النقيب و المخدرة ✪

part 30

النقيب و المخدرة ✪
part 30
الكاتبة: زيتونة.

لا احد يعوض،،،،
غياب من نحب،،
لو اجتمعآ العالم،،،،
بأكمله حولنا،،،،،.

قراءة ممتعة ❤.

متبرية من ذنوبكم.

//////////////////////////////////////////////////////

مؤمن: بالي بقى يم البنات وكل شوية اخابر ميار وتگلي كملنة و طلعنة واني اعرف هنة مو مكملت بس حتى ميطلعني من الدوام جنت بنص المحاضرة واتصل سيف طبعآ موبايلي صامت بس لأن مقابيلي شفتة استأذنت من الدكتور اطلع وسمحلي ورديتلة وگالي على بنات ومقبلت وللصراحة خفت ادزهن وياهم گلت اني شعرف عنهم وما وثقت ادز خواتي وياهم بس سيف ضل يلح وافقت بس گلبي نار بعدين رجعت للمحاضرة كملناها وطلعنة اني وشهداء للنادي..

شهداء: ليش طلعت من المحاضرة....

مؤمن: اني البارحة موو تعرفت على شباب اثنين وصيتهم على خواتي خاف يحتاجون شي يمرولهن يشوفوهن واليوم واحد منهم اتصل و گلي نريد نطلع للبيت وخواتك واگفات منتظرات السيارة وتأخرت قنعهم خلي يجون ويانة بالبدايةرفضت بس ضل يلح واقتنعت وتندمت لأن وافقت شلون خليتهن يروحن وياهم..

شهداء: يا مؤمن صدگ تحجي شلون وثقت بيهم بهل سرعة واذا لح عليك شلون تأمن ادز خواتك وياهم شنو شغلهم شعرفت عنهم...

مؤمن: ولج شهداء بصدمة....

شهداء: ها شكوو شبيك تباوع هيج...

مؤمن: شهداء اضل تحجيلي عن اخوها مشهد واخر مرة حجتلي من سوة حادث صديقة وگالت طلع مستعجل گتلها موو عندج اخ اسمة مشهد....

شهداء: اي..

مؤمن: ونقيب وهزت براسها وهوة ويا صديقة سيف بالمستشفى..

شهداء: اي ليش شفتهم...

مؤمن: ولج هم ذولة التعرفت عليهم البارحة...

شهداء: ههههه والله شلون صدفة حلوة هاي...

مؤمن: هههه اي والله بس گليلي الحجي بينة اخوج وصديقة ثقة لو لا...

شهداء: ههههه لا تخاف ثقة حيل طلعن البنات ويا مشهد وسيف واني احجي عليك هههههه.

مؤمن: ههههه والله العظيم هسه اطمنت ولج جان گلبي نار...

شهداء: لا يمعود لا تخاف وگوم جيبلنة شي نشرب حتى نبرد گلبك هههه..

مؤمن: هههههه موو تدللين بس گلبي ميبرد بالمشروبات وغمزتلها ومشيت....

شهداء: خجلت من كلامة ودنگت راسي على ميز وضحكت واگول يا ربي معقولة يطلع يحبني مثل ما اني احبة...

_____________________

مشهد: صعدت بالسيارة واشوف القزمة تحجي ويا روحها عدلت المراية ووجهتها عليها شغلت السيارة وگال سيف....