روح تراني طايب النفس مابغاك حكم طغى ماعاد ينفع نظامه

البارت ٢٩

دخلت تغريد على حوريه وخلتها تفز من نومتها
حوريه : وش تبين من صباح الله خير ؟
تغريد : اول شي الحين الظهر ثاني شي قومي تجهزي فيه ضيوف بيجون
تثاوبت حوريه تخلخل اصابعها بشعرها تتثاوب : مين ذولي بعد يا تغريد ابي انام
فتحت تغريد الدولاب وطلعت فستان
حطته على السرير ترفع كتفيها بعدم معرفه : مدري بس امي قالت ضيوف ونتجهز وايه قبل ما انسى المغرب تكونين تحت تستقبلينهم معنا
طلعت بدون ماتسمع ردها تتركها تستوعب كل شي تدخل الحمام تاخذ لها دش
__
ركبت توليب جنب توق السيارة يحركون لبيت امير
توليب : ماقالك ليش بنروح ؟
توق : مدري اتصل علي قال وينك روحي انتي وتوليب جيبو امير وتعالو بس
تنهدت توليب تناظر الدريشه بملل : ما احب ذاك البيت ابدا
توق : ما الومك كلهم مجانين واولهم لينا
توليب بأستغراب : ليش وشفيها ؟
توق : مافيها شي بس قلت كذا
ناظرتها توليب بشك خلتها تزفر انفاسها توقف على اليمين
توق : طيب بقولك ، انا قابلت هاشمت
توليب : وش الي خلاك تقابلينه ، رعد يدري
توق : لا مايدري وبيقعد الوضع كذا الين اعلمه بنفسي
توليب : طيب ليش قابلتي ذا الشايب ؟
تأففت توق تبدا تقولها كل شي
كانت توليب منذهله من كلامها
توليب : طيب كيف نثبت انها هي القاتله ؟
توق : مدري يا توليب مدري ، نروح نجيب امير ونوديه المركز

كان امير جوا بالمزرعه حقت بيته مع عاكف وسليم وعماد وقدامهم المحامي وامير معصب منه
امير : يعني انا ادفع لكم بالأخير كذا ، عطيتكم مهلة ثلاث ايام ولا قدرتو تلقونه
وانت يا حضرة المحامي كم مرة اقولك قضية جابر حقت التحرش سو اي شي عشان تنكرها زوج المصيبه توليب كان مهتم كثير بملف جابر اكثر من ملفي
لازم نلقا جابر قبل هاشمت
سليم : اخوي طيب افرض ان جابر مات ؟
حولو انظارهم الكل عليه يرفع حاجبه يأكد الي سمعو
عماد : كيف يعني ليش افترضت كذا ؟
سليم : لازم نتكلم من هذي الناحيه كان جابر يلاحق توليب ان مالاحظتو
سكتو كلهم يفكرون بالفرضية الي قالها

