روح تراني طايب النفس مابغاك حكم طغى ماعاد ينفع نظامه

بارت ٤

البارت الرابع

الساعه ١٢:٠٠ الليل
كانو الاربعه جالسين ينظفون المكان ولفو جابر بقطعة  قماش كبيرة يسكرون عليه
مسكت ولاء المكنسه تبدا تكنس الارض
ورغد الي تمسح الارضيه وتوق راقيه على سلم تطلع الرصاصه الي علقت بالجدار
وتركب مسمار مكانها تحط عليه لوحه من اللوح الموجودة جاهلين صورة الغزال الي مركبه بعيونه كاميرا مخفيه حاطها جابر
وتوليب تمسح الكنب من اي شي موجود عليه
رنة جوال خلتهم يفزون من مكانهم ناظرت توق الطاوله الصغيرة وفيها درج تروح تفتحه وخذت جوال ميرال
ابتسمت توليب لما شافت رقم امها وتدعي انها رجعت : الو ماما !!
ميرال : اختي انا ميرال وشلون جوالي معك اتذكر اني نسيته
توليب : اهخخ ايه ياروحي صح انا خذيته بجيبه لك بعد شوي باي
سكرت منها تمسح دمعتها وهي تناظر جثة جابر : ورطتكم معي بنات
ولاء : اسكتي ولا هبدتك الحين
رغد : اسمعو لازم محد يعرف شي عن الي صار ومافيه شهود حول المزرعه يعني الكلب ذا سوا شي زين قبل موته وهو انه طلع كل العاملين
توق : توليب ركزتي اذا تكلمتي مو بس بتطيرين نفسك بتطيرينا معك
رغد : احس اننا من المجرمين كلنا عارفين ان مافيه جريمه كاملة
توق وهي رايحه تربط القماش : بلا كلام كثير امشو بنشيله ونروح نظفتو المكان كله صح ؟!
توليب : ايه
توق : خلاص ممتاز امشو ساعدوني
جت رغد ومسكته من رجوله وتوق من يده وتوليب وولاء من الجوانب
يطلعونه برا للسيارة حقت توليب
توق : توليب خذي مفتاح سيارتي وسوقيها انا باخذ حقتك واللحقيني
رغد وولاء ارجعو وشوفو الوضع
هزو روسهم يركبون السيارات وكل وحدة راحت وجهتها وتوليب وتوق راحو لوجهتهم الثانيه
_______________
فتحت توليب باب بيتها تدخل وشهقت لما شافت اسر الموجود
توليب : وش تسوي هنا شلون اصلا عرفت العنوان ؟؟
اسر بعدم اهتمام وماسك اللبوم صورها : مافيه شي صعب الحين
تقدمت منه وهي معصبه تسحب الالبوم : اسر اطلع بسرعه
اسر : لا وين كنتي ؟!
توليب : ياخي شدخلك وين كنت ووين رحت مالك علاقه
اسر وقف بطوله قدامها مقارنة بطولها وناظرها : يمكن بصفتي زوجك
توليب مسكت راسها بصداع منه : زوج ايش انت الثاني بعد ماعاد لك علاقه فيني سامع روح لزوجتك تأمر عليها واسأل
اسر بهدوء : مافكرتي تسأليني ليش سويت كذا ؟
توليب تكتفت : فكرت بس الاجابه كانت واضحه انت ماكنت قد الصراع عشان علاقتنا تستمر واخترت تدمرها بيدك والحين روح شوف حياتك مع زوجتك الي اخترتها واتركني بحالي لو سمحت لقيت منك تعامل واهلك بعد تعاملهم كان احسن بس امك ماقدرت اخليها تتقبلني وذقت الويل منها ... وبعد ماتنتهي القضيه هذي مابي اشوفك ابي اعيش حياتي بعيد عن المشاكل لو درت زوجتك عني بتسويها لي والحين تفضل برا
ناظرها بدون مايقول شي وطلع برا البيت
