روح تراني طايب النفس مابغاك حكم طغى ماعاد ينفع نظامه

بارت ١٩

كان سليم بمكتبه ومبتسم يناظر فيديو لتوليب وجابر لما تهاوشو قدام المطعم  وصورة لهم قبل سنتين فتح الجوال وكتب رقم اسر يرسلهم له وطلع الشريحه يكسرها
سليم : نشوف كيف بتحمي زوجتك اكثر من كذا وهي قاتلة 
_____
نزل اسر من غرفته وهو لابس بدلته
دخل المطبخ ياخذ كوب قهوته يشربه
طلع جواله لما حس بحركته بحيث فيه رساله وصلته كان رقم مجهول استغرب بس فتحه يناظر الفيديو وكان لجابر وتوليب وتحته صورة لهم ومكتوب
(( كيف بتحمي زوجتك من جريمتها وانا عندي دليل على علاقتها السابقه مع جابر قبل ماتقتله ))
كان مذهول من الي يقراه وبنفس الوقت نار حرقت قلبه هو للحين يذكر الفيديو لما جابر حاول يعتدي على توليب ومحروق منه والحين الصورة والرساله عن علاقتهم زادته غيره
خذ نفس يحاول يهدي نفسه ومن بعدها دخل على دردشته مع ماهر يرسل له رساله وسكر الجوال يحطه بجيبه وطلع لسيارته والغضب معميه
______
دخل رعد على توق وشافها منسدحه على السرير والواضح توها طالعه من الحمام من شعرها المبلول
رعد : نعيما
رفعت نظرها له ورجعت تنشف شعرها بالمنشفه : الله ينعم عليك ، وين كنت ؟
حط الاغراض الي معه وفتح الدولاب يطلع له شورت
رعد : جبت شوي اغراض ومددت الحجز وشوي شغل يعني
خلص كلامه ودخل الحمام
اما هي وقفت تاخذ عصاها تروح للتسريحه جلست تطلع المجفف تبدا تسوي شعرها رفعت نظرها له من سحب المجفف منها يبدا يمرره على شعرها ومركز بشغله اما هي مصدومه منه ومن حركاته ماتدري وش فيه مو قال انه بينتقم منها وبيعذبها ليش الحين يسوي العكس
حط المجفف يمسك المشط يبدا يمشط شعرها ولما خلص حط يده على كتوفها وناظرها عبر المرايه
رعد : يجي مني ؟
توق : يعني يجي ، مو قلت انا عذابك ليش قاعد تسوي العكس بتعاملك وش ناوي عليه
رعد : ابد مو ناوي على شي وش تفكرين فيه يعني
رفعت راسها له تناظرة بحيرة ماتقدر تفهمه
كان يناظرها بهدوئه المعتاد بدون مايقول شي وارتكزت نظراته على ثغرها
وابتسم يقول : تذكرين وش قلتي قبل مانطلع من المستشفى
توق : هاه وش قلت ماقلت شي
حاولت تنكر بس هو ناظرها بعدم تصديق
ينزل يسبب ذهولها من لاصق ثغره بثغرها يبادر لأول مرة يحس بشعور غريب معها يبي يجرب كل المشاعر الجديدة وهي معه
رفعت يده لصدرة العاري تغمض عيونها
بخجل وتوتر حست بعقد جوا بطنها من الي جالس يصير
بعد عنها ببطئ يناظر عيونها الي مغمضتها وانفاسها المبعثره وماينسمع بالغرفه الا صوت تسارع انفاسهم
حط يده تحت ركبها والثانيه على خصرها يحملها فتحت عيونها بصدمه منه ومن حركاته
توق : رعد وشفيكك
رعد : مافيني شي بننام
توق : طيب وش فايدة العصا حقتي
رعد وهو يحطها على السرير ينسدح جنبها : اختصار وقت والحين تصبحين على خير
انسدح وصار مقابل لوجهها يناظرون عيون بعض
توترت توق ولفت تعطيه ظهرها تغفى
_______
نزل من سيارته وهو معصب يدخل المركز وتحديدا مكتبها
رفعت عيونها تناظرة وهو جاي عندها ومسك يدها يقومها
اسر : قومي توليب بسرعه
توليب : وخر عمى شتبي
اسر : توليب ولا كلمة بسرعه امشي
توليب وهي تحاول تفك يدها : لا ماني جايه مو غصب
تنفس بغضب ينحني يحاوط رجولها يحملها على كتفه يمشي فيها غير مهتم بالباقين تحت صراخها المستمر وانه ينزلها جو ولاء ورغد على الاصوات وانذهلو من المنظر
توليب : رغد ولاء ساعدوني مجنون ذا ، اسر نزلني نزلني وش تسوي انت خلاص
اسر : تصرفاتك هي الي خلتني اسوي كذا
طلع ونزلها قدام السيارة يفتح الباب
اسر : اركبي
توليب : تحلم ماني راكبه
اسر : توليب لاتجننيني اركبي بسرعه
تكتفت تلف راسها للجهه الثانيه بدون ماترد
اسر : تحدي يعني ؟؟ طيب
توليب : ا... هيه وش تسوي نزلني
حملها اسر يركب مكانه وهي بحضنه وسكر الباب يأمنه
اسر : انتي الي مسببه كل ذي الحفلة يابنتي اركبي وانتي ساكته
توليب : مابي مابي بعدين كيف بتسوق
شغل السيارة يحرك من امام المركز وعيونه على الطريق : عادي مهيب صعبه انتي زي القطوة زي سكر لا وزن ولا حجم
توليب : وش ذا الكلام وخر
اسر : لا عاجبني مكانك
توليب : اسر خلاص بجلس ماني مسويه شي مو مرتاحه
ناظرها بطرف عين يوقف على اليمين يحرر خصرها من يدينه
اسر : ارجعي بكل هدوء ولا تحاولين تفتحين الباب فيه امان
تأففت توليب بملل ترجع مكانها تحط الحزام تتكتف بملل تناظر الطريق
توليب : اسر وين رايحين ؟؟
اسر بكل برود : نتزوج
لفت له بسرعه تناظرة بعيون متوسعه من الي قاله
توليب : ايش !!!
اسر : ايه كلمت ماهر وقالي بيفهم اهلك كل شي
توليب : على اي اساس تسوي كذا وش تبي
خذ جواله يفتح الفيديو والصورة يرميه بحضنها
اسر : شوفي
خذت الجوال تفتح الفيديو وتناظرة بذهول والصورة بعد رفعت نظرها له ورجفت يدها من الي شافته
اسر : كنتي تعرفينه من قبل زواجنا وماقلتي لي ليش ؟
توليب بهدوء : ماضي
اسر وهو يحاول يتمالك اعصابه: اي ماضي يا توليب ليش كذا تبين وضعنا يصير زي رعد وتوق ؟؟ ما استبعد ان رغد وولاء بعد مايعرفون شي واضح كلكم لكم ماضي معهم والحين يا انك تشرحين ولا بسوي شي مايعجبك
توليب : اسر مو مضطرة اقول شي  خلاص رجعني
اسر : طيب انتي الي تبين كذا
_____
مسحت ولاء دمعتها من الضحك على منظر توليب واسر قبل شوي
رغد : زي الافلام ليش ماصورناهم
ولاء : مدري مدرييي اهههخخخخ بس هههههههههههه  الحب افعال منجد
رغد : على طاري الحب شصار معك انتي ومعتصم !
وقفت ولاء ضحك تناظرها بأستغراب وكملت رغد : قصدي يعني ماكلمك ماقال شي ؟
ولاء : مافهمت وش بيقول يعني
رغد : مدري احس نظراته كأنه تقولين معجب يمكن هو الي مرسل الورد لك
ولاء : وع !! لا ان شاء الله بعدين تراه حق بنات مستحيل احبه لو ايش ماصار بكون كلبه اذا حبيته
ضحكت رغد عليها بصدمه من كلامها
رغد : ايه نشوف بعدين بالمستقبل
شمقت لها تمسك جوالها بعدم اهتمام

