{Unicode}
... မသိဘူးလား?
ဒီရင်ထဲ ဘယ်လောက် လောင်မြိုက်နေလဲဆိုတာကို...
****
ယခင်အပိုင်းမှ အဆက်...
တောထဲက သူကတော့ မနည်းပြန်လာရသည် ထင်သည်။ လည်ပေါ်မှ ဆင်းကာ... သူ့နွားများကို သေချာလေး ချည်နှောင်ပြီးသည်နှင့် မီးဖိုခန်းထဲမှာ တောထဲ ယူလာခဲ့သည့် ပစ္စည်းများကို နေရာအစဥ်တကျ ပြုလုပ်နေတုန်းရှိသေးသည်... သူကတော့ သူ့ပါးပါးနှင့်ဖေကြီးကို သွားတွေ့သည်။
ထင်သည်တော့... သူကအဖျားရှိန်ကြောင့် အတော်လေးကို အဆင်မပြေဟန် ဖြစ်နေသည်ထင်သည်။ ခဏအကြာမှာတော့ သူက မီးဖိုခန်းထဲမှ အနမ်းကို တစ်ချက်ကြည့်ကာ အိမ်ပေါ်သို့ တက်သွားလေပြီ။
ထိုအချိန်မှာပင် အနမ်းလည်း မီးဖိုခန်းထဲမှ ပစ္စည်းများကို အစဥ်တကျ စီစဥ်နေတုန်း ရှိသေးသည်... မီးဖိုခန်းထဲ ဝင်လာသည့် ပါးပါး...
"အနမ်း... သား... အိမ်ပေါ်ကို တက်ပြီး ဟိုကလေးကို ကြည့်ပေးလိုက်ပါဦးနော်။ ပါးပါးတို့ ဆရာ့ကို သွားခေါ်မလို့...။ ဆရာက ရွာလယ်မှာ မရှိဘူး... တစ်ခြားမှာ ရောက်နေတယ်ဆိုလို့ အဲ့ဒီကို သွားမှရမှာ။ အဲ့ဒါ သားကြီးကို ခဏကြည့်ထားပေးပါနော်။"
"ဟုတ်ကဲ့ ပါးပါး... အိမ်က ပါးပါးတို့ မရှိဘူးဆိုတော့ အနမ်း အောက်က ပစ္စည်းတွေကို စိုးရိမ်ရတာမို့လေ... အပေါ်အောက်ကို ကြည့်ပေးပါ့မယ်။"
"ရပါတယ်... အဲ့ဒါတွေအတွက် စိတ်မပူနဲ့... သားအကြီးကိုသာ တစ်ချက်ကြည့်ပေးပါနော်။ ပါးပါးတို့ မြန်မြန်ပြန်လာခဲ့မယ်... ဟုတ်ပြီလား? မိုးကအုံ့အုံ့နဲ့ ညပိုင်းဖြစ်နေလို့... အစ်ကိုတစ်ယောက်တည်းလည်း စိတ်မချလို့လေ... သားရတယ်မလားဟင်? ပြီးတော့ ထမင်းတွေဘာတွေ အိမ်ပြန်စားမနေနဲ့... ဒီမှာပဲစားလိုက်... ဟုတ်ပြီလား?"
"ဟုတ်ကဲ့ပါ... ပါးပါး။ ပါးပါးတို့သာ ဂရုစိုက်သွားပါနော်။"
ပါးပါးတို့ကတော့ အနမ်းကို မှာစရာရှိတာ မှာပြီး ပြန်သွားလေပြီ။ အနမ်းလည်း ထိုအချိန်မှပင် အိမ်ဝိုင်းတစ်ခုလုံးကို တစ်ချက်စစ်ဆေးလိုက်ပြီ တံခါးကိုပါ ပိတ်ထားလိုက်မိသည်။
YOU ARE READING
ယိမ်းချင်ယိမ်း... ဒီကောင်ဆီ ယိမ်း (Husband effect)(Complete)
Randomမင်းက ငါ့မိန်းမ ဖြစ်လာမယ့်သူ သားနှစ်ယောက်ထဲမှ သားနှစ်ယောက် (သားအကြီး seme/ သားအငယ် Uke)ဇာတ်လမ်းဖြစ်ပါသည်။ သားငယ်လေး၏ Semeသည် I124Q(All eyes on me) မှ သားဖြစ်ပြီး သားအကြီး၏ Ukeသည် ဇာတ်ကောင်အသစ်ဖြစ်ပါသည်။
