... မင်း ထိန်းရမယ့်သူက
သိပ်ကို အန္တရာယ် ကြီးတဲ့သူ...။
****
ယခင်အပိုင်းမှ အဆက်...
"သူ့ဆီကနေ နောက်ထပ် ထွက်ပြေးဖို့ မကြိုးစားတော့နဲ့...။ ဒါက မင်း အသက်အန္တရာယ်အတွက် သတိပေးတာမျိုးပဲ။"
အစ်ကို့ဖေဖေထံမှ ထိုစကားကို ကြားလေတော့ ဖွယ်လည်း လက်ကိုသာ တင်းတင်းကြပ်ကြပ် ဆုပ်ထားမိတော့သည်။ အစ်ကို ဘယ်လောက် ကြောက်စရာကောင်းလဲဆိုတာ ဖွယ် ရိပ်မိပါသည်။
အစ်ကို့လို လူစားမျိုးက... သူလိုချင်တာကို ဘယ်သူမှ အထိမခံနိုင်သည့် အနေအထားမျိုးပင် ဖြစ်သည်။ ဘာကြောင့်လဲဆိုတော့ အစ်ကို ရွာမှာ ခဏ နေစဥ်အတွင်းမှာပင် ဖွယ့်ရှေ့က လူတွေကို သူဘယ်လိုတောင် လုပ်ပစ်နိုင်ခဲ့သည်လဲ ဖွယ် အသိဆုံးမို့...။
အစ်ကိုကတော့ ခဏလေး ဘယ်ကို ပျောက်သွားလဲမသိ... အစ်ကို ဖေဖေကတော့ ဖွယ့်ကို အစ်ကို့အခန်းထဲမှာပင် လာရောက်စကားပြောပါသည်။ ပြီးတော့ မကြာခင်မှာပင် အစ်ကို့ရဲ့ပါးပါးလည်း ရောက်လာသည်။
အစ်ကိုက အစ်ကို့ဖေဖေ... ပါးပါး နှစ်ယောက်လုံးနဲ့ ရုပ်က ဆင်တူတာ ဖြစ်သည်။ မိဘနှစ်ပါးလုံးက ချောမောမှု အပြည့်နဲ့မို့... အစ်ကိုကတော့ ပြောစရာကို မရှိတော့ပါ။ အထူးသဖြင့်... အစ်ကို့ရဲ့ပါးပါးက အတော်လေးကို ချောမောလှပသည့် အနေအထား....
အစ်ကိုရဲ့ ပါးပါးကလည်း ဖွယ့်ကို ပြုံးကာ ကြည့်လာရင်းမှ ဖွယ့်ပုခုံးကို ဖွဖွပုတ်သည်။ ထို့နောက် ဖွယ့်အနားမှာပင် ထိုင်ပြီး...
"သားရဲ့ ဖုန်းထဲကနေတော့ မြင်ဖူးပေမယ့်... အခုက အပြင်မှာ မြင်ရတာမျိုးပါပဲ။ ဖြစ်ခဲ့သမျှ... သား မင်းအပေါ် လုပ်ခဲ့တာတွေအတွက် ပါးပါး တောင်းပန်ပါတယ်နော်။ ပြီးတော့ အဲ့ဒါတွေ အကုန်လုံးကို အာမခံနိုင်တာက... မင်းကို အဆုံးစွန်အထိ သူက ချစ်ခဲ့လို့ သူ့ကိုယ်သူတောင် မနိုင်တော့တဲ့အထိ အစွန်းရောက်နေခဲ့တာပါ။"
"ဟုတ်ကဲ့... ဖွယ် နားလည်ပါတယ်ဗျ..."
ထိုအချိန်မှာတော့ အစ်ကို့ပါးပါးက ဖွယ့်ကို တစ်ချက်ပြုံးကာ ကြည့်လာပြီး...
YOU ARE READING
ယိမ်းချင်ယိမ်း... ဒီကောင်ဆီ ယိမ်း (Husband effect)(Complete)
Randomမင်းက ငါ့မိန်းမ ဖြစ်လာမယ့်သူ သားနှစ်ယောက်ထဲမှ သားနှစ်ယောက် (သားအကြီး seme/ သားအငယ် Uke)ဇာတ်လမ်းဖြစ်ပါသည်။ သားငယ်လေး၏ Semeသည် I124Q(All eyes on me) မှ သားဖြစ်ပြီး သားအကြီး၏ Ukeသည် ဇာတ်ကောင်အသစ်ဖြစ်ပါသည်။
