اول لقاء بين ميار ومشهد بهاذا البارت 🌚😂
part 2
النقيب و المخدرة ✪
مشهد: طبعاا هسة تسألون سيف منوو سيف صديق طفولتي وحبيب روحي وكل خطوة نخطيهاا سوة.
سيف: اعرفكم بنفسي اسمي سيف من بغداد عمري 30 سنة فرق بيني وبين مشهد اشهر طولي 180 جسمي حلوو مو كلش ضخم لون بشرتي ابيض على اشگر عيوني سود خشمي حلو لايگلي ههه شفتي مليانة شكلي حلوو مقبول گضيت احلا مراحل حياتي ويا مشهد مشهد كلشي الي درسنا ورحنا اني ويا نفس الوظيفة طبعاا اني يتيم وما عندي اهل اهلي توفو بحريق بيتنة احترق وماتوو وهم بي.
_____________________
ميار: داومنة بالمعهد والسنتين عدت كلش حلوة ومتونسة بكليتي حيل و مرتاحة خلصت السنتين وعطلنة ونجحت وصرت اطبق واداوم بمستشفى الـ..... ببغداد انتظر تعيني الي مبقالة شي .
_____________________
مشهد: بعد ما وصلني سيف وراح دخلت للبيت وشفت امي سلمت عليها وتقربت منها حضنتها وبستها على خدها اروح فدة لهالخدود شنو من ام انتي غير اموت عليج.
ام مشهد: ولك انت ما تستحي تحجي هيج وبعدين شنو فدوة تعرف ما احب تحجي هيج.
مشهد: ضحكت شبيج يمة قابل كفرنا غير جاي نتغزل بيج وجان تدخل بيبي للمطبخ.
بيبي نورية: شبيك اشهيد ليش تحجي هيج ويا امك.
مشهد: والله انويرة لأن بستها وكرصت خدهاا گامت تحجي علية 😒.
بيبي: متلام بيك تتغزل بأمك وما تتغزل بية.
مشهد: هههه غير انتي حبيبتي شنو نسيتي انتي حبيبتي.
بيبي: لا ما نسيت بس شايف وحدة غيري وصحتلها حبيبتي.
مشهد: يابة والله ماشايف لا اشوف مثلج غير اموت عليج اني.
بيبي: بضحكة اي صدگتك اشهيد.
مشهد: ههههه يلا راح اصعد انام تعبان البارحة منمت الليل كلة لأن جان عندي شغل لحد يگعدني تمام حبيباتي.
بيبي وام مشهد: تمام يمة.
_____________________
سيف: وصلت مشهد للبيت ورجعت كملت طريقي اتصل علية حسن وحسن ميتصل الا من اكوو شي ضروري رديت علي والتهيت ويا وسويت حادث
_____________________
مشهد: صعدت انام وهسة غفيت دك موبايلي وطلع رقم سيف رديت اكفر بيك هسه مو گتلك لا تتصل علية.
حسن: مشهد اني حسن تعال بسرعة سيف سوة حادث.
مشهد: شنوو شتحجي انت بأي مستشفى انتوو.
حسن: مستشفى الـ.... تعال بسرعة.
مشهد: سمعت هيج اتخبلت والمشكلة سيارتي مو يمي بتصليح شلون راح اروح طلعت واني حالتي حالة اجرت سيارة ووصلت للمستشفى واني ادعي يكون سيوفي صاحب روحي بخير وصلت ولگيت حسن وجماعتنة نصهم موجودين سئلتهم عن سيف ووجوهم متبشر بخير بعد ما بية اوكف من شفت حالهم عفتهم وكعدت يم باب الغرفة طلع الدكتور وگال لازم عملية لأن كلش متأذي اني فقدت وصيحت(عطت) علي گتلة شتسوي سوي المهم سيف يعيش واذا صار علي شي المستشفى اسدة واسويلكم مشكلة.
الدكتور: اتفهم وضعك ابني وما راح احجي بس اتذكر كل النگدر علي راح نسوي ومنقصر بشي.
_____________________
ميار: بديت اداوم وهاذا اخر اسبوع الي بالدوام لأن بابا راح يجي الأسبوع الجاي وطلبت اجازة من المدير واني مو مجبورة اضل اداوم لأن بعد مطلعلي التعين گاعدة بالغرفة واسمع صوت صياح طلعت المستشفى مگلوب بقيت اباوع واستمع واشوف واحد مبين من ملامحة يخوف وشلون يحجي ويا الدكتور كلش عصبني المهم انداريت ورجعت للغرفة والفهمتة واحد من النقابة ومسوي حادث دز علينا الدكتور نحضر غرفة العمليات جهزوها دخلوو المريض وبعدين دخلت اني للغرفة العمليات وجان شكلة يخوف وكلش متأذي بس حالة مو خطرة بس خطية الأثار والجروح البي كثيرة...
الدكتور: ميار بسرعة انطي ابرة تخدير.
ميار: ضربتة ابرة تخدير وطلعت بسرعة متحملت المنظر وبدة الدكتور بالعملية.
_____________________
مشهد: گاعد انتظر واشوفهم يركضون الدكاترة جهزو غرفة واخذو سيف بس سيف شصاير بحالة اختنگت اكثر من شفت شكلة دخلو للغرفة وبعدين دخلت بنية لغرفة العمليات اخر وحدة دخلت واول وحدة طلعت عبالي هية ويا الدكتور راح تسوي عملية سيف صيحت(عطت) عليها گتلهاا ليش طلعتي.
ميار: طلعت من الغرفة واشوف هاذا اتقدم علية اشوو اتقدم وصاح(عاط) بوجهي ليش طلعتي كلش نرفزني گتلة شنوو ليش طلعت اني مخدرة موو دكتورة وبعدين هسة بلشنا العملية بدل صياحك(عياطك) هاذا روحي صلي وادعيلة احسن.
مشهد: اني الدنيا طالعة من عيني والنوب تجيني هاي القزمة تحجي هيج سكتت وگلت اعبرهاا لخاطر سيف يصير زين واعرف شسوي بيها گتلهاا قسم بالله اذا صار علي شي متلومون الا نفسكم.
ميار: متحملت كلامة ابد وگتلة اتفهم حالتك بس لا تعلي صوتك انت بمستشقى مو بيتك وصديقك هووة سوة حادث موو احنا السوينا الة واعتقد گاعد اشوف احنا ما مقصرين بشي.
مشهد: اباوع بوجهه وشلون تحجي بكل ثقة سكتت وبعد ما رديت.
ميار: اذكر احنا مجرد انعالج والشفاء من رب العالمين عن أذنك.
مشهد: مشت وراحت لغرفة مو بعيدة عن الغرفة البيها سيف توعدت الها وگلت ما اعوفها بس خلي يصحة سيف واني اعلمها لهل قزمة.
ميار: وصلت للغرفة واني كلش معصبة من ورا هاذا الحقير ابو الملامح التخوف يعني احنا شنو ذنبنا واذا صرنا اطباء تورطنا على عمرنا استغفرالله.
____________________________________________________________________
741 كلمة كتبت بهل بارت اتمنى يعجبكم البارت.
أنت تقرأ
النقيب و المخدرة ✪
Romanceقصة عراقية عاطفية نقيب يوگع بحب مخدرة والقصة تحمل احداث هواية اتمنى تعجبكم. #الكاتبة زيتونة.
