« ما عاشرت شمس ولا خاوت نجوم »

٢١

بعد ايام
بيت مُهاب

تنهدت تشوف ضماد يدها مبتلّ وأبعدته اخيرًا لانها امس راحت المستشفى وفك كل غرز يدها كانت ثلاث وبرأسها سبع ابعدها كلها وصارت تغطي يدها فقط لمنع التهاب الجرح، التفتت لدخوله يشوفها مبعده ضماد يدها وتقدم نحوها يسحب علبة الاسعاف يضعها في حضنه ومسك كفها وكل هذا ومازال في صمته يتحسس بالإبهام الجرح الطويل وكم جروح عشوائيه حوله مرت رعشه في كامل جسدها من انحنى بهدوء يطبع ثغره في جرح كفها قبلة طويلة يخفي بعض من وجهه في كفها حتى ابتعد يطبع قبلة ثانية في الجروح الصغيرة وهذا سبب كافي لأقامة حرب في ضلوعها رعشة في جسدها وتوتر ملحوظ من افعاله اللي كانت عن الف كلمة ..!
ابتعد بهدوء يناظر لها عضت شفايفها تشتت نظراتها يدرك خوفها ورغم ذا تستقوي بكلامها : هذا دواء وصفته الدكتورة؟
كانت تقصد قبلاته وهز رأسه بهدوء: اي قالت مرتين باليوم
ابتسمت بخفوت لانه يمزح مثل ماهي تمزح لانه يلطف الجو ولانه يهلك بكل ماتحمله الكلمة من معنى ، سحب الضماد يفتحه يضمد كفها بهدوء ورفع نظره على رأسها : أضمده ؟
ولان الاصابة من خلف رأسها تختفي مع الشعر : ماله لزوم
هز رأسه ونطقت بتذكر : تعرف تظفر الشعر؟
سكت مايفهم يهز رأسه برفض واخذت خصله من شعرها الطويل تشرح له : اقسمها اول شيء ثلاث
كان مركز معها معطيها كل انتباه كانها تشرح خطة استيراد بلده او القضاء على اعداءه ، تكمل : بعدين تلف ذي وبعدها الثانيه والثالثه تكرر الحركه كذا
رفعت نظرها له بتساؤل : فهمت ؟
هز رأسه بسبب كفها ماعرفت وهي تحب تظفر شعرها حيل ، عطته ظهرها بهدوء تستشعر قبضة كفوفه القاسيه تحاول تجمع شعرها الطويل بين كفوفه ويضيع خصله ويرفع الاخرى وابتسمت بخفوت تراه من المرايا ، مركز عاقد حجاجه ماتدري معصب من الشعر ولا يتنافس معه ورغم ذا كان لمساته حنونه سببت لها نعاس ، قسمه لثلاث يبدأ ينفذ ماقالته حتى بنات الظفاير له واكمل لنهاية يوصل لنهاية ظهرها وابتسمت تسحب الظفيرة تبتسم بخفوت من اول محاولة له تربط طرفها بربطتها تهز رأسها برضى تسمعه ؛ تفي بالغرض
ضحكت من عبارته تهز رأسها بالإيجاب ومشى يآخذ ثيابه للحمام واعتدلت تمشي لسرير تحتاج تنام من تعبها ..

اليوم الثاني
العصر

كانت تضحك بطريقة متعبه ومهلكه ماتستحمل شرح جهاد امامها لشخصية مُهاب وكيف اكمل كلامه بحماس : يوم قال له تمشي بالضرب ولا بالشتيمة وانا قلبي تراعد والتفت جنبي هذاك ايمن وجهه مصفوق من الخوف نسيت خوفي اضحك عليه
مسحت دموعها بتعب من الضحك : ترى هو حنون يعني
رفع حاجبه بصدمه : مين حنون!
عضت شفايفها ترفع اصبعها بلطافه : شوي يعني
ضحك جهاد مايصدق مايقدر يتخيله في موضع حنون : يمكن اذا دخل عندك تتغير حسبته بس انا من يوم عرفته انطق الشهادة كلّ دقيقتين تحسبًا لاي حالة وفاة فاجعة
ضحكت ترميه بالمخدة تشوفه يضحك بعباطة وتغير نبرتها للجدية : بس فعلًا وقفت بصفه؟
هز رأسه بهدوء : ايوه ما اقدر استحمل ابوي اكثر انتهت طاقتي والساكت عن الحق شيطان اخرس وانا مب شيطان