“ អ្នកប្រមាញ់ ”
ចម្ការលីអូណា
អេវីល នៅឈរក្នុងបន្ទប់ធ្វើការរងចាំស្តាប់ដំណឹងពីលោកពូ វីហ្គូនិងកម្មករប៉ុន្មាននាក់ដែលគេប្រើឲ្យទៅចាំមើលសកម្មភាពរបស់ នាយម៉ាវីននិងកូនចៅនៅឯព្រៃក្រោយចម្ការរបស់ថៅកែម៉ាឡុន។ គេចាំអស់កន្លះថ្ងៃទៅហើយ ប៉ុន្តែនៅមិនទាន់ឃើញមានអ្នកណានាំដំណឹងត្រឡប់មកវិញទៀត ទើបគេកាន់តែអន្ទះសារនិងបារម្ភលើសដើម។
« ចៅហ្វាយៗ »
សំឡេងហៅរបស់លោកពូ វីហ្គូ ធ្វើឲ្យ អេវីល រហ័សដើរចេញពីបន្ទប់ធ្វើការមករកអ្នកដែលហៅគេយ៉ាងលឿនព្រោះគេអន្ទះសារខ្លាំងដល់ថ្នាក់មិនអាចចាំឲ្យលោកពូ វីហ្គូ ចូលទៅរាយការណ៍បានឡើយ។
« តើពួកគេមានសកម្មភាពដែរទេ? » អេវីល សួរទៅលោកពូ វីហ្គូ ដោយអន្ទះសារចង់ដឹង។
« ខ្ញុំនិងកម្មករបានប្រទះឃើញពួកគេកំពុងតែកាប់ស្ការព្រៃធ្វើផ្លូវចេញទៅជាយព្រៃខាងក្រោយ ប្រហែលដោយសារតែទំនប់ទឹកលើកមុនត្រូវទម្លាយហើយ ទើបពួកគេរកផ្លូវវាង »
« ល្អណាស់ អញ្ចឹងយើងឆាប់ទៅៗ » អេវីល លឺបែបនេះហើយក៏រហ័សចេញទៅយ៉ាងប្រញាប់ប្រញាល់។
អេវីលនិងកម្មករឯទៀតនាំគ្នាឡើងឡានចេញទៅដោយមានយកកាំភ្លើងទៅជាមួយផងដែរ ទើបធ្វើឲ្យអ្នកស្រី រ៉ាវ៉ាន់និងមេផ្ទះ យូមី ដែលនៅកាត់ផ្កាក្នុងចម្ការកុលាបតាមមើលគេមិនដាក់ភ្នែក។
« តើ អេវីល គេនាំកម្មករជិះឡានទៅព្រៃខាងក្រោយធ្វើអី្វ? នៅយកកាំភ្លើងទៅជាមួយទៀតផង » អ្នកស្រី រ៉ាវ៉ាន់ សម្លឹងមើល អេវីល ចាកចេញទៅជាមួយកម្មករដោយក្តីបារម្ភ ។
« សង្ស័យទៅប្រមាញ់សត្វព្រៃទេដឹង ព្រោះមួយរយៈនេះលឺកម្មករថាមានសត្វព្រៃចូលមកស៊ីដំណាំរាល់ថ្ងៃ » អ្នកមីង យូមី ប្រាប់រឿងសត្វព្រៃដើម្បីឲ្យអ្នកស្រី រ៉ាវ៉ាន់ ស្ងប់ចិត្ត ប៉ុន្តែក្នុងកែវភ្នែករបស់នាងបញ្ជាក់ថានាងដឹងច្បាស់ណាស់ថា អេវីល មិនមែនទៅប្រមាញ់សត្វព្រៃទេ ព្រោះព្រឹកមិញនាងបានលឺ អេវីល បញ្ជាឲ្យលោកពូ វីហ្គូ ទៅចាំសង្កេតមើលសកម្មភាពរបស់មនុស្សនៅចម្ការថៅកែម៉ាឡុន។
« ទៅប្រមាញ់សត្វព្រៃទៀតហើយ » អ្នកស្រី រ៉ាវ៉ាន់ ស្ងប់ចិត្តបន្តិច ប៉ុន្តែនៅតែព្រួយបារម្ភដដែល ព្រោះសត្វព្រៃទាំងអស់នោះក៏គ្រោះថ្នាក់ណាស់ដែរ អាចធ្វើឲ្យគេរងរបួសបានបើគេប្រហែសនោះ។ អ្នកស្រី រ៉ាវ៉ាន់ ដកដង្ហើមធំហើយឱនកាត់ផ្កាបន្តទៀតជាមួយមេផ្ទះ យូមី។
![](https://img.wattpad.com/cover/369285253-288-k96323.jpg)
YOU ARE READING
បញ្ឆោតស្នេហ៍សុភាពបុរសក្លែងក្លាយ(សេរីបញ្ឆោតស្នេហ៍វគ្គ២)
Romanceក្តីស្រលាញ់ដែលនាងមានចំពោះគេមករាប់ឆ្នាំ តែងតែធ្វើឲ្យនាងទទួលបានអារម្មណ៍ខកបំណងនិងឈឺចាប់ឥតស្បើយ ដល់ថ្នាក់នាងចង់បោះបង់ចោលម្តងៗ ប៉ុន្តែដោយសារតែបេះដូងដែលនៅតែស្រលាញ់គេនិងមានអារម្មណ៍ខុសចំពោះគេ ទើបនាងតស៊ូនៅក្បែរគេទោះបីជាគេតែងតែជេរស្តីថានាងជាមេរំខាននៅក្នុងជីវិ...