النقيب و المخدرة ✪

part 43

النقيب و المخدرة ✪
part 43

متبرية من ذنوبكم.

قراءة ممتعة ❤.

/////////////////////////////////////////////////////

ميار: ضجت من مؤمن لأن ما قبل طلعت و لحگتني منار گتلها خلي يولي منريد طلعتة لا ضوجين بالمستشفى يريد يسولنة طلعة تروحين وياية بس نروح...

منار: انقهرت من مؤمن الكلب و طلعت گالت هيج ميار گتلها غصبآ عليج اصلآ...

ميار: تف عليج مو مال واحد يواسيج...

منار: هههههه ابد...

ميار: ههه.. رجعت الغراض لمكانهم وغسلت و نزلت على ماما و گالت وين اختفيتن گنالها هيج وهيج السالفة گالت اني و ابوجن نقنعة رفضنة و گنالها تعوفة منريد نطلع بعد محجت شي و شوية و دخل ابوية كلش متغير و ضعفان استغربت من شفتة سلمت عليه و بوستة وهوة كذالك گتلة الحمدلله على سلامتك....

منار: سلمت على بابا و استغربت كلش متغير مينعرف صاير و گتلة الحمدلله على سلامتك....

ابو مؤمن: الله يسلمكم بنياتي الغاليات هيج ما تسألن على ابوجن....

ميار: حقك بابا والله العظيم مشغولة بالدوام...

منار: واني والله بابا بالدراسة و انت تعرفني....

مؤمن: تعرفها شلون تسخت....

منار: 😒 سد حلگگ انتة...

ابو مؤمن: هههه معذورات يا ابوية معذورات اهم شي دراستجن و مستقبلجن لا تهملنة تعبن على نفسجن و جازوني بنجاحكم خلوني افتخر بيكم گدام العالم و لا توطون راسي...

ميار: ان شاء الله بابا منوطي راسك و يبقى راسك مرفوع بينة......

منار: ان شاء الله يگلبي انتة...

ابو مؤمن: ان شاء الله بناتي و مؤمن اشو ساكت و لا كأنوو سمعت شي ترا الكلام موجه الكم ثلاثتكم...

مؤمن: ادري يابة بس خواتي العزيزات مينطن مجال لواحد يحجي....

منار و ميار: و الة عين يحجي 😒.

مؤمن: هههه شوف يابة شلون يباوعلي...

ابو مؤمن: شمسويلهن..

ام مؤمن: بناتك يدلعن ما مسويلهن شي...

مؤمن: اروحلج فدوه هاي بوسة من راسج على هل كلام...

ميار: شوف بابا هاي ماما...

منار: اي والله بابا تحب مؤمن و ما تحبنة 😔.

ابو مؤمن: لا بنياتي كلكم نفس الشي ماكو هيج شي...

مؤمن: يلا ارتاحيتن امشن حطلنة غدة متت من الجوع...

ام مؤمن: يخسى الجوع يلا يا بنات امشوو وياي...