اما هي راحت غرفتها ودخلت الحمام تاخذ شاور خلصت منه تطلع وهي لابسه روبها تروح للدولاب تطلع منه بجامه
لقت الي تبيه وسحبتها تطيح علبة صغيرة مخمليه عقدت حواجبها تنزل تاخذها
فتحتها تشوف الي جواها وسرعان مانزلت دموعها الي حاولت تكبتها بعد ماشافت خاتم زواجهم وبدت الذكريات تجي مع بعض بلحظه وحدة من اول ماتزوجو حتى طلاقهم وفقدان طفلهم
_________________
رفعت جوالها وهي طالعه تركب سيارتها ترد على اتصال رعد : امرني حضرة الرائد
رعد : وينك ؟!
توق : الحين جايه للمركز صاير شي ؟
رعد : لا بس كلكم اختفيتو بوقت واحد وش ناوين عليه
توق : امممم مدري وش تقصد بس عن نفسي نمت بدري
رعد : نوم فوق العشر ساعات حشى
قلبت توق عيونها من كثرة اسألته : ايه تجيني ايام بالأسبوع انام ساعتين ويوم انامه كله
رعد : طيب اسمعي تعالي المركز وشوفي توليب اذا قدرتي تتواصلين معها جيبيها معك
توق : حاضر حاضر خلاص يكون بعلمك اني بتأخر شوي
__________________
كان محمد بالمكتب حقه يناظر مخطط البناء الجديد والي قرب يكتمل وباقي بس تعديلات بسيطه
دخل عليه صالح وجلس قدامه : كيف قربنا نخلص ؟!
محمد بكل برود : تقريبا باقي بس تعديلات
تكتف صالح وسوا نفسه بردان وقال : يا شيخ برودتك ذي اشد من برودة الجو الحين
محمد : ورع شدعوة بعدين تعال شسالفتك قبل كم يوم راجع بدري ومعصب
صالح : وع لاتذكرني تخيل مريضه ماتناظر قدامها وتجي تتحلطم فوق راسي واني ما اشوف
حك محمد خشمه يحاول مايضحك بس ماقدر : عشان كذا معصب مين هي ذي ؟؟
صالح : ياشيخ مدري بس واضح شرطيه شلون تقبض على المجرمين واسلوبها كذا مدري
___________
وصلت توق  فيلا امير توقف قدام البوابه ناظرتها ببرود تاخذ نفس وتروح تدق الباب تفتح لها عامله : تفضلي؟!
طلعت توق هويتها : شرطيه مدام لينا موجودة ؟!
هزت العامله راسها تبعد لها عشان تدخل واشرت لها على الصاله راحت وشافتها تطل على الحديقه ولينا واقفه عن الدريشه
توق : السلام عليكم لينا
لفت لينا لها واستغربت من جيتها : وعليكم السلام مين !!
توق : شرطيه الافادة كانت ناقصه وجيت اسألك
لينا : طيب تفضلي نجلس
جلسو وحطت توق رجل على رجل تفتح الملف : كيف علاقتك انتي وبينار ؟!
لينا : امم كويسه اعتبرناها وحدة من العايله
توق : كيف علاقتكم قويه مرة او لا؟؟
لينا : ابد قويه وتجنن
توق ميلت شفايفها بتفكير لثواني ونطقت : وش تاريخ ميلاد بينار ؟؟
لينا : نعم !!
توق : تاريخ ميلادها متى انولدت
لينا بتوتر وضيق من اسألتها : مدري
توق : غريبه توقعت انك تعرفين مدام علاقتكم قويه ... ابي اشوف الشرفه الي طاحت منها بينار وين ؟؟
لينا : فوق ثاني باب على اليمين العامله بتاخذك
وقفت توق تروح مع العامله وشافت عند الدرج صور امير وزوجته وبنتهم شدت على يدها من الي تشوفه وكيف انه خدعها
وصلت للشرفه وبدت تطالعها بكل برود ونظرات الحرب بعيونها