النقيب و المخدرة ✪

part 13

part 13
النقيب و المخدرة ✪

الكاتبة: زيتونة

تفاعلكم يخليني اكمل القصة..
//////////////////////////////////////////////////////

المواقف الصعبة

تبني الأشخاص

الأقــــــــــــويـــــــاء.

مشهد: حسيت من النوم الساعة 8:30 گعدت فتحت موبايلي وقلبت بي شوية واني فرحان لأن الدكتور بلغنة نگدر نطلع اليوم صارلنا 3 ايام وابد ما مرتاحين وبعد عن اجازتنة 4 ايام گمت حتى اطلع اغسل واجيب ريوگ واشوف الدكتور شيگول على طلعتنة رحت للحمامات وغسلت طلعت گلت اروح اشتري صمون و جبن وزيتون و اني طالع لمحت القزمة گاعدة برا وبأيديها غراض وگاعدة على كرسي وترجع برجليها ورا منظرهاا حلوو جنها طفلة ههه بقيت اباوع عليها واجا عليها ولد...

_____________________

مؤمن: جنت كلش تعبان ووگفتني بنت خالي مريم وگالت..

مريم: الله يساعدك مبين تعبان.

مؤمن: الله يسلمج اي والله كلش تعبان من رخصتج راح ابدل.

مريم: بضوجة اخذ راحتك.

مؤمن: عرفتها ضاجت لأن نهيت وياها الحديث بسرعة بس ما الي خلگ السوالف سبحت وبدلت اتصل موبايلي وجان المتصل شهداء نصدمت ردت افصلة ورديت گلت الووو..

_____________________

ميار: اجاا الولد وولد ما شاء الله علي اخلاق وجمال گال..

رامي: السلام عليكم انتي دكتورة ميار موو.

ميار: عليكم السلام اي اني بأبتسامة.

رامي: هلا بيج دكتورتنة الكيوت ههه.

ميار: ضحكت ويا وگتلة هاي الغراض الوصت عليهن حنين سلملي عليها بعد محتاج شي.

رامي: اباوعلها تجنن وبس تريد تنهي الكلام وياية التوتر مبين عليها گتلها تمام عاشت ايدج يوصل لا سلامتج عيني.

ميار: الله يسلمك دخلت وعفتة وهوة بقى وراية يباوع عابت كرهتة من شفتة يباوع هيج..

_____________________

شهداء: نمت وبعدين فزيت حلمت مؤمن يعاتب بية گلت اكيد زعلان خلي اشوفة شبي مطنگر اتصلت علي ومرد بسرعة وبعدين رد گال الو..

شهداء: ما عرفت شحجي گتلة هلا مؤمن شلونك.

مؤمن: هلا بيج الحمدلله بخير انتي شلونج.

شهداء: الحمدلله وسكتت ردت احجي وسمعت باب غرفتة اندك مشغول بعدين اخابرك.

مؤمن: لا ما عندي شي منوو على الباب __بصوت ناصي وجع تفضلي مريم شكوو __ اشكرج جاي هسه.. اي شهداء كملي...

شهداء: سمعتة يگول مريم اني اعرف اسماء اخواتة وامة محد عدهم اسمها مريم وشلون تحجي ويا وتتدلع تگلة حميتلك الأكل حيبررد مادري شلون اوصفلكم المياعة احس ضجت من هل تصرف حيل ومن گللها هسه اجي سديتة شعلية اني اني موو خوش ليش اتصلت استغفر الله...

_____________________

مشهد: بقيت اباوع عليها وعلى الولد الأجاها ويضحك وتضحك ويا وبعدين دخلت وهوة ضل يباوعلهاا و بعد صفناتة ابوو صابر وابتسامتة يلا راح استغفرت ومشيت للفرن اشتريت صمون واشتريت جبن وزيتون ورجعت اخذت جاي من الكوفي مالت المستشفى ودخلت للغرفة لگيت سيف گاعد.. صباح الخير.

سيف: صباح النور.

مشهد: يلا سيوف گوم غسل حتى بلكي نطلع هسه.

سيف: اي والله بلكي طگت روحي هنا بعد ما اتحمل.

مشهد: اوووي حبيبي طگت روحة دگوم يلا.

سيف: هههه گمت غسلت ورجعت اكلنة  وحجينة على الدوام و على كم قضية جايتنة..

مشهد: عدناا تراكم بالشغل صار وشوف شكم قضية راح ينطينة طارق حتى ينتقم منه على اجازتنة هاي ههه.

سيف: هههه شيريد يسوي مثلا خلي يسوي ميصعب علينا شي موو صح وغمزتلة.

مشهد: هههه گوم لا ادفرك.

سيف: ههه الحمدلله اني شبعت لم الأكل يلا مشهد حبيبي حرام يضل بالگاع.

مشهد: اي موو اشتغل جواك وجوة الخلفك ولميت الأكل كلة.

سيف: فدوة للمعدل ههه..

مشهد: نجب ههه.