Unicode
"ရီ့ကိုလက်ထပ်ဖို့ မမထားဆီကခွင့်ပြုချက်လိုသေးလား"
ဧကရီရဲ့နားရက်မှသာ သူမတို့နှစ်ဦးအချိန်ကြာကြာတွေ့ဖြစ်တော့သည်။ဒီစကားသည် ကြွယ်အလေးအနက်ထားကာ ပြောနေခြင်းပင်။ချစ်ရသူကိုပိုင်ဆိုင်ခွင့်ရဖို့အတွက် ခက်ခဲသည့်လုပ်ဆောင်မှုဖြစ်စေ၊လွယ်ကူသည့်လုပ်ဆောင်မှုဖြစ်စေကြွယ်လုပ်ဆောင်ဖို့အသင့်ပင်။
"ဟင် တီတီထားဆီကလား။တီတီထားက သဘောတူပါတယ်မမရဲ့"
"ဒါဆိုရင်တို့ခွင့်တောင်းစရာမလိုဘူးမဟုတ်လား"
"မမတစ်ခုခုဖြစ်နေလား"
"ဟင့်အင်း။တို့ဘာမှမဖြစ်ဘူးပါဘူးကလေးရဲ့"
ဒါဟာ ချစ်ရသူကို ဝမ်းနည်မှာစိုးလို့သာ လိမ်လည်လိုက်မိခြင်း။"ထား"ကိုပြန်တွေ့သည့်နေမှစ၍ ကြွယ့်စိတ်တွေတည်ငြိမ်နိုင်စွမ်းမရှိတော့ပေ။
"မမက တီတီထားကိုကြောက်လို့လား။တီတီထားနဲ့မမသိတယ်ဆို"
"အင်း"
"လူနာတစ်ယောက်အနေနဲ့လို့ တီတီထားကပြောတယ် ဟုတ်လားဟင်"
လူနာတစ်ယောက်အနေနဲ့တဲ့လား။သာမာန်လူနာတစ်ယောက်မဟုတ်ခဲ့ဘဲ နှလုံးသားလူနာတစ်ယောက်ဖြစ်ခဲ့သည်ဆိုတာကိုတော့ ငယ်ရွယ်လွန်းတဲ့ ဧကရီမသိနိုင်ပေ။
"အင်း လူနာပါပဲ။တစ်သက်တာမမေ့နိုင်တဲ့လူနာအဖြစ်နဲ့ပေါ့"
"ဟင် မမဘာကိုဆိုလိုတာလဲ"
"သြော် တို့ကမမထားအတွက် ကျန်းမာရေးချူချာတဲ့လူနာတစ်ယောက်လို့ပြောတာပါ"
"အဲ့လောက်တောင်ကျန်းမာရေးမကောင်းခဲ့တာလား။တော်ပါသေးရဲ့ အခုထိကျန်းမာပြီး ရီ့အနားမှာရှိနေလို့"
ကြွယ့်ကိုပိုင်ဆိုင်ထားခြင်းဟာ ဧကရီ့အတွက် ရှားရှားပါးပါး ဘုရားပေးတဲ့ဆုလာဘ်လေးတစ်ခုလိုပင်။ဒီဆုလာဘ်ကလေးကို လွတ်ထွက်မသွားအောင် ဘုရားမှာအကြိမ်ကြိမ်ဆုတောင်းရလောက်သည်အထိ ကြွယ်ဆိုသည့် အမျိုးသမီးကို ဧကရီ့ရင်ထဲမှ နှစ်နှစ်ကာကာပင်ချစ်သည်။မြတ်နိုးသည်။
YOU ARE READING
"ေမာင့္ၾကင္နာသူ"(Ongoing)
General Fictionအန်တီက မောင့်ရဲ့ထာဝရကြင်နာသူပါ။ အန္တီက ေမာင့္ရဲ႕ထာဝရၾကင္နာသူပါ။
