“ គ្រប់យ៉ាងបានមកដល់ចំណុចបញ្ចប់ ”
រ៉េណានិងថេរ៉ុន នៅអង្គុយលើទោងក្រោមដើមឈើមុខផ្ទះដោយម្នាក់ៗស្ងាត់រៀងខ្លួន ព្រោះពេលនេះទាំងនាងនិងគេសុទ្ធតែគិតអ្វីមិនចេញនោះទេ។
« សុំទោស » ថេរ៉ុន ដែលអង្គុយស្ងាត់ជាយូដាច់ចិត្តនិយាយទៅកាន់នាងដោយអារម្មណ៍ខុស ព្រោះបើយប់មិញគេនៅជាមួយនាងក៏មិនអាចមានរឿងបែបនេះកើតឡើងដែរ។
« ហេតុអ្វីត្រូវសុំទោស? គ្រប់យ៉ាងមិនមែនជាកំហុសរបស់លោកទេ »
« បើយប់មិញខ្ញុំនៅមើលនាង គេច្បាស់ជាមិនអាចចូលទៅធ្វើបាបនាងបាននោះទេ »
« ហ៊ឹក...ឈប់បន្ទោសខ្លួនឯងទៀតទៅ » រ៉េណា យំចេញមកខ្លាំងៗជាមួយអារម្មណ៍ឈឺចាប់បំផុត នាងមិនចង់ឃើញគេបន្ទោសខ្លួនឯងទៀតទេ ឃើញគេបន្ទោសខ្លួនឯងបែបនេះនាងកាន់តែមានអារម្មណ៍ឈឺចាប់។
«...» ថេរ៉ុន រហ័សទាញនាងមកឱបយ៉ាងណែនទាំងក្នុងទ្រូងអួលណែនឈឺចាប់ដូចត្រូវគេចាក់នឹងកាំបិត។
« ហ៊ឹក...រវាងពួកយើងពិតជាត្រូវបញ្ចប់ត្រឹមនេះពិតមែនឬ? ខ្ញុំខំប្រឹងមកយូណាស់ហើយ ទីបំផុតជិតបានរស់នៅជាមួយលោកជារៀងរហូតហើយ ប៉ុន្តែហេតុអ្វីពេលនេះគ្រប់យ៉ាងក៏ប្រែទៅជាបែបនេះវិញ? ហ៊ឺ! » រ៉េណា ស្រវ៉ាឱបរាងក្រាស់ណែនដៃដោយក្តីឈឺចាប់សោកស្តាយចំពោះរឿងគ្រប់យ៉ាង។
«...» ថេរ៉ុន មិនអាចនិយាយអ្វីបានក្រៅពីឱបនាងណែនដៃដោយក្តីឈឺចាប់ហួសប្រមាណ បើអាចគេចង់ទទួលយកការឈឺចាប់ទាំងអស់ជំនួសនាង ព្រោះគេមិនចង់ឃើញនាងឈឺចាប់បែបនេះទេ។ក្រោយពីបំបែកផ្លូវគ្នាពី ថេរ៉ុន ហើយ រ៉េណា ក៏ចូលមកក្នុងផ្ទះដើម្បីជួបជាមួយ អេវីល វិញ។
« រ៉េណា...» អេវីល ងាកមករកអ្នកដែលឈរនៅខាងក្រោយខ្នងព្រមជាមួយអារម្មណ៍ខុសចំពោះនាង។
« មុនពេលរៀបការ តើខ្ញុំអាចសុំឲ្យ អេវីល ពិសោធន៍អ្វីមួយបានទេ? » រ៉េណា សម្លឹងមុខស្រស់សង្ហាជាប់មិនដាក់ភ្នែក ហើយគេក៏ងក់ក្បាលយល់ព្រមជាមួយនាង។មន្ទីរពេទ្យ
គ្រូពេទ្យជំនាញកាន់ឯកសារចូលមកក្នុងបន្ទប់ដែល អេវីលនិងរ៉េណា កំពុងអង្គុយលើកៅអីរងចាំ។
« សូមបំពេញឈ្មោះរបស់អ្នកទាំងពីរលើក្រដាស ហើយក៏ចូលទៅបន្ទប់ពិនិត្យតាមផ្នែកបាន ផ្នែកស្រ្តីនៅខាងស្តាំដៃ ចំណែកខាងប្រុសនៅខាងឆ្វេងដៃ »
« តើគិតធ្វើបែបនេះពិតមែនទេ? » អេវីល អង្គុយសម្លឹងក្រដាសពិនិត្យសួរទៅកាន់ រ៉េណា ដោយក្តីបារម្ភ គេខ្លាចលទ្ធផលចេញមកធ្វើឲ្យគេរឹតតែមានអារម្មណ៍ឈឺចាប់លើសដើម។
« ខ្ញុំមិនជឿទេថាយើងទាំងពីរនាក់បានធ្វើរឿងបែបនោះជាមួយគ្នា ដូច្នេះទើបខ្ញុំចង់ពិនិត្យឲ្យច្បាស់លាស់ » រ៉េណា បំពេញឯកសាររួចហុចឲ្យគ្រូពេទ្យដែលឈររងចាំ រួចនាងក៏ក្រោកឈរឡើងដើរចូលទៅបន្ទប់ពិនិត្យមុនគេ។
អេវីល សម្លឹងមើលនាងពីខាងក្រោយដោយអារម្មណ៍តានតឹង តែគេក៏គិតដូចនាងដែរ គេមិនជឿទេថាគេបានធ្វើអ្វីនាងនោះ ព្រោះបើគេបានអ្វីបែបនេះមែន ផ្នែកខាងក្រោយរបស់គេក៏យល់ថាប្លែកខ្លះ ប៉ុន្តែនេះគេគ្មានអារម្មណ៍ប្លែកអ្វីទេ ទើបគេរហ័សបំពេញឯកសារហើយក្រោកឈរហុចឲ្យគ្រូពេទ្យដែរ មុនចូលទៅបន្ទប់ពិនិត្យគេក៏មិនភ្លេចងាកមកសួរគ្រូពេទ្យពីរយះពេលដែលទទួលបានលទ្ធផលពិនិត្យ។
« តើលទ្ធផលនឹងបាននៅថ្ងៃណាដែរ? »
« បើយូបំផុតមួយសប្តាហ៍ បើឆាប់បំផុតបីថ្ងៃ »
« បាទ អរគុណ » អេវីល ស្តាប់សម្តីលោកគ្រូពេទ្យចប់ទើបលាចូលទៅបន្ទប់ពិនិត្យដែលនៅក្បែរនោះ។
YOU ARE READING
បញ្ឆោតស្នេហ៍សុភាពបុរសក្លែងក្លាយ(សេរីបញ្ឆោតស្នេហ៍វគ្គ២)ចប់
Romanceក្តីស្រលាញ់ដែលនាងមានចំពោះគេមករាប់ឆ្នាំ តែងតែធ្វើឲ្យនាងទទួលបានអារម្មណ៍ខកបំណងនិងឈឺចាប់ឥតស្បើយ ដល់ថ្នាក់នាងចង់បោះបង់ចោលម្តងៗ ប៉ុន្តែដោយសារតែបេះដូងដែលនៅតែស្រលាញ់គេនិងមានអារម្មណ៍ខុសចំពោះគេ ទើបនាងតស៊ូនៅក្បែរគេទោះបីជាគេតែងតែជេរស្តីថានាងជាមេរំខាននៅក្នុងជីវិ...