روح تراني طايب النفس مابغاك حكم طغى ماعاد ينفع نظامه

البارت ٢٨

ناظر زياد خالد مدة طويله وتنهد تنهيدة طويله يهز راسه
زياد : طيب بشوف رايها ، بنتي اهم من الشغل خل ذا شي مايفارق سمعك ابدا
خالد ابتسم وطلع من المكتب يترك زياد يفكر

دخلت توق غرفة الاجتماع تجلس مكانها ووراها ولاء جلست قدامها
توق تجاهلت كل نظرات رعد وبس عيونها وتركيزها على هند
صفق اسر مرتين يلفت انتباههم
وتكلم ادم الي انضم لهم قبل فترة بشكل رسمي
ادم : مثل ماتعرفون التقرير الجديد اثبت كل الي نبيه ، بينار وامير بينهم علاقة والواضح انها سريه بس باقي نخليه يعترف
اما جابر الدوريات لقو جثته
توجهت انظار البنات له بخوف
تنطق رغد بنبرة فيها خوف بس حاولت توزنها : طيب كيف يعني وين لقوها ومين قتله ؟
ادم : ماندري للحين مين قتله بس بنرسلها للطب الشرعي ، لقوها
قدام باب المزرعه حقته
عقدت توق حواجبها تتبادل النظرات مع البنات ورجعت نظرها على ادم تنطق : كم مرة رحنا المزرعه ومالقينا شي !
هز ادم راسه بعدم معرفه
توليب : طيب ايش هو المطلوب ؟
اسر : للحين ماقررنا وش بنسوي بس لازم نعلم امير بأسرع وقت وننتبه من انه يسبب لنا مشاكل
كانو الكل مركزين بكلامه الا ولاء الي شردت لثواني تفكر كيف لقو جابر وليش انحط عند باب المزرعه هل كانو مراقبين ؟ او احد يدري بالجريمه
افكار كثير داهمتها لدرجة اغلب كلامهم ماسمعته
___
رفع هاشمت راسه للباب الي انفتح ودخلو منه امير وسليم وعاكف
هاشمت : كيف تدخل كذا يا امير
امير : يلا يا استاذ ابي اخوي ، جابر وينه
عطيتك مهله وسويت الي تبيه خليت جاسوستي تقتل نضال وسوتها والحين جا دورك
هاشمت : امير جابر مالقيته وحتى لو لقيته بحط رصاصه براسه وامشي متوقع بعطيك
وهو حي ، بندمك على تهديدك لبنتي وتوديتها للمركز
امير : انا خاطرت بحياتي عشان بنتك وسويت كل شي بس صدقني هذا المرة ان صار شي ولعبتو من وراي ماني متردد لو ثانيه وحدة اني اسلمها للشرطه
هاشمت : قد تهديداتك ذي ؟
امير : قدها وزيادة
نزل نظرة هاشمت لثواني يرجع يرفعه وقال بقلة حيله : طيب طيب
سليم بهمس لعاكف : مسرع اقتنع
عاكف : يمكن فيه خدعه بالموضوع

