روح تراني طايب النفس مابغاك حكم طغى ماعاد ينفع نظامه

البارت ٦

كانت بتروح لميدان السباقات بس توسعت عيونها ووقفت بسرعه من طلع لها شخص راكب دراجه وطاح
نزلت بسرعه له خوفا من انها صدمته
توق : اخوي انت بخير ؟؟
الشخص : ايه ايه انا اسف طلعت بوجهك كذا معليش
توق : متأكد مو محتاج مستشفى ولا شي ؟؟
هز راسه بالنفي وبهذي الاثناء طلع شخص ثاني يركض ومر من جنب سيارة توق يحط ورقه وراح ولما شافه صاحب الدراجه سوا نفس شي وراح
رجعت توق سيارتها وهي تربط الحزام لاحظت الورقه وكانت عبارة عن اسم مكتب عقارات وتحته اسم بينار عقدت حواجبها
توق : بينار ؟! شدخل !!
شغلت سيارتها تروح للمكتب العقاري تشوفه

وصلت تشوفه مسكر
توق : لوسمحت هذا متى يفتح ؟!
ناظر الولد المكتب ورجع يطالعها : هذا مايفتح الحين واحيانا مايفتح او انه راح يوري زباين بيت
توق : طيب مافيه فرع ثاني له ؟!
هز راسه بالنفي تشكره وراحت للمركز
__________________________
دخل رعد قسمهم وشاف كل واحد بالمكتب حقه
( طريقه مكاتبهم كل ثلاثه جنب بعض والثلاثه الثانيين قدامهم وبالنص بابين واحد حق رعد والثاني اسر )
رعد : هند امشي ورانا شغل
ناظرته هند تهز راسها وتقوم معه
جت توليب ومعها ملف عن هاشمت مثل ماطلبو
توليب : وينه رعد ؟
عادل : طلع مع هند عندهم شغل
توليب : طيب ذا الملف مين نعطيه الحين ؟؟ الفريق اول عمر
عادل : لا عطيه لواء اسر
رمشت اكثر من مرة ومدته له : انت عطه
عادل : توليب عطيه انتي انا بروح
توليب : عادل اصبر ... وشذا يركض كأنه واحد يلاحقه
ناظرت مكتب اسر ثواني تاخذ نفس وتطق الباب وصلها صوته يسمح لها تدخل
مسكت مقبض الباب بتوتر ورجفه تفتحه ببطء شافته منزل راسه على الملفات الي على الطاوله
توليب مدت له الملف بهدوء : لواء هذا الملف الي طلبتوه
رفع راسه لها وناظرها وده يقوم ويحضنها يدخلها جوات صدرة ومحد يقدر يشوفها غيره وتكون معه زي اول ويعبر لها عن حبه شد على كف يده وقال
اسر : يعطيك العافيه
خذ الملف منها وفتحه بدا يراجعه يعقد حواجبه : هذا ملف ابو زوجة امير صح ؟!
توليب : ايه !!
اسر : ماتلاحظين انه ماله حس ابدا
توليب : اممم كيف يعني
اسر : المقصد انه ماطلع للساحه للحين وبنته وزوجها متورطين بقضيه يعني شخص مثله ممكن يسوي اي شي عشان بنته مو كلامي صح ؟؟
هزت توليب راسها توافقه الرأي وقبل ماتتكلم انفتح الباب بدون طق ودخلت منه امل الي طرحتها على راسها بشكل مهمل وعبايتها البنفسجيه وهي مبتسمه
امل : سبرايز
وقفت بصدمه تناظر توليب الي بالغرفه وعرفتها تقدمت بعصبيه منها تمسكها بقوة : خير وش تسوين جايه تغرينه عشان يرجعك
وقف اسر يبعدها عنها بس توليب رفعت يدها تبعد امل عنها وقالت بسخريه: اطلبي الله بس وش ابي فيه يرجعني مو خذك خلاص يعني ولا خايفه تجي وحدة تاخذه منك زي ماسويتي
لاحظت ابتسامتها من تحت النقاب وكانت بترفع يدها بس مسكها اسر بقوة وعيونه تطلع شرار توليب بالنسبه له لحد هذي اللحظه خط احمر : اطلعي برا
امل : اسر ماشفتها وش تق
صرخ اسر : ارجعي البيت لا اشوفك هنا مرة ثانيه
مسكتها توليب بقوة وشددت على كل كلمه تقولها : ماجابته امه الي يرفع يده علي وانا بنت ابوي سامعه
تركتها بقوة تطلع من المكتب تروح الحمام شالت نقابها وطرحتها تحاول ترتب انفاسها من الغضب غمضت عيونه تاخذ نفس اخير فتحت المويه تغسل وجهها
_____________
كانو رعد وهند قدام مبنى الي عطتهم رغد واحتمال وجود الطبيب الشرعي فيه كبير
ضيق عيونه يناظر دريشه ستايرها شيفون ثقيل شوي ولاحظ وجود شخص بيده شي
كان هذا الشخص قاتل من طرف هاشمت عشان يقتل الطبيب قبل مايعرفون عن تزوير التقرير
