Unicode
ဧည့်ခန်းစားပွဲပေါ်၌ ဘီယာဘူးတွေကို မြင်တွေ့နေရသည်။ဘီယာဘူးတစ်ဘူးကိုကိုင်ကာသောက်နေတဲ့မောင့်ကိုမြင်ရတော့ ဧကရီပင် စိတ်မကောင်းဖြစ်မိသည်။နားရက်မလို့လာခဲ့ပေမယ့် သူငယ်ချင်းဖြစ်သူကိုအခုလိုမြင်လိုက်ရတော့ စိတ်ထဲနေရတာပင် တစ်မျိုးဆန်သည်။
"နာနာ"
"အင်း"
အသံဟာ ပုံမှန်ထက်အနည်းငယ်မျှတိုးဖွကာ လေးပင်နေသည်။ဒီလိုပုံစံကို နုမြင်ရင်လည်း သဘောကျမှာမဟုတ်ပေ။
"အန်တီနုက ပြန်မလာဘူးလား"
"မလာဘူး။ငါ့ဆီကိုမလာဘူး။သူသွားရမယ့်သူရှိလို့နေမှာပေါ့"
မောင့်အသံ၌ ဝမ်းနည်းမှုနဲ့လွမ်းဆွတ်မှုရောထွေးနေသည်။ဧကရီလည်း နုကိုအတတ်နိုင်ဆုံးပြောသော်လည်း နုက တင်းမာနေသည်မို့ ဆက်မပြောဖြစ်ဘဲ ငြိမ်နေခဲ့ရသည်။
"အန်တီနုက ဘယ်သူ့ဆီသွားမှာမို့လဲ။နင်နဲ့စိတ်ဆိုးရင် သူ့အိမ်ပဲပြန်မှာပေါ့"
"အဲ့ဒါနင့်အထင်လေ။သူသွားမှာ ဟို့လူဆီကိုလေ။ငါ့ကိုထားသွားပြီး အဲ့လူဆီကိုသွားမှာ"
"ဘယ်ကလူလဲနာနာရယ်"
"သီဟသက်နိုင်လေ။အဲ့လူဆီကိုပဲသူသွားမှာ"
မောင့်စကားကြောင့် ဧကရီအတော်လေးအံ့သြသွားသည်။ဒီနာမည်ကိုဘာကြောင့်ရွတ်ဆိုရသလဲ။သက်နိုင်ရဲ့မင်္ဂလာသတင်းကို ဧကရီသိထားသည်မို့ ထိုစကားဟာ အထူးအဆန်းဖြစ်နေလေသည်။
"ဘယ်လိုသီဟသက်နိုင်ဟုတ်လား"
"ဟုတ်တယ်။နင်တို့ဆေးရုံကပဲလေ။အန်တီက သူ့ဆီကိုပဲသွားမှာ"
"မဖြစ်နိုင်တာနာနာရယ်"
"ဘာလို့မဖြစ်နိုင်ရတာလဲ။အခုအန်တီ့မှာကိုယ်ဝန်ရှိနေပြီ"
"ဘယ်လို တကယ်လား"
"အင်း အဲ့ကိုယ်ဝန်ကလည်းသူနဲ့ပဲဆိုင်တာ"
"မဟုတ်တာနာနာရယ်။ဒေါက်တာသက်နိုင်က မကြာခင်မှာလက်ထပ်တော့မှာ။အန်တီနုနဲ့လုံးဝမဖြစ်နိုင်ဘူး"
ESTÁS LEYENDO
"ေမာင့္ၾကင္နာသူ"(Ongoing)
Ficción Generalအန်တီက မောင့်ရဲ့ထာဝရကြင်နာသူပါ။ အန္တီက ေမာင့္ရဲ႕ထာဝရၾကင္နာသူပါ။
