... ယိမ်းချင်ယိမ်း
ဒီကောင့်ဆီ ယိမ်း....
Husband Affect..
****
လအနည်းငယ် ကြာသောအခါ...
ဆောင်းရာသီ...
နွေရာသီ...
အခုတော့ မိုးရာသီပင် ရောက်လာပြီ ဖြစ်သည်။ တဖြည်းဖြည်းနဲ့ ရာသီများက လည်ပတ်ကုန်ဆုံးပြီးသည့် နောက်မှာတော့ မောင်နှင့်အနမ်းတို့ရဲ့ အိမ်ထောင်သက်တမ်းကလည်း ကာလတစ်ခုအထိ ရှိနေပြီ ဖြစ်သည်။
ဒီနေရာကနေ အနမ်းက နှလုံးသားကို ချန်ပြီး အခြားအဝေးတစ်နေရာကို ထွက်သွပေမယ့် အခုတော့ အနမ်း သဘောကျသူနဲ့ သဘောကျတဲ့ ဒီရွာလေးမှာ တစ်သက်လုံး အခြေချ နေထိုင်နိုင်ခဲ့ပြီ ဖြစ်သည်။
ကျောင်းသားဘဝမှာ လက်ရဲဇက်ရဲ ရှိပြီး အဖြူအစိမ်းဝတ်စုံလေးနဲ့ သူ့ပုံစံကို မြင်ခဲ့ပြီး သဘောကျခဲ့သည်။ နောက်တော့... တစ်ခြားနေရာကို ပြောင်းခဲ့ရသည်။
ဒါပေမယ့် အခြေအနေအမျိုးမျိုးနဲ့ မေမေဇွန်ပန်းဝေဆီကနေ လွတ်မြောက်ချင်လို့ ဒီရွာကို ပြန်ပြေးလာခဲ့ရင်းမှ... အခုတော့... သဘောကျရတဲ့ လူရဲ့ အိမ်ထောင်ဖက်အဖြစ်... နေ့ရက်တိုင်းမှာ သူနှင့်အတူတူ နေထိုင်ပြီး ကုန်ဆုံးခဲ့ပြီ ဖြစ်သည်။
အဝေးမှာ... လယ်ကွင်းထဲမှ စိုက်ပျိုးပင်များကို ဆေးပက်ဖြန်းနေသည့် မောင့်ကို ဘယ်လောက်တောင် ငေးကြည့်နေမိသည် မသိ... မောင်က အနားက ရောက်လာသည့်အချိန်မှပင် သတိထားမိသည့် အထိပင် ဖြစ်သည်။
မောင်ကတော့... သီချင်းလေးတအေးအေးဖြင့် ဆိုညည်းရင်းမှ အနမ်းရှိနေသည့် နေရာသို့ ရောက်လာခဲ့တာ ဖြစ်သည်။
~~~ အညာနွေက ပူပါတယ်ဗျာ...
ကျုပ် ရင်ခွင် ဝဲဘက်တစ်ခြမ်းမှာ ပိုပူပြင်းလိုက်တာ...
မောင့်ရဲ့ အသံနဲ့ သီချင်းစာသားကို တွဲစပ်ကြည့်ချိန်မှာတော့ မတည်နိုင်တော့ဘဲ ပြုံးသာ ပြုံးလိုက်မိတော့သည်။ ထိုအရာကိုတော့ မောင်က မြင်ဖြစ်အောင် မြင်သွားပြီး... လယ်ကွက်ထဲသို့ ရေသွင်းမြောင်းမှ ရေများဖြင့် သူကိုယ်ပေါ်ကို လက်မောင်း၊ ခြေထောက် အကုန်လုံးကို ဆေးကြောနေသည်။
YOU ARE READING
ယိမ်းချင်ယိမ်း... ဒီကောင်ဆီ ယိမ်း (Husband effect)(Complete)
Randomမင်းက ငါ့မိန်းမ ဖြစ်လာမယ့်သူ သားနှစ်ယောက်ထဲမှ သားနှစ်ယောက် (သားအကြီး seme/ သားအငယ် Uke)ဇာတ်လမ်းဖြစ်ပါသည်။ သားငယ်လေး၏ Semeသည် I124Q(All eyes on me) မှ သားဖြစ်ပြီး သားအကြီး၏ Ukeသည် ဇာတ်ကောင်အသစ်ဖြစ်ပါသည်။
