روح تراني طايب النفس مابغاك حكم طغى ماعاد ينفع نظامه

البارت ٧

دخل رعد المركز وهو معصب من برودة اعصاب امير
رعد : الله ياخذ العدو كيف كذا كيف عرف بالمداهمه والمستشفى الي فيه بيلين
قليلين الي يعرفونه
توق : واضح انه فيه احد جوا يوصل له الاخبار
ناظرها رعد وبدت الشكوك تراوده من كلامها
توق : انت جبته صح ؟؟
رعد : ايه جبته بس الادله الي معك ماتكفي عشان نسجنه
وقفت توق تاخذ الملف تروح قدامه وبان فرق الطول بينهم : ماعليك المهم مانخليه يرتاح تعال
راحت لغرفة الاستجواب يلحقها رعد
دخلت تتقابل عيونها الي مليانه حقد مع عيونه الي تناظرها بشكل مستفز
سحبت الكرسي تجلس وكان بينهم الطاوله بحيت تكون قدامه جا رعد وسكر الباب يستند عليه
المحامي : موكلي عطاكم افادته ليش كل شوي منادينه
توق : استاذ امير بهذا الملف مكتوب ان بينار شرت بيت وانت الي اشتريته وكتبته بأسمها والاثاث بأسمها ابتسمت بسخريه تكمل : يعني خليتها تأثث عش حبكم ؟!
ابتسم امير يشبك يدينه على الطاوله يستند عليهم : ايه صح مستحيل انكر هذا شي
رعد : حلو يعني معترف ان كان بينكم شي خاص صح ؟؟
امير : انا شريت لها بيت عشان تدرس الطلاب فيه لأنها تعرضت لمضايقات في احد الدروس الخصوصيه وعشان كذا شريته وهي اثثته
توق : امممم يعني انت كريم وتحب الخير
امير : تقدرون تطلعون على سجلي وتقرون عني انا انسان احب الخير للناس واقدم منح دراسيه مجانيه وبنيت مدارس وجامعات للي ماعنده قدرة على الدفع وكل شهر اتبرع بمبلغ قدرة كبير للمحتاجين والايتام يعني بالمختصر اعمالي الخيريه كثير اذا ماتعرفون يعني بس استغرب كيف وصلتو لهذي المعلومات
قال كلامه يوجه نظراته على توق الي ناظرته بحده تقوم تطلع وهي معصبه
ناظر امير رعد الي كان معصب ويحاول مايبين شي : ممكن اطلع اذا مافيه شي ثاني ؟؟
رفع رعد حاجبه يشد على يده واشر له يطلع
طلع رعد وبعده امير ومحاميه
راح رعد عند توق الي واقفه على جنب ورجلها تهتز : وشفيك ؟؟
توق : مو شايف كيف كان يتكلم ويحاول يستفزنا وانا الغبيه كليت الطعم حقه
رعد : كيف لقيتي البيت ؟
خذت نفس تطلقه : احد حط لي بطاقه بسيارتي عنوان عقارات ومن هناك عرفت
رعد : وهو ليش يلعب معك ؟؟
ناظرته توق للحظات وقالت : يحاول يطلع قوته علينا ويستفزنا
جتهم هند الي استغربت من وجودهم كثير مع بعض ومدت ملف : الابرة الي لقيناها عليها دم بيلين
خذه يبتسم بنصر : هذا شي يثبت ان بيلين كانت هناك وجابر من يومها مختفي يعني نضغط على امير اكثر؟؟
هند : كيف يعني توه كان هنا وماطلع عليه شي
كانت تتكلم وموجهه نظرات السخريه على توق الي شوي وتقوم تنتف شعرها
رعد : بس اذا عن اخوه مب رافض طلب روحي سلميه للفريق اول ويعطينا الامر وش نسوي
هزت راسها تاخذه اما توق راحت لسيارتها بتتوجه للبيت
وقفتها توليب تسألها : توق انتي الحين صدق رميتي الجوال صح محد لاقيه ؟؟
توق وهي تتذكر وش سوت بالجوال وهزت راسها : ايه تطمني محد بيلقاه
توليب : مدري كيف اقولها بس شكرا