وقف اسر عند مزرعه ينزل وفتح الباب
اسر : انزلي
توليب : مابي
تنهد اسر بملل منها يحملها تحت مقاومتها دخل الصاله ينزلها بصعوبه
اسر : اسمعي توليب بعد شوي يدخلون عليك الكتاب وبتوقعين
توليب : مابي ، فوق كذا ماتقدر لازم ابوي يكون موجود
ابتسم بسخريه يأشر لها للباب الي جنبها
اسر : افتحيه وبتلقين ابوك واخوك
ناظرت الباب تمشي بخطوات سريعه تفتح الباب وشافت ماهر وابوها الي وقف من شافها يتقدم لها يسحبها لحضنه وهو مبتسم استغربت منه المفروض يعصب او يتفاجأ بس صدمها ماهر لما قال كلامه
غمز ماهر  لها بمعنى لما نكون لحالنا نتكلم وقال : يعني يا توليب صح قلتك تكلمينه عادي بس محددة كتب الكتاب اليوم ماتوقعتك جريئه
ناظرته بصدمه ممزوجة بغضب من كلامه وناظرت اسر الي يحاول يتجنب يطالع فيها
سامر : يعني انتي خلاص موافقه ؟!
نزلت توليب نظرها للأرض شافت فرحة ابوها حتى لما كلمها بموضوع الخطبه وخذت نفس عميق تزفره : ايه يبه موافقه
ابتسم ابوها يقبل راسها وطلعو من المجلس من سمعو صوت الشيخ وهو ينادي
اسر : خلك هنا
ناظرته توليب بحدة تصد عنه
سكر الباب اما هي جلست على الكنبه بصمت تسمح لدموعها تنزل ماكان ودها يرجعون لبعض بهذي الطريقه ولا ان ماضيها ينكشف كذا

