Unicode
" ပေးပါ ကျွန်မကူသယ်ပေးမယ် "
စောလက်ထဲက luggage ကို ဆွဲယူရင်း ပြောလာသည့် အမျိုးသမီး။ ဒီနေ့တော့ စော ထိုအမျိုးသမီးရဲ့ အိမ်ကို ပြောင်းလာခဲ့ခြင်း ဖြစ်သည်။ စာချုပ်မှာသာ တရားဝင်လက်မှတ်ထိုးလိုက်ပြီး အကျဉ်းရုံးသာ လုပ်လိုက်သည့် လက်ထပ်ပွဲဆိုပေမဲ့ စောရော အဲ့ဒီအမျိုးသမီးရော ကျေကျေနပ်နပ်ရှိကြပါသည်။
" ရပါတယ် ၊ ကျွန်တော့်မှာ ဒီ luggage ပဲပါတာ "
စော ပြောလိုက်တော့ အနည်းငယ် အံ့ဩသွားသည့် အမျိုးသမီးရယ်ပါ။ ဒီနေ့တော့ တွေ့နေကျ ပုံစံမဟုတ်ပါဘဲ ဝက်ဝံရုပ်လေးတွေပါသည့် pajama ဝမ်းဆက်ကို ဝတ်ထားသည်ပဲ။ ဆံပင်တွေကို စုစည်းကာ hair pin နှင့် ညှပ်ထားသော်ငြား တစ်ချို့တစ်လေက ပြေလျော့နေသည်။ ခပ်ဝိုင်းဝိုင်း မျက်မှန်ကို တပ်ထားသေးသည့် ထိုအမျိုးသမီးရဲ့ ပုံစံက ကလေးတစ်ယောက်နဲ့တောင် သွားတူနေသေး၏။
" ဒါဆို ဝင်ရအောင်လေ "
ကားရပ်ထားသည့်နေရာမှ အိမ်လေးထဲသို့ ခေါ်သွားသည့် အမျိုးသမီးရဲ့ နောက်ကို လိုက်ရသည်။ ခပ်မြင့်မြင့် တစ်ထက်တိုက်ကလေးက သိပ်မကျယ်ဝန်းပေမဲ့ ခြံလေးထဲတွင် ပန်းပင်လေးများ ဟိုတစ်စု ဒီတစ်စု စိုက်ထားသည်က သဘောကျစရာကောင်းလှသည်။
" ဒါက ဧည့်ခန်း ၊ ဟိုနားက ဘုရားခန်း ၊ ဟိုဘက်နားလေးက မီးဖိုခန်း ၊ ပထမဆုံး မြင်ရတဲ့ အခန်းက ကျွန်မအခန်း အဲ့တာရဲ့ မျက်နှာချင်းဆိုင်က ရှင်နေရမဲ့ အခန်းပဲ။ အခန်းထဲမှာ bathroom ပါပြီးသားမလို့ ရှင် အဆင်ပြေမှာပါ "
စောလည်း ခေါင်းကိုငြိမ့်ရင်းသာ ပြောသမျှကို နားထောင်နေမိသည်။
" ဟိုးအစွန်းနားက အခန်းက စာဖတ်ခန်းမလို့ ရှင်ပျင်းတဲ့ အခါ စာဖတ်လို့ရတယ်။ တစ်ခုတော့ရှိတယ်။ ကျွန်မစာရေးနေတဲ့ အချိန်နဲ့တိုးရင်တော့ မနှောင့်ယှက်ဖို့ပဲ "
" ကျွန်တော် နားလည်ပါတယ် "
" ဒါဆို ရှင် ပစ္စည်းနေရာချစရာရှိတာချလိုက်ဦးလေ "
" ကောင်းပါပြီ "
luggage ကိုဆွဲကာ သူမညွှန်ပြသည့် အခန်းထဲသို့ ဝင်လိုက်သည်။ အခန်းထဲသို့ ဝင်ဝင်ချင်းမှာပင် နှာဖျားသို့ တိုးဝင်လာသည့် ခပ်အေးအေး green tea အနံ့။ ကြည့်ရတာ အဲ့ဒီအမျိုးသမီး ဖြန်းထားတာဖြစ်ရမည်။
YOU ARE READING
I Got Married With A Girl!!
Roman d'amourမိဘတွေ သဘောတူညီမှုကြောင့် လက်ထပ်လိုက်ရပေမဲ့ လက်ထပ်လိုက်ရတဲ့ သူဟာ မိန်းကလေးတစ်ယောက်ဖြစ်နေတဲ့အခါမှာတော့.....