وقف على جنب يرفع يده قدام هند وقالها : شوي شوي انتبهي
ابتسمت من حمايته لها
اما هو كان كل تركيزه على الشخص الي موجه سلاحه على الدريشه وتعمد يقول بصوت عالي
رعد : هند بنرجع خلاص روحي للسيارة
غمز وهي فهمته ترجع للسياره اما هو مثل انه راح وتوزا ورا الباب وسمعه يقول : جب اغراضك بسرعه بنروح
هز الطبيب راسه يروح للغرفه الثانيه يفتح الدريشه وركض يطلع شافه الرجال حق هاشمت يلحقه وبهذي الاثناء طلع رعد ورا الطبيب يلحقه طلق طلقه يوقفه ولما شاف ان رعد وراه كان بيكمل ركض بس سمع صوت تصفير وطلع من بعده انس مع كم شخص
ابتسم رعد ورفع يده يسلم على انس والي تعرف عليه بالثانويه وتكررت لقأتهم وعرف انه حارس توليب
رعد : الحين تعال هنا القسم الي اقسمته وقت التخرج ماحرك شي فيك ؟؟
كيف تسوي كذا وتغدر بالمهنه وترضا بالظلم
انس : مافيه شعره بتتحرك فيه عطه الزبدة
كان رعد بيتكلم بس قاطعهم طلق نار عشوائي بعدو يتوزون كان الطبيب بياخذ الفرصه وينحاش بس انقتل ينحاش القاتل بعد ماخلص عليه كلم رعد فرقة وعطاهم مواصفاته يمسكونه  وراح للطبيب وشاف قده ميت
رعد : يلعنهم
انس : وش بتسوي الحين !؟
رعد : مدري يا انس مدري بس الحين لازم اروح المستشفى عند بيلين يا خوفي لقوها
هز راسه انس يركب السيارة معه يروحون للمستشفى
رفع رعد جواله واتصل على توليب : توليب روحي انتي وتوق للمستشفى عند بيلين فورا
_________________
كانت توليب وتوق الي رجعت للمركز وراحت معها  عند بيلين بالمستشفى ويناظرونها الاجهزه متصله بجسمها وراسها عليه شاش وحالتها صعبه
توليب بهدوء : تتوقعين شافتني ؟!
توق : اقصري حسك مابي اسمع شي
ما اتوقع شافتك
توليب : اوففف يا توق اووففف وش صار فينا
توق : توليب اطلعي ارتاحي وانا بقعد
توليب لبست نقابها تاخذ شنطتها : اصلا ابيها من ربي ماحب المستشفيات
طلعت تسكر الباب وشافت رعد وانس الي ما استغربت وجودة معه بحكم معرفتها المسبقه بصداقتهم
انس : توليب على وين ؟؟
توليب : برجع البيت برتاح
انس : جيتي مع مين ؟؟
توليب : سيارتي
انس : طيب امشي وراك انا
توليب : انس قول انك تمزح محسسني اني ملاحقه
سحب انس شنطتها من الطرف يمسكها ولف يروح : لاتنسين اني حارسك ولازم اكون مصدر امانك وراي يالله
ناظرت رعد بعدم تصديق وراحت وراه
ابتسم رعد على حركاتهم وشاف من الدريشه حقت الممر سيارة امير
خذ نفس ينزل واشر لهند الي بالسيارة تجيه
كان امير يناظر المستشفى بكل برود وعرف ان بيلين هنا وجالس يفكر كيف يتخلصون منها
سليم : وش الحل كيف بندخل
عماد : جاسو
قطع عليهم رعد الي طق الدريشه وهو مبتسم واشر على امير ينزل
ابتسم امير بسخريه ينزل له
رعد : استاذ امير صايرين نتقابل كثير وش السالفه ؟؟
امير : شفت بس الدنيا صغيرة
رعد : شعندك هنا ؟!
امير بثقه : عندي قريب لي جيت ازوره
رعد اممم صدق ماتوقعت لهذي الدرجة قلبك طيب
امير : يمديك تقول علاقاتي قويه مع كل الناس ... مبين انك رجال طيب ومرح لازم نلتقي كثير
لف بيروح بس وقفه صوت رعد : امير لا اشوفك حول المستشفى ذا ابدا
ابتسم امير بسخريه يرجع له وقال : لاتحاول تهددني يا حضرة الرائد وتستقوي علي بالشارة الي معك لأن انا ما اتهدد
حط رعد يده على كتف امير : نشوف
راح جوا للمستشفى اما امير ركب سيارته ولف على مساعدة الشخصي وسواقه عاكف : عاكف امش ، وشفيك ماتسمع
عاكف : اخوي انا شفت نضال توه داخل
سليم : نضال وش جابه ؟؟
نزل امير بسرعه ووراه عاكف وسليم وعماد
ناظرو ولقو بكل جهه واحد من رجال هاشمت
مسك امير ياقه عاكف وهو معصب : ليش رجاله هنا توق موجودة بالمستشفى ؟؟
عاكف : ما ادري يا اخوي بس يمكن