روح تراني طايب النفس مابغاك حكم طغى ماعاد ينفع نظامه

البارت الاول

الشرقيه تحديدا ~ الخبر ~

كانت مربوطه على كرسي ومنزله راسها
وقف قدامها شخص
ورش سطل المويه عليها
ابتسمت بسخريه ترفع راسها يرجع شعرها على ورا وتبين ملامحها الجميله والحادة
ضحك الشخص الي رش عليها المويه : صباح الخير اسفين اذا ازعجناك يا حضرة الاميرة بس المدير يبي يشوفك
رفعت حاجبها بسخريه تناظر الباب الي انفتح ودخل منه شايب لابس بدلة وجنبه رجالين
الشخص الاول : هذهي مارضت تتكلم الا لما تجي انت
ناظرها الشايب : وين بضاعتي تكلمي
توق بسخريه : انت الذيب الكبير او الشايب صح ؟
ضحكو كلهم بسخريه يمسك شعرها من ورا بقوة وقال بعصبيه : وين بضاعتي كلامي واضح كشرت توق بألم وكملت : تعرف وش يسوون الكلاب بالذيب لما يشيب خلاص
ناظرو بعض اما هي  ابتسمت لما انفكت عقدة الحبل المربوطه فيه وقامت بسرعه ترفع الكرسي تضربه فيه
توق بصوت شبه عالي : يصيرون الكلابه يتمسخرون عليه
مسك الشايب راسه بألم ولف على رجاله : وجع اذبحوها
طلعو مسدساتهم بس مالحقو الا والشرطه داهمتهم وهم يصرخون : لاتتحركون شرطه نزل سلاحك بسرعه
كتفوهم وقال واحد من الرجال : يلعنها طلعت شرطيه
ابتسمت توق بسخريتها المعتادة تلوح له بيدها
دخلو سلطان وحمد واحمد وراه
سلطان وقف قدامه عاقد حواجبه من الي تسويه : توق من جدك ليش ما استنيتينا
توق وهي ترفع شعرها المبلل وتاخذ عبايتها من حمد : كنت بستناكم لو مالمس شعري
احمد وهو يمثل القرف : وييعع روحي تروشي كابين عليك موية مجاري
ناظرته توق بصدمه : ايش .. طيب تعال تعال
ركضت وراه وهو يجري بسرعه
توق : تعال نشوف موية المجاري احمدد
حمد حط يده على راسه بأسى منهم : مايتغيرون ابد ولا كأن وحدة عمرها ٢٥ والثاني ٢٤
سلطان ناظرهم يصارخ : انت وياها امشو نرجع البيت خلاص
_______________
الرياض في واحد من البيوت الفخمه
يقام فيها حفلة كبيرة
تقدمت زوجة صاحب البيت لينا وهي ماشيه بثقه وترحب بالمعازيم
بدت تناظر وشافت اخوان زوجها ابتسمت بسخريه لأنها لا هي ولا هم يطيقون بعض
وقفت امل جنبهم تهمس : عماد انت واخوانك لو اشوفكم مسوين مشكله ماتسلمون مني سمعتو
سمعها جابر : اقول لاتهددين حتى اخوي مهوب مسوي شي وكالعادة بتقولين بعلم ابوي دزي امها بس
كانت بترد بس قاطعها سليم : ممكن تروحين تشوفين ضيوفك
غمضت عيونها تضرب الارض برجلها وهي مقهورة ودخلت جوا تشتكي لزوجها امير
بس وقفت ورا الباب تسمع حوارة مع معلمة بنته وولد اخوه سليم
امير : افهمي ماتقدرين تتركين وتروحين لاتنسين الاتفاق
بينار : يا استاذ امير افهم مقدر اكمل خلاص وعد مني انساكم وانسا كل شي
كانت بتروح ومسكها من يدها بقوة يلفها له : اسمعيني زين يا تطلعين ميته او تقعدين طول عمرك معنا وتعيشين
دفته بقوة تطلع من الباب الثاني
وبعدها دخلت لينا
لينا وهي ترجف من العصبيه : امير وش بينك وبينها تكلم تخوني ؟
امير : وش تقولين انتي انقلعي عني بس لا اتوطى فيك كل المصايب من تحت راسك
لينا : لاتتكلم معي كذا ولا ابوي يتفاهم معك
امير مسك وجهها بقوة يضغط عليه : تراك طفشتيني بهوسك هذا وغيرتك اتركيني بحالي زواجي منك كان بغير رغبة مني وتراك معي بس عشان بنتي
تركها بقوة تطيح على الكنبه وطلع