النقيب و المخدرة ✪
كُن قوي
فـ الحياة تــُـۿلك
الضـ؏ـفاءَ،"
مؤمن: دخلت شهداء للمحاضرة ودخلت وراها بشوية جانت المحاضرة الأخيرة كملتها وطلعت وگفت يم الباب ورا الشجرة حتى اشوف شهداء وأمن عليها واروح وطلعت..
شهداء: كملنة المحاضرة وطلعنة ومؤمن طلع قبلي ولا حجة وياية ولا حتى باوع بوجهي استغربت گلت معقولة زعلان صدگ المهم طلعت واني طالعة وگفني ولد بس الولد حيل يباوع گال.. اذا مو زحمة بس اريد احجي وياج گتلة تفضل شكو گال الموضوع ميصير ينحجي ع واگف خلينة نگعد ونحجي رديتلة لا اسفة الخط ينتظرني وما اگدر عن اذنك ومشيت ورحت للخط...
_____________________
ميار: حلووو شكلة من يعصب وطرد الناس كلها وشلون منفعل ومعصب ويحجي عجبني يموقفة حيل اتقرب يمي وگال...
مشهد: اشوفها مصفرة وخايفة وبالها مو وياها گتلها تعالي وياية.
ميار: وين اروح وياك عوفني اريد ادخل اخاف احد يحتاجني.
مشهد: عصبتني حيل من گالت هيج وگتلهاا مفكرتي احد يحتاجج من طلعتي ويا ذاك الگوا*د العافج ومدري وين ولى.
ميار: عصب من گتلة هيج وذكرني بدكتور انس عود وين راح صدگ ميستحي واني يعد اذا اطلع ويا اصير ما افتهم گتلة اشكرك على موقفك وياية وصار لازم اروح عن أذنك.
مشهد: تشكرت ورادت تطلع لزمتها من ايدها گتلها وين تطلعين هيج.
ميار: رجعت ورا عبالي قصدة غير شي گتلة الله يخليك عوفني والله اني مو مال هيج سوالف ونزلت دمعتي.
مشهد: حسبالها اريد اتقرب منها وخافت ونزلت دمعتها كلش قهرتني مسحت دموعها بأيدي واباوع لشفتها ترجف وتگلي خلي اطلع.
ميار: مسح دمعتي بأيدة واحس جسمي كله رجف من مد ايدة على وجهي گتلة خلي اطلع والله بعد متشوف وجهي.
مشهد: هههه لا منوو يسويلي اكشن ولج بابا اكوو براسج عقل انتي شنوو اريد منج فوگ ما قزمة النوب تتبلاني يابة والله مارايد منج شي بس شوفي وجهج وشالج شلون مبهذلة عدلي روحج وطلعي.
ميار: ضحك واني احس رجع الدم يمشي بجسمي من گلي هيج فرحت وبسرعة غسلت وجهي رتبت شالي على الموبايل شلون ما كان وگتلة ولوو ما سويت شي وهاذا واجبك بس اشكرك وطلعت اركض خفت منه..
مشهد: اباوعلها غسلت وشلون عدلت روحها على شاشة الموبايل وگلتلي هيج ردت اكمشهاا وطلعت تركض اني الج وين تروحين راحت هية واني افكر بيها وبعدين اتصلت بالولد...
_____________________
مؤمن: اباوع لشهداء من طلعت ووگفها ولد مرفعت راسها وباوعت بوجهة بس هوة يباوعلها من فوگ الى جوة ردت اتقدم واشوف شيحجون ومن هاذا الولد بس گلت لا هسه تروح واروح افتهم منه راحت وعافتة وهوة باوع عليها من مشت طلع خط شهداء ورحت علي واجا ولد بالسيارة اخذة وراح ملحگت بي گلت باجر ان شاء الله يصير خير واعرف هل ولد منوو وطلعت للبيت.
_____________________
ميار: دخلت واني الخوف كاتلني و كملت كل شغلي وگلت اروح ارتاحلي شوية حتى باجر اطلع من وقت رحت لغرفتي وتوني اريد ادخل واجا دكتور انس راد يحجي گتلة رجاء دكتور ما الي خلگ والله كلش تعبانة .
دكتور انس: ما اخذ من وقتج دكتورة ميار ااني حيل اسف رحت وتركتج اجاني اتصال ضروري ومگدرت ارجع.
ميار: عصبت من گلي هيج وگتلة ماكوو داعي تتأسف دكتور هاهية حصل خير بس لو تعرف الأصول جان رجعت وبلغتني و لو ما الله جابلي المتخلف وانتبهت على نفسي شنو جفصت گتلة لو ما النقيب الهنا نقذني جان هسة اني مدري شنو حالي تركتني برا واني بنت وحدي والوقت متأخر شلون وافقت وطلعت وياك مادري.
دكتور انس: هية تحجي واني شارد بملامحها وشلون معصبة ما انتبهت الى من تغيرت ملامحها وگالت لو ما النقيب وكملت كلامها گتلها حقج علية واني فعلآ غلطان بس والله خابروني ابني متخربط ورحت اشوفة ما عندي غير بهل دنيا حطي نفسج مكاني لو انتي ترجعين جان مرجعتي وشصار وياج وشنوو سوة النقيب.
ميار: يحجي بكل برود بس من خلاني اني بمكانة انكسر گلبي علي بس الصار بية كله بسببة وگتلة مصار شي وكلشي ما سوة عن أذنك دكتور دخلت للغرفة وقفلت الباب وراية فتحت شالي اتمددلتي شوية وصرت افكر لو ما المتخلف جان هسة اني شصاير بية يا ربي الف حمد وشكر اجا والله جان هسة اني ميتة و بقيت افكر بي وبملامحة الى حد ما نمت...
_____________________
مشهد: دخلت المستشفى وگلت خلي اخذ شي نشربة اني وسيف اخذت اثنين عصير وطلعت و اني طالع شفت هاذا الدكتور يم ميار ويحجي وياها وگفت قريب يمهم واسمع كلامهم بس همة ما يشوفوني واشوفها شلون تحجي وهوة مركز بيهاا وبملامحها وهية تحجي گالت لو ما المتخلف وسكتت شوية وگالت لو ما النقيب ضحكت واني اسمعها تگول علية المتخلف بسيطة يا قزمة اعلمج انتظرت الى حد مدخلت للغرفة ردت اروح واسمع حجه وياية شخص....
____________________________________________________________________
الكاتبة: زيتونة
كتبت 722 كلمة اتفاعلووو وانزللكم باقي البارتات
أنت تقرأ
النقيب و المخدرة ✪
Romanceقصة عراقية عاطفية نقيب يوگع بحب مخدرة والقصة تحمل احداث هواية اتمنى تعجبكم. #الكاتبة زيتونة.