___
طلع رعد لمكتب جراح يشوف الباب مفتوح شوي وقف بيطق ويدخل بس شاف جراح معصب ويدور حول المكتب
وفلك قاعدة تبكي وسمع جراح يتكلم
جراح : فلك خلاص لاتبكين توق بنتك وهذا الي يعرفه الكل
فلك وهي تبكي : جراح ماسمعت وش قال عمي شيماء ارسلت من السجن رساله لتوق وكاتبه فيها كل شي  ، وياليتها كاتبه صح محرفه من عندها اشياء
تبي توق تكرهنا مابي اخسر بنتي يا جراح تكفى ، لو درت اني مو امها وطول ذي السنين مخبيه عنها الحقيقه مليون شي براسي وش بتسوي
لفو للباب الي انفتح وكان رعد المذهول واقف مايحتاج يسألونه من متى انت هنا واذا سمعت شي ملامحه تعطيكم الاجابه
جراح : رعد ان ...
سكر رعد الباب يستند عليه وتكتف : قولي كل شي من طقطق للسلام عليكم 
ناظرو فلك وجراح بعضهم بحيرة هل يقولون له او لا ، هزت فلك راسها له بمعنى تكلم
تنهد جراح وجلس على الكرسي يغطي عيونه بيده : القصه لها زمن طويل
توق بنتي صح بس امها مو فلك ، اسمها شيماء وهي مسجونه
بدا جراح يسرد ماضي توق من صغرها والي هي ماتعرف عنه شي بس الي تعرفه ذكرياتها مع فلك والي لهذا اليوم تعتقد انها امها الحقيقه
كان رعد يسمع كل شي بصمت بدون اي تعابير او ردة فعل
___
دخل اسر الجناح حقهم
يشوف توليب الي متربعه على الارض وتصور قطوتها سكر قاعدة تلاعبها
ابتسم من منظرها يسكر الباب تلف له
سكرت الجوال توقف قدامه تحضنه
حاوطها بريح راسه على كتفها يقبله
اسر : خايف عليك
عقدت توليب حواجبها تبعد عنه : ليش ؟
تنهد اسر يمسكها وجلسو على الكنبه يحاوط كفوفها يمسد عليهم
اسر : ادم لقا جابر بدا كل شي يظهر للعلن
توليب : انا عارفه مردها تنكشف ، مافيه جريمه كامله يا اسر انا اعترف اني قتلت جابر بغرض الدفاع عن النفس بس مو مبرر اخفاء الجريمه ،،،
حط ابهامه على ثغرها يمنعها تكمل كلامها
اسر : انتي مو مجرمه لو كل العالم قالو كذا انا بقول العكس
ابتسمت توليب تفتح ذراعيها له تحضنه
مليت راسها من حست فيه يقبل عنقها
شهقت بألم من عض نحرها
توليب : اسر خير !!!
ابتسم يقبل مكان عضته يبعد عن نحرها
يلاصق ثغره بثغرها وكأنه يعتذر منها لكن بطريقته الخاصه
ابتعد يوقف يحاوط خصرها يحملها للسرير يكمل توزيع ورودة الحمراء على عنقها يكمل ليلته معها
~~~~~~
كان رعد جالس على الكنبه ويفكر بكل كلام جراح وقصة توق وفوق كل هذا هند
هل هي صادقه ام لا ، افكار توديه وتجيبه لنفس المكان رفع نظرة لها من طلعت
وهي لابسه بجامتها الخفيفه ناظرته لثواني قبل مايتقدم لها كانت بتبعد بس منعها احتضانه لها
رفعت يدها تضرب صدرة عدة مرات تجاهد عيونها عشان ماتبكي ويفيض موج دموعها بس ماقدرت تقاوم وتركت الموج يفيض
توق : رعد بعد عني تكفى مابيك لاتقرب من
بتر كلامها من نزل يقبل ثغرها تختلط انفاسهم ببعض تغمض عيونها من اندفاعه تنزل دموعها الي ماتدري عن سببها ، حرر ثغرها يلاصق جهبته بجبهتها
يشوف عيونها الي الدموع غطتها تملي رموشها الطويله ، قبل كلتا عيناها
يخليها تفتحهم يتبادلون النظرات
ونطق رعد يكسر الصمت الي طول : متوقعه افرط فيك متوقعه اتركك بعد كلام هند ؟ ردي علي
نزلت عيونها تشتت نظرها عنه يكمل : توق انتي بكفه والعالم كفه ثانيه ، ما اتركك لو طلعت مليون وحدة من الماضي انساهم كلهم معك
ماردت عليه تمسح دموعها الي تتجدد
لأول مرة تبكي قدامه بهذا الشكل
والادهى من ذالك بدون سبب ماتدري هل هي غيره من هند هل خوف من خسارته بعد مالقته ماتقدر تحدد
رفعت نفسها تحاوط عنقه بدون ماتتكلم
وهو رفع يده لظهرها يحملها للسرير
انسدح وهي لسا بحضنه يعبث بشعرها
يعم عليهم الصمت
___
سلمت ولاء بعد ماصلت الوتر
تلف للباب الي اندق يدخل من بعده والديها
جلس زياد على السرير يأشر لها تجلس جنبه تلبي طلبه
زياد : ولاء يا بنتي تعرفين انا مابي الا راحتك ولو ما ابيها سويت كل شي من وراك
عقدت ولاء حواجبها تخليه يكمل : اليوم جاني ابو معتصم يكلمني عن شغل وانه بيساعدني بس شارط علي شرط وهو
ولاء بمقاطعه : زواجي من ولده صح ؟
غمض عيونه زياد يهز راسه
ولاء : وايش كان ردك ؟
لين : حبيبتي عشان كذا جينا نكلمك الاختيار بيدك تبينه ولا ماتبينه
نزلت ولاء نظرها ليدها ثواني بدون رد
ابتسمت من جت ببالها فكرة
ترجع ترفع نظرها لأبوها : راحتك هي راحتي والرجال عارفته ويشتغل معنا مافيه عيب ، موافقه
زياد : متأكدة ! ذا زواج مو لعبه انتي الي بتتزوجينه  وتعيشين معه مب انا
ولاء : يا عيوني انا داريه وموافقه اهم شي الصفقه حقتك تتم واذا بيساعدك هذا الزواج ماعندي اي مانع
ناظرو زياد ولين بعضهم وبعدها وقف زياد يقبل راس ولاء يمسد على راسها : ان شاء الله على خير
هزت راسها مع ابتسامه يطلعون من الغرفه
ولاء : انت تبي لعب وانا موافقه ، بندمك على الساعه الي فيها فكرت فيني يا المغازلجي
~~~
طلعت ميس من السوبر ماركت وماسكه تميم بيد والاغراض بيد
تركت يد تميم ثواني عشان تطلب اوبر
رفعت نظرها بسرعه لما شافته يركض لشخص لحقته توقف من تعرفت عليه
فتح فارس يده له يحمله يأشر لها انه هو ماله داعي تقلق
تميم : اشتقت لك
فارس : حتى انا ليش ماتجي عندي؟
تميم بزعل : ماما ماتخليني تقولي لا
فارس : تبي تعيش عندي ؟
هز تميم راسه بطفوليه وابتسم فارس ينزله : لاتقول لماما شي بينا طيب ؟
يالله روح لها
ركض تميم عند امه يمسك يدها يركبون الاوبر يروحون بيتهم
ابتسم فارس من الي جا بباله
يركب سيارته يتوجه للشركه

~~
انتهى
(( لا استبيح القرائه بدون نجمه ))
رايكم حبايبي يهمني وتوقعكم للجاي