روح تراني طايب النفس مابغاك حكم طغى ماعاد ينفع نظامه

البارت ٢٤

عدلت جلستها بذهول من الي قالته امها
ولاء : مين ذا الي خطب يمه
لين : زميل لك بالشغل
ولاء : مايحتاج اقولها لك صح ، عارفين اجابتي
تنهدت لين بتعب من بنتها وجلست قدامها تمسك يدها
لين : يابنتي انا ابي اشوفك عروس وازفك واشوف عيالك ابيك مثل ماكنتي فرحتنا الاولى انا وابوك تصيرين فرحتنا الثانيه لما تتزوجين ، قوليلي سبب رفضك للي يتقدمون لك
نزلت ولاء نظرها ليدها تلعب بأصابعها ونطقت بهدوء : مين هو ؟؟
ابتسمت لين تمسح على راسها : معتصم تعرفينه ؟
ارتفعت حواجبها بذهول من الي سمعته
ولاء : معتصم معتصم الدكتور حقنا !!
هزت لين راسها تأكد الي لقطته اذنها
ولاء كانت بتتكلم وترفض بس قاطعتها لين : فكري وقوليلي ردك اسبوع اسبوعين شهر فكري مثل ماتبين
قامت تطلع وخلت ولاء لحالها تفكر ليش ومتى وكيف
فتحت درجها تطلع الكروت الي جت مع الورود وتناظرهم

نزلت من سيارتها لما سمعت اصوات السيارات الجايه
سكرت الباب توقف قدامه تتكتف
ناظرت هاشمت الي نزل يوقف قدامها
هاشمت : وش الي مخليك تتصلين علي بالوقت هذا
توق ببرود : انا صحيت اخيرا من غفلتي وعرفت كل شي حولي ، انحل اللغز
ضيق عيونه هاشمت وتقدم خطوة وحدة منها : وش تقصدين ؟؟
توق : الي قتلت بينار بنتك صح ، لينا الي قتلتها
انذهلو كل رجاله وهو اولهم صرخ من رفعو اسلحتهم يوجهونها على توق
هاشمت : نزلوها نزلوها لاتتصرفون من نفسكم ، كيف تقولين كذا وماعندك دليل ماتقدرين تثبتين اي شي
ابتسمت توق ورجعت تستند على باب سيارتها ترفع نظرها للسماء
توق : صح مقدر اثبت هذا شي بس الحقيقه مستحيل تقعد غامضه ، الرجال الكبير الي مايتعدا حدود مزرعته وقصره ليش طلع للعلن ودخل بنته بهذي السالفه ليش يبي يحمي زوج بنته وبينهم عداوة وكل واحد مستغل الثاني واذا مات اي طرف منكم بيكون الطرف الاخر مستفيد صح ؟؟
هاشمت : ماعندك دليل ، بس الواضح انك بتتأمرين على بنتي عشان تاخذين حبيبك منها ومتوقعه اني اسمح لك ؟؟
نزلت نظرها له تناظرة بحدة تشد على يدها
توق : طيب لو عندي ادله ؟؟
ابتسمت هاشمت وعطاها ظهره يروح
اما هي من استفزازة لها لفت وضربت طبلون السيارة
توق : الله لايوفقكم
فتحت الباب تركب وخذت نفس تهدي فيه نفسها تتوجه للقصر
____
فتحت رغد عيونها على صوت دق الباب المتكرر وقفت تتوجه ونص عيونها مسكرة
فتحت الباب تدعك عيونها عشان تصحصح وشافت العامله معها كيس
رغد : هذا ايش ؟
العامله : مايعرف مندوب يقول حق انتي
خذت الكيس منها وسكرت الباب تجلس على الكرسي حقها تبدا تفتحه شافت علبه باللون الاحمر ووردة بنفس اللون
عقدت حواجبها تاخذ العلبه وفتحتها
شافت جوالها الي له فترة ضايع وخلالها كانت تستعمل جوالها القديم وفيه كرت تحته مكتوب عليه << وصلت الامانه >>
ناظرت التوقيع وكان بأسم صالح
رغد : يعني الجوال كان معك يا مقرود ، وش اسوي فيك
فتحت الجوال وشاف رسالة من الجاسوس حقها وكان مصور هند مع شخص كبرت الصورة على وجه الي معها بس ماقدرت تتعرف عليه
رغد : وانتي يا هند شمسويه بعد