النقيب و المخدرة ✪

part 39

النقيب و المخدرة ✪
part 39

وحگ الچنت احبهن بيك ونباگن..
بعد وجهي ويه وجهك حلم يتـــلاكن...،،

متبرية من ذنوبكم..

قراءة ممتعة ❤.

//////////////////////////////////////////////////////

مشهد: كملت الجاي وبقينة نسولف وگالت الحجية...

الحجية: يمة اشهيد بعد ما بيها مجال لازم تزوج نريد نفرح بيك...

ام مشهد: اي والله اريد افرح بيك ونشوف جهالك بس گول موافق وما عليك والله الا اجيبلك احسن البنات...

مشهد: طبعاً اهلي كلش ضاغطين علية بخصوص هل موضوع وكل ما گعدت وياهم فتحوو صح كبرت وصح لازم ازوج بس اشوف بعد وقت على هل سوالف يحجن ومدري ليش اجتي ابالي القزمة وگتلهم اني حاط وحدة ابالي بس ان شاء الله فترة وادزكم تخطبوها الي...

الحجية: اي هاي الأخبار الزينة منو هية ومنين...

ام مشهد: يا الله وليش فترة ليش مو هسه...

مشهد: بس على كيفجن يا عيني مو بهل فترة تحججت بسيف وگتلهم ما اگدر سيف بعدة مريض واني عندي ضغط بالشغل بس اصبرن علية هل شهر...

ام مؤمن: ان شاء الله خير...

الحجية: نصبر نشوف تاليها وياك يا اشهيد...

مشهد: ههه اشوفن عيني راح اخابر سيف وارجعلكم...

_____________________

مؤمن: طولت يلا دخلت المحاضرة وتعمدت اتأخر و أاخر البنية وياية حتى شهداء تحترگ وشوية ودخلنة نتمضحك وبس تباوعلنة وتباوع للبنية گعدتها گدامها و اسمعها بس تتأفأف و اني ميت ضحك تستاهل خلي اجرب شعوور الغيرة شلون المهم مشت المحاضرة وكملناها ردت اگوم اطلع واجتي البنت نفسها وگالت گوم نروح للنادي نشرب شي ما عرفت شنو ارد ولا گدرت افشلها لأن عيب وكلها تباوعلنة من حجت هيج هية الله يسامحها بسرعة تندمج وتاخذ وتنطي گتلها تمام ما عندي مشكلة امشي نروح وحجت شهداء.....

_____________________

ميار: غسلت و طلعت مشطت شعري وخلينة عطر و نزلنة نسلم على ابوية على اساس وما لگينة بس ماما و گلنة صباح الخير...

ام مؤمن: هلا يمة صباح النور تعالن سون ريوگ و تريگن...

ميار: اي يمة هسه راح نتريگ بس بابا وين شو ماكوو منار تعالي سويلنة ريوگ...

ام مؤمن: طلع ويا مؤمن عندة شغلة شوية النوب يجي...

ميار: تمام الله ريحة الطبخ تخبل عاشت ايدج يا غالية...

ام مؤمن: وايدج بنيتي...

_____________________

منار: نزلنة ولگينة امي جاي تطبخ صبحنة عليها وبدت تحجي العوبة ميار وگالت سوي ريوگ ما عاندت گمت سويت ريوگ وهنا يحجن بعدين سكتت وگتلها بس سكتي خلي اسولف اني..