ابتسمت لها توق تروح للسيارة تتوجه للبيت
اما توليب دخلت غرفة المراقبه وشافت وائل فيها ولاحظت اللابتوب حق جابر
توليب : وائل رجعت للحميه ما رحت تتغدا
وائل : لا مارجعت بس يعني ما اشتهيت
توليب : اها طيب هذا اللابتوب الي جبناه من بيت جابر صح ؟
وائل : ايه صح
توليب : فحصتوه ؟
وائل : لسا بس اللقيت نظرة سريعه عليه ورجعت كل شي محذوف
توليب : تمام خلاص بفحصه ارتاح انت
هز راسه لها يكمل شغله
فتحته تجلس وطلعت صورته والي كانت خلفيه كشرت بقرف تدخل ملف الصور حقه وبدت تدور شافت كل الصور ومالقت صورها الي تكلم عنها ناظرت وائل بطرف عين تشوف وماكان مركز معها
قربت من الشاشه اكثر تبدا تركز بزيادة وتدور بالملفات عن الصور
تأففت لما خلصت ومالقت شي
توليب : وائل الحين هذي كل الصور صح ؟
وائل : ايه صح هذي كلها
توليب : تمام يعطيك العافيه
قامت تطلع وهي تتنفس بقوة : وش الصور حقتي يا حقير
طلعت تروح البيت ومقررة وش بتسوي الليله
________________
نزلت توق من سيارتها للممشى الي طلب رعد منها تجي له
جلست بالكرسي وهو كان واقف
توق : ليش طلبت اجي ؟!
رعد بهدوء : ملف بينار تقفل
خذت نفسها تبتسم بسخريه
رعد : توقعت ردة فعل اقوى
توق : ماعاد فيني قوة عشان اهاوش او انفعل بس يمديك تقول اني توقعت كذا
الشر انتصر مرة ثانيه
سكتو بدون مايقولون شي ورفعت نظرها له وكان يطالعها ابتسمت لما طرت ذكريات طفولتهم ببالها
توق : انا مو مجنونه والله بس الناس الي تنقض وعودها وتسوي الغلط يوصلوني للمرحله ذي صدقني ومو من مزاجي اصير كذا  هم الي يخلوني اوصل للمرحله ذي
ابتسم رعد من كلامها وقدر يفهم شخصيتها زين
وقفت توق تروح للبيت اما رعد جلس مكانه
دخلت توق غرفتها شالت طرحتها ونقابها
بدون ماتشيل العبايه او تبدل انسدحت على السرير تطالع فوق وتفكر
طرت ببالها فكرة ووقفت تلبس وخذت سلاحها تروح للسيارة
___________
طلعت توليب من الغرفه وهي لابسه لبس واسع ولابسه طرحتها وكمامه
سكرت باب الشارع بهدوء تروح للسيارة حقتها تتوجه لبيت امير وهي مقررة تسلل وتشوف اذا كلام جابر صح او غلط
شهقت بخوف لما انطقت دريشه السيارة رفعت راسها تشوف اسر الي كان مراقبها من دريشة غرفته اشر لها تنزل وهي اكتفت تفتح الدريشه
توليب : وش تبي انت اعتقني مليت منك
اسر : بتجاهل كل الي قلتيه بس على وين بهذا الوقت ؟؟
توليب : مالك شغل وين اروح ووين اجي
سكرت الدريشه تشغل السيارة وتبعد عنه
اسر : الله ياخذ العدو راسها يابس
_____________
وصلت توق للبيت حق بينار وشافت الباب مفتوح نصه وقفت تسحب سلاحها وتوجهه دخلت بهدوء وهي تترقب اي شي بيجيها وصلت للصاله وكان على التلفزيون فيديو لها يوم طلع صاحب الدباب بوجهها وكان كاميرته تصور
قلبت تعابيرها من تحت النقاب للسخريه
توق : اطلع بسرعه
انفتحت الانوار وطلع امير الي كان واقف جنب الدريشه الكبيرة لف لها ووجهت سلاحها بوجهه
امير : اهلين فيك توق
توق : وش نيتك بالضبط من الي تسويه انطق