النقيب و المخدرة ✪

part 38

النقيب و المخدرة
part 38

مهما كان العالم
سيء حافظ على
براءة قلبك كما هي،،،

متبرية من ذنوبكم..

قراءة ممتعة ❤.

/////////////////////////////////////////////////////

مؤمن: نمت وامي دگت الباب حتى اكعد اصلي وما گمت صليت بقيت نايم استغفر الله وما حسيت الى الصبح على المنبه گعدت غسلت وبدلت وتعطرت ورتبت شعري ونزلت لگيت امي وابوية گاعدين سلمت على ابوية وسئلت عنة وبقينة نحجي وگالت امي اطلب اجازة لمنار لأن بعدها تعبانة وگتلها هسه امر اطلبلها الى ان صار الريوگ تريگت و گلت راح اطلع وگال ابوية اني راح اطلع اوصلك لأن محتاج السيارة بشغلة وگتلة روح بيها اني اروح ويا صديقي وما قبل الا يوصلني صعدت يمه وهوة الساق اول شي رحت لمدرسة منار طلبتلها اجازة ومنوو يگول تقتنع مديرتها بس بعدين سالفة منا وسالفة منا واقتنعت رجعت لأبوية وكملنة طريقنة وگال ابوية....

ابو مؤمن: اي وليدي ما حاط احد ابالك اريد ازوجك وافرح بيك...

مؤمن: استحيت من ابوية حجه هيج وياية وگتلة والله يابة اني ما اضم عنك حاطلي وحدة ابالي بس بعدني انتظر نكمل دراسة....

ابو مؤمن: يعني هية وياك نفس الأختصاص انت وياها..

مؤمن: اي يابة منا هية ومرحلة رابعة وياية وتخصصها طب عام مثلي يعني...

ابو مؤمن: بيهاا الخير وليدي يلا هل سنة ما بقى منها شي وتنتهي اقل الشهر ونص...

مؤمن: اي ما بقالها ووصلت للكلية سلمت علي ونزلت ردت انتظر شهداء بس بعدين گلت اني زعلان منها ما انتظرها ودخلت جوة اكوو كراسي يصيرن مقابيل الباب يعني تشوف الرايح والجاي گعدت عليهن گلت انتظرها هنا بس من تجي اسوي روحي ملتهي و بالفعل شوية گعدت واجا الخط مالتها واكوو بنية وياية بالقاعة و گاعدة على صفحة جاي تدرس شافتني اباوعلها وگامت گتلها بلا زحمة عليج ممكن شوية من وقتج واجت سويت روحي ما اعرف شنو عدنة بقيت اسأل واخذ و انطي وهية كلش تحب الحجي وتختلط بسرعة و گمت حتى على الشغلة المتضحك اضحك على اساس اني وياها ميانة من هل سوالف علمود احرگ گلب شهداء وبالفعل دخلت وشافتنة وهاي البنية جانت واگفة واجتي خلت الكتب بينة وگامت تحجي وتباوعلي واني اضحك واردلها بس ما اعرف شنو ارد بالي يم شهداء الشافتنة وبقت صافنة ههههه.....

_____________________

شهداء: حسيت على صوت المنبه وگوة گمت گعدت غسلت و حظرت ملابسي لابست بنطرون عريض لون اسود وقميص ابيض رفعت شعري وخليت مكياج كامل بس خفيف لبست بوت (تكرمون) وجنطة متناسقات ويا لبسي لبست ساعتي وگلادة ناعمة كلش حلوة وعزيزة علية لان هدية من مشهد تعطرت  ونسيت اگعد شهد گعدتها و نزلت لگيت بيبي و امي گاعدات گتلهم صباح الخير.....