part 8
النقيب و المخدرة ✪
مؤمن: فتحت النت و گعدت اقلب بضوجة وصاحولي خليت الموبايل على شحن بالغرفة تعشينة وشربنة جاي وراحت ميار گاعد ويا امي نسولف ومنار جاي تدرس سمعت موبايلي دگ مهتميت گلت يمكن واحد من الولد هسه اگوم بس مفصل المكالمة بقى يدگ گالت امي روح شوفة گمت اشوفة وطلع..
_____________________
مشهد: طلعت للسوگ واشتريت لسيف تراكات اثنين وداخليات وطلعت واني بالسيارة اتصلت امي.
ام مشهد: السلام عليكم يمة شلونك شخبارك شلون صديقك.
مشهد: هلا يمة عليكم السلام الحمدلله كلنا بخير انتي شلونج شخبارج الحجية شلونهاا وشهداء وشهد.
ام مشهد: الحمدلله يمة كلهم بخير يسلمون عليك.
مشهد: الله يسلمج و يسلمهم.
ام مشهد: اسويلكم عشة تجي تاخذة.
مشهد: لا يمة حبيبة لا تعبين نفسج راح اشتري جاهز وانتي عليج الغدة.
ام مشهد: ماشي يمة تدللون.
مشهد: ما يدلل عليج ظالم يالغالية.
ام مشهد: بعد گلبي دير بالك على روحك مع السلامة وليدي.
مشهد: ان شاء الله يمة سلمي على كل مع السلامة حبيبة.
شهداء: اتصلت امي على مشهد واحنا گاعدين وسلمت علي وسدتة وگالت ميريدون عشة أذن المغرب وصلينا واجا ابالي اراسل مؤمن گلت خلي اراسلة حتى اسأل على تحاضير اليوم راسلتة ورحت سويت العشة وحطيتة اتعشينة وغسلت الموعين ورحت گعدت ويا امي وبيبي شوية نسولف وگالت بيبي.
بيبي: شهداء حبيبة شعندج گاعدة ما تگوم ادرسين واليوم انتي غايبة.
ام مشهد: گضتها نوم اليوم ما الها واهس بعد تدرس.
شهداء: بزعل والله موو هيج بس انتظر يدزولي التحاضير.
بيبي وام مشهد: دگومي اتصلي ما ضل وقت يمتة تدرسين.
شهداء: گتلهم تمام رحت لغرفتي و شهد برا گاعدة تدرس اتصلت على مؤمن واني اول مرة اسويهاا واتصل علي احس نفسي متوترة وانتظرت يرد وعلى اخر لحظة رد..
مؤمن: شفت المتصل شهداء بعد ما اعرف شسوي على اخر لحظة رديت وگالت.
شهداء: السلام عليكم شلونك شخبارك.
مؤمن: عليكم السلام الحمدلله بخير انتي شلونج شخبارج وگتلها شصاير وياج وسكت گلت شحجاني.
شهداء: بأبتسامة والله صارلي ظرف ومگدرت اداوم الحمدلله بس اذا مصير زحمة اريد التحاضير.
مؤمن: خير ان شاء الله اني هم غبت اليوم اني اي ادللي جيبي ورقة وسجلي .
شهداء: تمام صدگ ما داومت لعد اسفة على ازعاج اخذ راحتك.
مؤمن: لا يمعودة هاي شبيج صدگ تحجين دزولياها الشباب.
شهداء: تمام اخذت التحاضير واتشكرت منه وسديتة واحس گلبي يريد يوگف.
مؤمن: احس نفسي راح اطير ههه عبالك مو اتصال.
_____________________
مشهد: سديتة من امي و كملت طريقي وصلت يم المطعم گتلة اريد دجاج شوي وگالي تتأخر لأن بعد توة حطيناهن گتلة تمام راح انتظر اتصلت بسيف وگتلة شوية اتأخر.
سيف: گال تمام مشهد بس اتصل على جماعتنة البلدوام واطلبلنة اجازة.
مشهد: اي والله صدگ شلون نسيت اني زين ذكرتني تمام يلا مع السلامة.
سيف: وين بالك مع السلامة.
مشهد: گتلة نجب ولي وسديتة واتصلت على طارق حتى ابلغة ينطينة اجازة رد حجيت ويا وما قبل ضل يفيك براسي ويگول جايني هسه تطلب اجازة و اجازة ما انطي اني وراح اخابرلك واشوف ينطوك گتلة تمام وسديتة بوجهة اني هيج يسوي بية ويحجي وياية جيت واتصلت على العميد وفهمتة السالفة وگتلة التهيت بحادث سيف ومگدرت اخابر اتفهم الوضع وگال ما عليك هاهية اعتبرو نفسكم مجازين بس هااا اسبوع مو اكثر ضحكت واتشكرت منه شفت صديق قديم الي والتهيت ويا الى مصار الطلب اخذتة وطلعت للمستشفى.
_____________________
ميار: صلينة المغرب وسوينة العشة وصلينة العشاء وحطينة العشة تعشينة وشربنة جاي وگمت حتى احضر نفسي صعدت اخذت حمام على سريع ولبست طقم كامل وشال وجنطة وبوت تكرمون متناسق وياهن وخليت مكياج خفيف ولبست اغراضي وطلعت وصلت للمستشفى ودخلت لغرفتنة و ضميت اغراضي وقفلت الباب وطلعت رحت للدكتور و لگيت الأطباء كلهم مجتمعين اتفاجئت والدكتور معصب صاير حوادث اثنين والطرفين متأذي گال جهزو نفسكم اتحركوو وركضنة كل واحد راح لشغلة.
____________________________________________________________________
596 كلمة كتبت
الكاتبة: زيتونة ♡
أنت تقرأ
النقيب و المخدرة ✪
Romanceقصة عراقية عاطفية نقيب يوگع بحب مخدرة والقصة تحمل احداث هواية اتمنى تعجبكم. #الكاتبة زيتونة.