وقفت سيارتها تنزل وهي مبتسمه يناظرونها الحراس يهمس عاكف : ايوه كملت معنا الحين
توق : وش اسوي يا جماعه ماتعرفون قد ايش اشتاق لكم لازم اشوفكم كل يوم
دخلت جوا المزرعه تشوفهم قدامها يناظرونها
امير : واضح ماتشبعين من شوفتي
توق : للأسف لا ، كنا انا وزملائي بالمركز نشرب قهوة وتذكرنا اننا ماقهويناك
وجيت بنفسي اعزمك
ابتسم امير يناظر حوله يرجع يناظرها : فيه كافيهات كثير حولنا ماله داعي تتعنين نروح هناك وتقومين بالواجب
توق : بس قهوتنا حلوة ، تفضل معي
مشت توق يروح امير والباقين وراها
نزلت توليب تفتح باب سيارة الشرطه الي جت معهم : استاذ امير اركب هذي السيارة
المحامي : ليش وش السبب ؟؟
امير : خلاص مافيه مشكله نشوف الين بعدين نهاية ذي السالفه
راح امير للسيارة بيركب بس وقف من شاف كريم جاي يركض وينادي اسمه
حضنه بقوة وصدت توليب خوفا من انه يشوف عيونها ويعرفها
كريم : عمي ليش بياخذونك ؟
امير : ماعليك حبيبي ادخلو جوا وانا شوي واجي عندي شغل مع الشرطه
لينا : امير ايش فيه ؟
امير : مافيه شي ادخلو للبيت ، توق تعالي بنتي
وقفت توق مكانها تلف للبنت الصغيرة تسمعه يرجع يكرر : توق تعالي
انذهلت هي وتوليب من الي قاله يشوفون البنت الصغيرة او توق تتقدم وتحضن ابوها تبكي وهو يهديها مسكت يد كريم يدخلون ورجع امير يركب السيارة يتوجهون للمركز
توليب : توق !!
توق : ك كي ف هه هي نفس اسمي
ناظرت توق لينا الي مسكت يدها بقوة تضغط عليها : انتي انتي هي صح
توق : شتهبدين انتي  وخري !!!
لينا : انتي ليش ملاحقه زوجي وش تبين بالضبط منه
مسكت توق يدها تبعدها بغضب تتكلم بغضب : زوجك متهم بجريمة قتل يا مدام لازم ناخذ والحين تفضلي داخل بيتك عشان ما اخذك معه للمركز
بعدتها توق تركب السيارة وجنبها توليب يحركون للمركز
____
مسكت ولاء الجوال الي انفجر اتصالات
ردت تتكلم من بين اسنانها : نعم نعم ترا شركة الاتصالات ماعندهم شغل غيرك يراقبون رصيدك
معتصم : مدامي ادفع لهم مايقولون شي
اكلم زوجتي مالهم اي دخل
كشرت ولاء بملامحها تبعد الجوال عن اذنها تكش عليه : مالت عليك يا الاجرب
ضحك معتصم بذهول يأشر على نفسه : انا اجرب ؟
ولاء هزت راسها مدعيه انها تشوفه : ايه مين غيرك
معتصم : حرام عليك كل ذا الحلاوة وتقولين كذا
ولاء : ماخذ مقلب بنفسك وش كنت تبي ؟؟
معتصم : ابوك يقول وافقتي على الزواج صدق ؟
ولاء : اجل ابوي يمزح اكيد وافقت ، مستحيل يسوي شي من وراي بس الله يعينك بوريك نجوم الليل بعز الظهريه وانت توك راجع من الدوام
كان بيرد عليها بس قاطعته من سكرت الخط بوجهه
معتصم : وقحه مع كذا انجذب لك

دخلو توليب وتوق للمركز يتوجهون لغرفة الاستجواب
رعد : وين وين رايحين !!
توليب : وش  يعني بندخل الاستجواب
اسر : لا يا توليب مافيه اجلسو راقبو
توق : ليش طيب ماتقولون لنا الي صاير
ادم ببرود : كل شي بوقته حلو يا حضرة الضابط رعد اسر تفضلو
دخلو رعد واسر الغرفة يوقفون قدام الطاوله
المحامي : موكلي عطاكم كل اقواله ليش تستدعونه مرة ثانيه
اسر : مو كذا بس جايبينه بخصوص اخوه جابر
امير : وش فيه اخوي لقيتوه ؟
رعد : ايه لقيناه بس ،،، لقيناه ميت قدام المزرعه
سكت يناظرهم بصمت
تبادلو توليب وتوق وباقي البنات نظرات التوتر ونظرات الشك
رغد بهمس وهي تشوف انعكاس ادم من المرايه : انكشفنا بنات وصلنا للحلقه الاخيرة

انتهى ~~~
(( لا استبيح القرائه بدون نجمة ))
مثل ماشفتو بالبارت الي قبل
وبكمل الي يعده ممكن الصباح
الأخطاء الاملائية من كثر النوم مقدر افتح عيوني