھلِ.

مؤمن: طلعت للبيت واني افكر بالموضوع وگلت باجر لازم اشوف منو هاذا وشيريد وصلت للبيت ودخلت لگيت يمنة بيت خالي طبعا خوالي كلهم سكن بغداد وامي بغدادية سلمت عليهم وردت اصعد ابدل وارتاح اجتني بنت خالي بيت خالي متكون من خالي علاء وزوجتة غيداء وبنتهم الهية مريم 19 سنة ولد يحيى 15 سنة وريم 10 سنوات اجتي وراية مريم وگالت مؤمن...

_____________________

شهداء: كملنة الطريق ووصلت للبيت سلمت وبدلت وغسلت وحطيت اكل لنفسي لأن جنت ميتة من الجوع ومنا ضايجة على مؤمن لأن محجة وياية ولا انتظرني اليوم اكل وافكر بي الى ان اجتي شهد المزعجة(😂😂).

شهد: خير شعندج صافنة وتاكلين بضوجة شكوو؟

شهداء: روحي من يمي شهد لا ابتلي بيج.

شهد: والله مخبلة شحجيت اني وردت اطلع .

شهداء: تعالي لا طلعين سويلنة جاي نشرب اني وياج بما انو الكل نايمين.

شهد: بزعلل تمام سويت الجاي وحضرت الكوابة وصبيت وگعدنة نشرب گالت..

شهداء: والله تعب الدوام هاي السنة حيل مو صح.

شهد: اي صح وحيل جاي يلحون بالدراسة ويضغطون علينا.

شهداء: اي الك*لاب مدري شمسويلهم.

شهد: شنو نريد نسوي نكمل وننجب محد ماشي على رئينة مو صح ومندمجة احجي وياها.

شهداء: اي صح يلا حبي شكرا على الجاي واغسلي الكوابة والموعين مالتي بدربج ودزيتلها بوسة بالهوة هههههه.

شهد: امداج وامدا هل بوسة الزفت.

شهداء: ههه صعدت اتمددت ونمت ومحسيت الى ان..

_____________________

مشهد: جاي امشي و صاحني الدكتور الأسمة أنس گال..

دكتور انس: نقيب شوية من وقتك اذا مو زحمة.

مشهد: تفضل عيني.

دكتور انس: يزيد فضلك اريد اشكرك لأن نقذت ميار واعرف شصار وياها لأن هية مطنگرة متقبل تحجيلي شصاير .

مشهد: احس اريد اخنگة بس على شنو ما اعرف حجيت بحدة وبصوت شوية عالية ذيج ميار ورح افتهم منها ليش اني احجيلك وبصفتك منوو احجيلك هاي خصوصيات ميصير.

دكتور انس: على كيفك نقيب ماكوو داعي تعلي صوتك وبصفتي حبيبها وخطيبها اريد اعرف.

مشهد: من گال حبيبها وخطيبها سكتت وگتلة كذا وكذا السالفة.

دكتور انس: يعمري عليها والله لو اعرف هيج يصير ما اتركها بس انجبرت اتركهاا ما اعرف شنو اگلك نقيب وشلون اشكرك ممنون منك اني حيل.

مشهد: ماكوو داعي هاذا واجبي مشيت واني افكر بيهاا كل هل طول وهل جمال الشايلتة والملامح الحلوة تروح على واحد اثول مثل هاذا بس على على رغم من ملامحها الحلوة جنت احس بتناقض اتجاها حيل مرات احس نعجبت بيها بس اگول مستحيل ومو بهل سرعة ومرات اگول لا ما معجب بيها وحتى اذا جنت معجب بيها ماريد اعترف بيني وبين نفسي اصلا دخلت للغرفة وشفت سيف نايم عفت العصير على صفحة وتمددت بالسدية مالتي گلت ارتاحلي شوية لأن اتأخر الوقت وبعدها نمت..

_____________________

ميار: نمت من التعب وبعدها حسيت على اتتصال من حنين ساعة 8:30 رديت عليها.

حنين: صباح الخير ميار.

ميار: صباح النور هلا حنين شلونج.

حنين: الحمدلله بخير انتي شلونج اگلج فدوة ميار راح يجيج اخوية بس انطي الغراض البخزانة لأن محتاجتهن ضروري ووصيتها على كم شريط ادوية.

ميار: الحمدلله تمام عيني ادللي هسه اطلع يعني.

حنين: اي طلعي لأن هوة طلع.

ميار: تمام سديتة وغسلت ورتبت وجهي وشالي وخليت الغراض الطلبتها ومريت للصيدلية اخذت الگالت علي وگعدت انتظر برا لحد ماا اجاا...

____________________________________________________________________
الكاتبة زيتونة

بارت كلش قصير لأن ماكوو تفاعل والقصة كل متتقدم تصير احلا راح ابدي اختصرلكم اذا بقى التفاعل