النقيب و المخدرة ✪

part 40

النقيب و المخدرة
part 40

كنت أخشى،،،،
رسائل الوداع،،،،،
فكان الوداع،،،،،،،،،
بلا رساله،،،،،،،

متبرية من ذنوبكم

قراءة ممتعة ❤.

///////////////////////////////////////////////////

مشهد: اتصلت على سيف و حجينة شوية و سديتة ولمنة سديتة اجا گبالي رقم القزمة ابتسمت لمن شفتة ردت اتصل عليها بس گلت شتگول علية كاتل روحي عليها و بطلت شفت رقمها بي واتساب وضفتها للواتساب مخلية صورة بالواتساب مالتها الها بلبسها مالت الدوام و بس وجها مو طالع وجسمها مطلعتة استغفرت و گلت بس لوو اعرف هل بنات من وين يجيبن هيج حركات علمود صور زفت شلون مخلية صورة والله يا ربي هسه اكيد كل الموظفين الوياها وضايفتهم يشوفهم واهم شي انس الگ*واد بعدين سكتت وگلت على جهنم خلي يشوفها شسويلها ودخلت على المحادثة ولگيتها اخر ظهور من البارحة بقيت احجي و ادردم ويا نفسي الى ان اجتي امي...

ام مشهد: يمة وليدي اسم الله عليك شكوو تحجي وحدك...

مشهد: يا ربي شلون فشلة بس لا سمعتني گتلها اي يمة هاذا واحد من جماعتي ضوجني...

ام مشهد: ولك خاف وحدة...

مشهد: ههههه لا شسالفة بيني وبين نفسي حتى متنحسب على بشر متبين من گاعها اصلا...

ام مشهد: هههه الحجية دزتني اشوفك لأن تأخرت وضل بالنة و يلا انزل خواتك راح يجن...

مشهد: اروحلجن فدوة ما بية شي لا يضل بالجن هسه نازل...

ام مشهد: لا تگول فدوة مشهد تعرفني اضوج من هل كلمة ويلا نازلة كدامك...

مشهد: هههه صار بعد ما اگول وضحكت ونزلت بعد گلبي شگد احبهن گمت نزلت وراها و رحت گعدت يم الحجية وبلغتهم على روحتنة العصر وگتلهم يجهزون من وقت...

_____________________

ميار: بعد ما كملنة ريوگ غسلت الموعين منار واني گعدت ويا ماما احجي وگتلها والله مرتاحة هم زين باجر جمعة علمود ارتاح هل ثلاث ايام والله تعبانة...

ام مؤمن: اخ منج يا يمة متسمعين الكلام اگلج الدوام الصبح احسن ما تردين....

ميار: بيني وبين نفسي شجاني و حجيت گتلها لا ماماتي مو تعبانة بس اقصد احسن عطلة علمود اشوف ابوية واشوفكم...

ام مؤمن: اي يمة اي اگلبي الحجي عبالج ما اعرف سوالفج بس حتى ما احجي عليج...

ميار: هههه اروح فدوة للتفهمني...

منار: هههه تريد تلوتيها على ماما..

ام مؤمن: اي والله تريد تضحك علية بهل كلام...

ميار: هههه بس لا تحطين نفسج يا فتانة...

منار: ههههه سكتت...