النقيب و المخدرة ✪
part 20
الكاتبة: زيتونة.
اتفاعلووو سمسمات ♥
اكــــــــــــــــــــــــــــــره
ان اشمــــــــــت
بأحد لـــــــــكن
يـــــــعجبـــــــني
الزمان حين
يــــــــــــــــــــــدور.
مؤمن: بلشت ادرس الى حد ما سمعت صوت امي تصيحنة اني وميار اريد اگوم بعد ما اگدر خفت حيل گمت وفتحت الباب ولگيت ميار بوجهي نزلنة ركض وجنة مخابيل بس نريد نعرف شكووو ....
ميار: سمعت صوت امي تصيحني واني بس اريد اوصلها حتى اعرف شكوو نزلنة ورحنة يمها گوة احجي شكووو يمة احجي شبيج.
ام مؤمن: ولكم منار مدري شبيهاا تخربطت وفقدت الوعي وسمعت صوتها جانت تتقيء طلعت من الحمام واجت لباب الغرفة ووگعت شوفها شبيهاا بدموع.
مؤمن: امي تحجي واني تخبلت على منار شصاير بيها وليش هيج حالتها اضرب بيها راجديات اريد بس تصحى ماكوو.
ميار: عفت امي تحجي ورحت ركض جبت ماي وخليت على وجه منار اريد بس تصحى وماكوو بس هيج تفتحها خفيف وتسدهاا وهاذا الغبي مؤمن شبعها راجديات (ههههههه).
مؤمن: ماكوو فايدة امشي ناخذها للمستشفى .
ام مؤمن: تمام وليدي بس البس عباتي بس خاف هسه ما يدخلونة على دكتور زين.
ميار: لا ماما اني اروح وياج وهسه دكتوور انس اكيد موجود اخلي يفحصها.
مؤمن: تمام يلا امشي بسرعة.
ميار: لحظة بس ابدل اشوفني لابسة تراك شلون اروح بي يعني.
مؤمن: اي روحي بي بس لبسيلج شي فواگة.
ام مؤمن: ولج يمة هاي عبات منار هنا يمي لبسيها وامشي اخيتج فاقدة وانتي بحال اللبس.
ميار: انقهرت من كلامهم بس هم حقهم لأن منار فاقدة دخلت اخذت عبايت منار ولبستها ضيگة علية شوية بس مهتميت لأن ما الحگ والشال مشمور بأهمال على راسي طلعت اركض على مؤمن وامي..
مؤمن: صعدي يمة انطيني اني اقفل الباب.
ام مؤمن: عوف كلشي وامشي يا ابني جاي تشوف منورة شلون فاقدة وتبجي.
مؤمن: هاي شبيج يمة اسم الله عليها ليش تفاولين وتبجين كلشي ما بيها هوة هبوط ضغط اكيد..
ميار: ماما حياتي والله ما بيها شي عادي وهسه تلگيها متحسسة معدتها لأن اكلت حار اليوم هواية.
ام مؤمن: بس خلي تصحى واني اعلمها بعد.
ميار: يمة منج يمة لميائوو هيج تحبيها لأنها الگعدة موو.
ام مؤمن: كلكم نفس الشي وگضتها دعاء.
مؤمن: امشي بكل سرعتي ونحجي ويا امي نريد نلهيها علمود لا تخاف على منار بس هية ماكوو فايدة ابد بالها يمها وهاي ميار تحاول تگعد منار وگعدتها والله...گتلها صلاوات على محمد طلعتي تفتهمين ولج ميار..
ميار: طول الطريق واحنا نحاول نلهي امي واني احاول اصحي منار والحمدلله صحت وگتلة اي شعبالك مثلك ما افتهم دكتور بس بالأسم.
مؤمن: لخاطر امي ومنار راح اسكت هل مرة.
ام مؤمن: كافي سكتوو خلي نشوف اختكم شبيها شو لازمة راسها شبيج يمة احجي موو روحتي گلبي....
