النقيب والمخدرة ✪
part 4
ميار: طلعت من الغرفة ونزلت اشرب شي وارتاح لأن راسي كلش يوجعني طلبت وتوني گاعدة...
مشهد: عفت سيف ونزلت اشتريلة ماي واني داخل واشوف هاي القزمة كاعدة هناك گلت فرصة واجتني ورحت حتى احجي وياها.
ميار: توني كاعدة وجاي اشرب واشوف المتخلف تقدم علية ردت اگوم وسحبني من ايدي ورجعت لمكاني لأن فشلة.
مشهد: فرصة واجتني والنوب تريد تروح لزمتها من ايدها وما خليتهاا تروح گعدت هية لأن اعتقد حست بأحراج من الموجودين گتلهاا ممكن نحجي.
ميار: گالي هيج وعصبت علي گتلة اي حجي بيني وبينك ماكوو وجيت امشي ولزم ايدي مرة ثانية ودفرتة.
مشهد: رجعت تريد تروح ولزمت ايدهاا ودفرتني گتلها اني موو جاهل يمج حتى تتجاهليني وتروحين ممنوع تعيدين هل تصرف مرة ثانية.
ميار: لا جاهل وغير الجاهل يصرف مثلك يا متخلف.
مشهد: اني جاهل و متخلف اشوو انتي ابد متحترمين ولسانج يرادلة كص.
ميار: مناا لو تعلمت الأحترام انت اتعلمة اني واي كلام ماكو بيناتنة تتعرضلي بعد اشتكي عليك واخلي يذبوك برا المستشفى واسجنك هم لأن جاي تتجاوز علية بالكلام.
مشهد: تخبلت شلون تحجي وياية وضحكت من گالت اسجنك هههههه الظاهر متعرفين اني منوو.
ميار: استفزني ببرودة والنوب يضحك ويگول الظاهر متعرفين اني منوو گتلة ولا يشرفني اعرف.
مشهد: عصبت كلش من گلتلي هيج على اساس اني اليشرفني اعرف وين تروحين مني وربي الا اندمج وگولي مشهد ما گال.
ميار: حجه هيج و بصراحة بداخلي خفت بس سويت نفسي مخايفة ومهتميت گتلة نشوف شيطلع بأيدك ومشيت.
مشهد: اذا ما خليتج تعتذرين مني اني مو مشهد.
سيف: هاذا وين راح وصيتة على ماي ولحد الان ما جي.
مشهد: عصبت ونسيت سيف بسبب هاي القزمة اشتريت ووديتة الة يشرب وگال...
سيف: اني گوة احجي وگتلة وين رحت لحد الان وشبيك خلقتك مگلوبة خير.
مشهد: ما بية شي اشرب واني طالع للبيت ابدل واجيب اكل ناكل و اجيك الولد يمك اذا ردت اي شي صيحهم او خابرني ما اتأخر عليك.
سيف: احب مشهد يهتم بية كلش من گال راح اجيب اكل واجي گتلة واني احس ما بية حيل ابد لا ليش اتعب نفسك ميحتاج.
مشهد: تنجب وتسكت احسن الك لا اسويلك جروح جديدة.
سيف: ضحكت وگتلة يلا روح راح اموت من الجوع.
مشهد: ادب سزز يلا مثل ما وصيتك دير بالك على نفسك.
سيف: ان شاء الله.
مشهد: طلعت من المستشفى واني طالع اشوف هاي القزمة طالعة ردت امشي وراها حتى اشوف بيتها وين بس المشكلة ما عندي سيارة سيارتي بالتصليح خلي اجيبها والله كريم اخذت تكسي وصلت للبيت.
ميار: تعبت اليوم كلش وبس اريد ارجع للبيت واني طالعة شفت هاذا المتخلف صافن علية ما اهتميت اخذت تكسي وطلعت للبيت..
_____________________
شهداء: طبعاً لأن شفت امي متوتر گلت ما اداوم اليوم وبلغتها ومحجت شي گالت اذا ما عندج شي مهم براحتج صليت ورحت نمت حسيت بــــ9:30 الصبح گمت من فراشي غسلت ونزلت على ماما اسئلها على مشهد ولگيت بيبي هم گاعدة .
ام مشهد: جاي افكر وكاعدة وين راح هاذا يريد يخبلني ما گالي وين راح گعدت شهداء.
شهداء: صباح الخير.
بيبي وام مشهد: صباح النور.
شهداء: ما اجا مشهد.
ام مشهد: بضوجة لا ما اجا.
بيبي: هاذا المگموع يريد يموتنة.
شهداء: ما اعرف شنو ارد گتلهم هسه يجي لا
تخافون اخوية بطل مينخاف علي تريگتوو؟.
ام مشهد: لا بس خلي يجي بخير وسلامة ما اريد شي.
بيبي: اي والله.
شهداء: راح اسوي ريوگ نتريگ واكيد مشهد هسه يجي.
بيبي وام مشهد: هزو روسهم ومحجو شي.
شهداء: سويت الريوگ وحطيته وگوة اتقدمن حتى يتريگن تونة گاعدين واندگ الباب.
مشهد: وصلت للبيت واني طالع بدون ما اشيل مفاتيحي دگيت الباب اعرف امي وبييي يگعدن هيج وقت ميبقن نايمات.
شهداء: اني راح اگوم گمت بسرعة بس اريد اگول منوو گلت منوو.
مشهد: اني وجع نصي صوتج.
شهداء: ضحكت من گالي هيج وفتحت الباب واجني بيبي وماما وتلگنة بهل رزايل.
ام مشهد: ولك مشهد انت تريد تموتني ليش هيج تصرف وتطلع بدون متگلي متگول احد ينشغل بالة علية ينتظرني وحتى موبايلك عايفة ليش هيج تسوي .
بيبي: انت لازم تنكتل حتى تجر عدل.
مشهد:بس على كيفكم من يم الباب هيج تلگيتوني خاي افوت وافهمكم.
الكل: يلا فوت فوت خلي نشوف شعندك.
مشهد: دخلت للبيت وحجيتلهم السالفة كلها.
ام مشهد: الحمدلله على سلامتة و هسه شلونة ان شاء الله صار احسن .
بيبي: اي يمة احجيلنة وضعة خوما خطر.
مشهد: اي الحمدلله احسن لا مو خطر حيل الحمدلله واجيت ابدل واخذ اكل الي ولجماعتنة هناك لأن تعرفوني ما احب الأكل مال المستشفى.
ام مشهد: اي مو تدللون.
مشهد: فدوة لگلبج ميدلل عليج ظالم.
شهداء: حجالنة مشهد وكلش نقهرنة على سيف نعرفة على عرفة مشهد واباوعلة شلون يحجي ومختنگ انقهرت اكثر گال نريد اكل گمنة اني وامي نسويلهم وبقى هوة يم بيبي.
مشهد: حجيت ويا بيبي شوية واترخصت منها صعدت سبحت وبدلت وشلت موبايلي ومفاتيحي وفلوس ونزلت...
____________________________________________________________________
755 كلمة كتبت
اتمنى تعجبكم القصة
الكاتبة: زيتونة
أنت تقرأ
النقيب و المخدرة ✪
Romanceقصة عراقية عاطفية نقيب يوگع بحب مخدرة والقصة تحمل احداث هواية اتمنى تعجبكم. #الكاتبة زيتونة.
