النقيب و المخدرة ✪

part 3

الكاتبة: زيتونة ♡
part3

شهداء: بالبداية اعرفكم عن نفسي اني شهداء اخت مشهد عمري 23سنة عيوني ملونة وشعري قصير شفتي شوية مليانة خشمي طويل ورفيع عيوني صغار وشوية مسحوبة حواجبي خفاف لون بشرتي ابيض طولي 160 ضعيفة بس جسمي حلوو ومخصر طالبة طب عام مرحلة رابعة وعائلتي مثل محجالكم عنهم مشهد.

طبعآ عندي صديقات واصدقاء كلش هواية وعندي صديق كلش احبة ومقرب الي جنت گاعدة احجي ويا والوقت متأخر تقريبآ الساعة 1:30 بليل اسمع صوت مشهد يصيح(يعيط) مهتميت عبالي ويا اصدقائة اشوو هاذا رگع باب غرفتة ونزل ركض اصيح علي واحجي ويا ميرد وجهه ميتفسر طلع وبقيت كاعدة ومحتارة اترخصت من صديقي وطفيت الموبايل وگعدت انتظر مشهد بعدين گلت ليش ما اتصل علي وافهم منا اتصلت واشوف موبايلة بغرفتة نفخت وگعدت بملل بخوف ما اعرف شسوي ولا اگدر اگعد احد بقيت گاعدة لأذن الفجر ومشهد ماكوو گعدت امي وشافتني.

ام مشهد: ولج شهداء شعندج كاعدة اهنا شكوو بيج شي.

شهداء: گتلها لا ماما ماكوو شي ترددت احجيلها بعدين حجيتلها.

ام مشهد: ضربت ايد بأيد وگتلها ليش ما گعدتيني وينة اتصلي علي .

شهداء: ماما والله خفت اگعدج اتصلت ناسي تلفونة هنا .

ام مشهد: هاذا يريد يموتني اكيد.

شهداء: لا تخافين ماما يمكن طالع ويا اصدقائة.

ام مشهد: خير ان شاء الله رايحة اصلي وانتظر اشوف يمتة يجي وانتي صلي ونامي.

شهداء: تمام لا ابقى گاعدة وياج.

ام مشهد: لا تشلعين گلبي انتي هم.

شهداء: حاضر ماما بأنزعاج.
_____________________

ميار: غفيتلي شوية الصبح ومحسيت غير على اتصال موبايلي عرفت واحد من اهلي طلعت منار رديت.

منار: جنت گاعدة ادرس ودخلت امي منار اتصلي  على اختج شوفيها وين الساعة9:30 والمفروض من الــ8 هية هنا.

منار: تمام ماما اتصلت وردت.

ميار: خير يا طير حلمانة بية.

منار: اي شلون حلم يخبل ولج عوبة انتي وين ليش تأخرتي امي خايفة عليج.

ميار: سلميلي عليها وگليلها تتأخر اليوم.

منار: ليش.

ميار: عدنا حادث بالمستشفى ولازم ابقى.

منار: طيب باي.

ميار: باي.

منار: اعرفكم بنفسي..

منار: اني اخت ميار عمري 19 سنة طولي نفس طول ميار وشعري متوسط بشرتي حنطاوية اضعف من ميار بشوي عيوني سود وشفتي حلوة خشمي لايگ لوجهي حواجبي مرسومات واني طالبة سادس ادبي اني اصغر وحدة وما بعدي احد دلوعة اهلي وامي دائما تحجي علية حتى ادرس واطلع معدل عالي مثل اخواني واخلص من الدراسة .

_____________________

ميار: سديت الأتصال من منار وضحكت عرفت هاي امي مترتاح الا تعرف اخباري تخاف علية كلش ولأن دوامي مسائي بليل مقبلت بس بحكم شغلي واختياري انجبرت طبعا اني بالتطبيق داومت مسائي مجنت اريد الصباحي ابد وگوة گوة نقبلت الا بواسطة يلا نقبلت اداوم مسائي لأن ميصير الا المتعينين يداومون مسائي احب اسهر كلش فأختاريت ليلي گلت يفيدني واحسن وجنت كلشي اشتغل مو بس التخدير جنت اذا اكو احد لازم ضربت ابر اضربة اذا احد عندة تبديل مغذي ابدلة كانولة احط كلشي جنت اشارك بي حتى اتعلم وتصير عندي خبرة واصير مثل ميريد بابا بابا يريدني كلشي اتعلم حتى ما احتاج احد المهم گمت طلعت من الغرفة على اساس اروح اشرب شي لأن راسي يوجعني وگالت الممرضة المريض الخبص الدنيا علي هاذا الحلوو صحة خزرتهاا منيلة الحلا وطلعت اشوفة وطلع بوجهي ابوو الملامح التخوف.

_____________________

مشهد: صح سيف سوة حادث بس الحمدلله الحادث السوة مو خطر حيل استمرت عمليتة ساعة ونص طلع من العملية وگمت على حيلي اشوفة نايم وحالة تعبان حيل ختنگت وگلت يا ريتني ما شايفك بهل حالة لو اني ولا انت يا سيوفي.

سيف:صحيت واني اشوف نفسي بالمستشفى و اول ما فتحت عيني شفت مشهد.

مشهد: گاعد بالغرفة واشوف سيف گعد بعد 3 ساعات من العملية گمزت من مكاني الحمدلله على سلامتك سيوف.

سيف: ضحكت وهزيت راسي بمعنى الله يسلمك.

مشهد: راح اصيحلك دكتور واني طالع اشوف هاي القزومة دخلت مني للغرفة ولا اهتمت.

ميار: دخلت للغرفة هوة يريد يطلع دخلت وما اهتميت الة وهوة ابد معاجبة وبس يخزر بية.

مشهد: شفتها شلون ما مهتمتلي ضجت من اسلوبها .

ميار: شفت المريض الأسمة سيف و ابتسمتلة وگتلة الحمدلله على سلامتك وفحصته وطلعت اشرب شي .

سيف: أشرت لمشهد بمعنى اريد ماي.

مشهد: دخلت ولگيتها طالعة ما اهتميت باوعت بوجه سيف واشرلي يريد ماي گتله راح اجيبلك واجي.

ميار: طلعت من الغرفة ونزلت اشرب شي وارتاح لأن راسي كلش يوجعني طلبت وتوني گاعدة. 

مشهد: عفت سيف ونزلت اشتريلة ماي واني داخل واشوف هاي القزمة كاعدة هناك گلت فرصة واجتني ورحت حتى احجي وياها..
____________________________________________________________________
686 كلمة كتبت اليوم طبعا اعرف البارت قصير بس ماكو تفاعل واذا ما صار تفاعل احذف القصة اتمنى تتفاعلون بالقصة حتى استمر حبيباتي ❤😒