روح تراني طايب النفس مابغاك حكم طغى ماعاد ينفع نظامه

بارت ٥

نوال : توق انا نوال اخت رعد
توق : اخت رعد ؟!
هزت نوال راسها وجتها هيا تحضنها وحست ان بظهور توق ولدها بيرجع يتذكر كل شي
هيا : ايه يابنتي وانا ام رعد صديقك يومكم صغار
استوعبت توق كل شي ورفعت يدها تبادلها الحضن ماتنكر انها اشتاقت له ولذكريات طفولتهم بس اختفى فجأة بدون سابق انذار
ولاء : ورعد طيب وينه ؟
بعدت هيا تمسح دموعها ومسكت يد توق تجلسها جنبها : رعد صار له حادث قبل ثمان سنوات وبسببه فقد ذاكرته مايتذكر شي من طفولته بس يتذكر يوم الحادث بس ووش سوا حاولنا نعالجه بكل الطرق واشطر الدكاترة بس مانفع وقالو هو من نفسه بيتذكر وبالفعل قبل فترة بدا يتذكر اشياء قليله وقبل سنتين بدت تجيه بنت بالحلم وتقوله بتتذكر قريب
ناظرت منيرة توق وكملت عن امها : وصف البنت وشكلها مع انه مو مرة واضح .. توق ذي البنت انتي نفس الشامه والعيون والشعر بنفس اللون
توق بهدوء : طيب وين رعد الحين ؟!
فلك : توق رعد هو نفسه الرائد ابوك يعرفه
ناظرتها توق وعيونها متوسعه كيف كذا ماتوقعت ولا واحد بالميه يكون هو
__________
كان عبد السلام وملهم جالسين جنب بعض ويسولفون وواضح دخلو بجو بعض
وماهر الي بس يطالع اسر بدون مايقول شي
وسامر الي رغم كل شي بس للحين يعز اسر بشكل كبير
رعد بهمس : اسر احس المكان شبه مألوف
اسر : متأكد ؟!
رعد : ايه بس مدري شلون اول مرة اجي هنا
____________
دخلت رغد غرفتها وانسدحت على سريرها تفكر ماقدرت تستوعب ان رعد هو نفسه صديق طفولة فلك الي شافته مرتين بالصغر فقط
خذت جوالها بعد مارن ترد : الو ؟!
الطرف الثاني : بالفعل مثل ماتوقعتي الطبيب الشرعي واضح مرشي
عقدت حواجبها وكمل يقول : له اسبوع يجي بسيارات اجدد نوع ويلعب بالفلوس هنا وهناك
رغد : طيب وينه ؟؟
الطرف الثاني : مقهى ..... اربع وعشرين ساعه فاتح ويمديك تقولين فيه تدخين
رغد : فهمت مشكور
سكرت تبدا تفكر شلون بتراقبه
_______
نايم ويشد على اللحاف وملامحه منكمشه فتح عيونه يفز يقوم وهو يتعرق
مسح على وجهه لها سنتين تجيه بالحلم
شعرها وشامتها الي عند عينها وتقول بتتذكر قريب
رعد بهمس : مين انتي بالضبط يا صاحبة الشامه
ناظر الساعه وكانت ١:٠٠ الليل
مسك جواله وشاف رساله من رغد عقد حواجبه بصدمه من الي قراه عن الطبيب الشرعي وانه مرشي رفع جواله يرسل لهم ان عندهم تفتيش لمخازن امير يقفل جواله ويرجع ينسدح ويحاول ينام بصعوبه بسبب تفكيرة بالأحلام حقته
______________
كانت لميس في مكتبها ودخلت عليها ممرضه ومعها شخص
اشرت له يجلس والممرضه طلعت
لميس : تفضل
اياد : انا عندي خيل وتعرض لكسر وتسوا له تجبير بس والدكتور يقول يقدر يمشي بس كل ماركبته يصرخ ويحاول ينزلني ومايوقف ثانيه الا ويطيح
لميس : امممم طيب اسمع تجيبه لي بكرة على المركز الخاص للخيول وبفحصه واقرر اذا يحتاج علاج او هذا امر طبيعي عند الاستقبال ملف عطهم هذي الورقه وعب البيانات
مدت له الورقه ووقف يطلع
اما لميس نزلت نقابها على الطاوله تفتح اللابتوب تكتب رساله للمركز يجهزون كل شي بكرة
_____________
كانو فريق الشرطه واقفين على بعد من امير الي عند المخازن حقته وفيه شاحنات داخله طالعه
وصل رعد ووراه اسر وهم لابسين سترهم الواقيه
ناظر توق الي كانت شاردة وتناظر امير الي شغله بدا ينكشف وحست ان نصرها قريب بس بنفس الوقت موت جابر خرب عليهم كل شي
هند : رعد جبنا الكلاب البوليسيه بس متأكدين ياخوفنا يكون كمين منهم
توليب : هند لاتنسين اننا مانسوي شي الا ودارسينه زين
اسر : خلاص امشو
ركبو السيارات يتوجهون لهم