_____________________
شهداء بعد ما صعدت لغرفتي بديت ادرس وكل شوية يجي ابالي مؤمن واحاول الهي نفسي وافكر منو هاي مريم كل شوية افتح الموبايل واروح للمحادثة اگول بلكي راسل بلكي الخلل بالنت بس ماكوو ابد مراسلني متعودين نحجي بليل بس اني اليوم ممرتاحة لأن هاي مريم يمهم واريدة يس يجي بقيت افوت واطلع اخر شي دزيتلة رسالة وينك الووو واتصلت مكالمتين ما رد اني كلش ضجت ما اعرف احساسي شنوو بس احس بخنگة والف فكرة اجتي براسي وگلت طبعآ ملتهي ويا ست الحسن وحذفت الرسائل بس المكالمات مينحذفن تركت الموبايل على الميز وتركت الدراسة ورحت لجربايتي وبقيت افكر الى ان اجت شهد وقاطعت تفكيري كالعادة..
شهد: ها شهداء مو على اساس تدرسين ليش مدرستي بيج شي.
شهداء: لا حياتي كلشي ما بية وخلصت دراسة لأن ما عدنة شي مهم باجر.
شهد: مبينة من كلامج ما بيج شي ولج شهداء اخاف انتي تحبين شوو متغيرة كلش كلش.
شهداء: صفنت على كلام شهد وگلت هاي شجاي تخبص حب شنو وصحت (عطت) بيهاا گتلها حب شنوو شهد وانتي منين تعرفين هل سوالف اذا سمعج مشهد الا يذبحج.
شهد: بدموع لا والله مو قصدي لا تگولين لمشهد عليج الله والله بعد ما اعيدهاا اني ما اعرف هيج سوالف بس وسكتت.
شهداء: بس شنوو كملي.
شهد: اسمع البنات بالمدرسة يضلن يحجن هيج وكومة حجي محلوو.
شهداء: والله يا ربي على هل جيل حياتي شهودة ابتعدي عن هيج بنات وما عليج بهل سوالف لأن والله اذا سمع مشهد هيج تحجين الا يعدمج.
شهد: والله بعد ما اجي يمهن ومن اسمعهن يحجن ابتعد عنهن وامسح بدموعي.
شهداء: حياتي تعالي يمي نامي على رجلية (صح هسه البعض راح يحجي علية لأن حجيت على شهد واني ادري بيها ممسوية شي بس اني اريد اعلمها وابعدها عن هيج مواضيع لأن هاي المواضيع بعدها صغيرة عليها والحياة گدامها طويلة واذا من هسه التهت وحجت بهيج مواضيع معناها ما راح تسيطر على دراستها وراح تضيع كلشي من ايدها وانتو اعرف بهل سوالف ) اجت نامت على رجلي وبقينة نحجي واني امسح على شعرها ونسيت مؤمن ونسيت الأمة العربية ونمنة اثنينة....
_____________________
منار: اكلت على العشة فلفل حار وكثرت كلش وتحسست معدتي هم گاعدين ويحجون واني كلش ما الي خلگهم بطني ومعدتي موتني كل بطني احسها توجعني شربت ماي وافوت واطلع راحوو بيت خالي وميار مراحت للدوام بقت تنام بالبيت ويحجون وياية واني ما الي خلگ ابد من الوجع اخر شي كلمن راح لغرفتة مددت وامي مددت هم واني ما گادرة انام من الوجع لعبت نفسي كلش وبس اريد اگوم حتى اروح للحمام رحت للحمام وتقيئت بقيت بالنص ساعة واني واتقيء كملت غسلت وطلعت توني طالعة وصلت باب الغرفة ووگعت وبعد محسيت الى ان....
_________________________________________________________
لا تنسون التصويت والمتابعة فدوة و ادللو راح اشبعكم بارتات 😂♥.
أنت تقرأ
النقيب و المخدرة ✪
Romanceقصة عراقية عاطفية نقيب يوگع بحب مخدرة والقصة تحمل احداث هواية اتمنى تعجبكم. #الكاتبة زيتونة.