جلس الشيخ وكان على يمينه سامر ويساره اسر : قوله زوجتك ابنتي توليب على سنه الله ورسوله
سامر : زوجتك ابنتي توليب على سنه الله ورسوله
ناظر الشيخ اسر : قوله قبلت الزواج بأبنتك
اسر : قبلت الزواج بأبنتك
الشيخ : الله يبارك لكم عطو البنت توقع
خذ ماهر الكتاب من يد الشيخ يدخل على توليب يشوفها تبكي
عقد حواجبه وجلس جنبها يمسك يدها
ماهر : وشفيها عيوني ؟
توليب : مافيه شي بس متوترة ، ماحبيت يكون كل شي بهذي الطريقه مدري
ماهر : ماودك بالزواج هذا مجبورة ؟؟
نفت توليب براسها : لا انا ابيه بس ماودي بالطريقه هذي انت فاهمني
ماهر فاهمك بس قالنا ان كل شي خارج عن ارادتكم والوضع ملخبط بس فترة والامور بتتصلح ويهدا الوضع بس افرحي بترجعين لوليف قلبك مو هذا الي تبينه !
ناظرته توليب بهدوء وحضنته بقوة اخوها وحبيبها سندها اكثر شخص يفهمها حتى يمكن اكثر من ميرال رغم قربهم من بعض
بعدت عنه تاخذ الكتاب ووقعت ترجعه له ابتسم يقبل جبهتها وطلعه للشيخ
__________
كانت العنود بالصاله وحولها فلك ولين ووعد
فلك : طيب انتي وافقتي يا فاغرة
العنود : وش اسوي يابنت حاولت بس ..
وعد : ماحاولت كذابه شوفوها الابتسامه بتشق وجهها
ابتسمت العنود تضحك : وش اسوي حسيت ان بنتي بفلم وفوق كذا يحبون بعض بس يكابرون يعني احسن شي يرجعون وبس
لين : هذي اغرب ام اشوفها يعني بالعادة فيه يعصبون ويرفضون ذي لا
ضحكت العنود على اشكالهم وناظرو الباب الي دخلو منه ميرال ونواف ورغد
يغيرون الموضوع

دخلت رغد غرفتها بعد ما سلمت تاخذ لها شاور وتطلع جلست قدام التسريحه تمشط شعرها وجدلته جلست على سريرها تطقطق على الجوال بس جاها اتصال من لميس ابتسمت ترد عليها
رغد : هلا يعيوني كيفك
لميس : الحمدلله وانتي
كملو سوالفهم الين ماكل وحدة نامت
____