Mr. Right (Mr. Series #3)

Chapter 17

"Hindi mo man lang ako pipigilan? Hindi mo ba ako na-miss?"

Ako naman ang walang nasabi. Seeing him in front of me looking like that amazed the whole me. "Kaya nga ako pumunta kanina sa iyo dahil miss na miss na kita. Hindi mo ba ako narinig kanina?"

"Kung gano'n, bakit pakiramdam ko pinagtatabuyan mo ako?"

"Eh kasi, ikaw na nga ang may sabi na bukas na lang tayo magkita. Hindi naman kita gustong pilitin dahil unang-una, baka makatulugan lang kita."

"Then, matulog na lang tayo...nang magkayakap."

Binuksan niya ang kwarto ko. Lumakas ang kabog ng dibdib ko. Ito ang unang beses niyang nakapasok sa kwarto ko at hindi ko maiwasang mahiya dahil baka may makita siyang kung ano.

Hinubad niya necktie niya.

"Oh, akala ko matutulog lang?"

Natawa siya. "Oo nga. Ito naman, hinubad ko lang 'yong necktie ko kung ano-ano nang iniisip."

Binuksan niya ang dalawang butones sa itaas ng polo niya bago siya humiga. "Halika na rito, inaantok na rin ako. Bukas na tayo maglinis."

Inilahad niya ang braso niya. "Sure ka ba? Amoy alak ako," nag-aalinlangan kong sagot.

"Asawa naman kita, kaya halika na rito."

"Asawa? Hindi pa nga tayo kasal, eh."

"Ano naman? Para sa akin, asawa na kita."

Tinapik niya pa ang pwesto sa tabi niya. Humiga na lang ako. Katulad nga ng sinabi niya ay natulog kaming magkayakap buong magdamag.

***

Nanlumo ako nang pagkagising ko ay wala si Jhon Rey sa tabi ko. Bumangon ako upang hanapin siya sa paligid pero wala siya kaya sinubukan kong lumabas ng kwarto. Gagawin ko palang iyon nang makita ko siyang palabas ng banyo rito sa kwarto ko. Bagong ligo siya. At ang tanging suot niya lang ay tuwalya sa ibabang parte ng kaniyang katawan.

"Good morning, my love."

Lumapit siya sa akin at niyakap ako bago ako pinaliguan ng mga halik sa pisngi at sa aking mga labi. Hindi ba niya alam na wala siyang damit at nararamdaman ko ang init na nanggagaling sa katawan niya?

"Bakit dito ka naligo?" tanong ko.

"Why not? Well, maybe you still don't remember what you did to my clothes."

Agad akong nakaramdam ng malaking hiya sa sarili ko. What the hell did I do last night?

"You're so drunk, baby," pang-aasar niya habang nakayakap sa akin at para bang may ikinikiskis sa puson ko. Ang tigas, ha? "Is that why you wanted me to stay?"

"Bakit? Ano bang ginawa ko?" namumutla kong tanong habang pilit na inaalala ang nangyari kagabi. Ang tanging naaalala ko lang ay magkatabi kami sa kama. May ginawa ba akong hindi maganda? 

Sandali, iba na ang suot ko. Binihisan niya ba ako?

Sandali, anong oras na ba?

Sinulyapan ko ang orasan sa dingding at nakita kong alas singko palang ng madaling araw. Napakaaga pa pala.

Kumalas ako sa pagkakayakap niya sa akin habang malalim ang iniisip. Ano ba talagang ginawa ko at bakit pinalitan niya ang damit ko? Sinilip ko ang underwear ko kung nag-iba rin, pero paano ko malalaman? Ni hindi ko nga matandaan kung may suot ba ako kahapon.

Habang nakaupo si Jhon Rey sa kama ay naririnig ko siyang tumatama. Naka-topless pa rin siya at patuloy akong pinagmamasdan. Basa rin ang kaniyang buo at tumutulo pa sa kama ang mga butil ng tubig.