النقيب و المخدرة ✪

part 8

النقيب و المخدرة ✪
part 8
جڒٍء مْنْ أمْنْيُآتْيُ ..
أنْ يُڪوُنْ ڪلُ مْنْ أحبُﮩمْ ڊآئمْآ بُځيُر♡

مشهد: وصلت للمستشفى واشوف المستشفى مگلوبة و عرفت صاير حوادث رحت للسيف وگلت السلام عليكم.

سيف: عليكم السلام تأخرت حيل.

مشهد: والله انتظرت الى ميكمل الطلب واني هناك خابرت وطلبت اجازة النا.

سيف: اي بشر قبلوو شگالك طارق.

مشهد: ضل يفيك براسي والله متروحلة الس*قط.

سيف: طول بالك وتالي شصار يعني ما انطونة اجازة.

مشهد: لا خابرت على العميد وانطانة اجازة اسبوع.

سيف: الحمدلله..

_____________________

ميار: بعد ما رحنة كل واحد لشغلة التهيت ونسيت اشوف حنين صديقتي افتقدتها اليوم مشفتها ابد گلت اروح للغرفة اشوفهاا دخلت للغرفة وطلعت موبايلي ولگيت حنين مخابرتني 4 مكالمات ودازتلي 12 رسالة استغربت وگلت شكوو واتصلت بيهاا وردت ها حنونة مخابرتني والله جنت مشغولة.

حنين: ولج بس ردي موتيني عادي گلبي ادري بيج.

ميار: فدوة لگلبج خوما اكوو شي ليش ما جيتي لحد الان شغلتي بالي.

حنين: الله لا يشغلج بال بس والله تعبانة حيل اليوم النهار كلة جان عدنا خطار وما گدرت اجي ردت اخابرج من وقت بس ما صارلي مجال.

ميار: تمام گلبي ارتاحي وگوليلي تريدين مني شي.؟

حنين: اي والله ولوو راح اتعبج بس تعرفين ما امون على وحدة غيرج حتى اگلها .

ميار: لا حبيبتي گولي و ادللي.

حنين: ميدلل عليج ظالم.. انتي تعرفين اني كل يوم افتر على الغرف بليل وابدللهم المغذيات والعندة ابرة اضربة فعندي مرضة بغرفة و 10 و 11 و 14 و 4 مرضة افتري عليهم و سدي بمكاني فدوة ميار.

ميار: ماشي گلبي بس اسجل الغرف هاهية.

حنين: اي هاهية گلبي تعبتج وياية اشكرج على وگفتج ما راح انسالجياها يلا باي ميمو.

ميار: لا يمعودة ادللي شنو السالفة باي حبيبتي
سديتة من حنين وبديت افتر على غرف طلعت للغرف وجان اشووف.....

_____________________

مؤمن: كملت دراستي وباوعت بالموبايل ضليت ملتهي بي احس اشتاقيت لشهداء وجيت دخلت للمحادثة مالتنة اشوف كلامنة واضحك بالغلط تفاعلت ويا رسالة شلت التفاعل و بسرعة ردت
هية هههه انصدمت...
_____________________
شهداء: جنت گاعدة على الموبايل جاي اشوف شحاجين بالگروبات واشوف جاني اشعار من مؤمن ما انتبهت علي لأن هيج بسرعة راح اني بسرعة رديت عبالي دزلي شي وحذفة گتلة شنوو حذفت.؟