روح تراني طايب النفس مابغاك حكم طغى ماعاد ينفع نظامه

البارت ٣٣

كانت لينا تتحرك بخوف وتحاول ماتترك يد توق وتبكي
توق بصوت شبه مرتفع : لينا تكفين لاتتحركين ، توليب اسحبونا بسرعه احس يدي بتزلق بأي لحظه مقدر اتحمل
توليب وهي تحاول تسحبها : طيب طيب ماتشوفين نحاول ، رغد بالله اتصلي عليهم يستعجلون
رغد : طيب وكيف اتركها يعني ؟؟ بيطيحون
ولاء : واذا كملنا على هذا الوضع بيطيحون بسرعه تصرفي
رغد : طيب امسكوها زين
تركت رغد يد توق الي كانت ماسكتها تترك توليب وولاء يحاولون يسحبونها
اتصلت على احد العساكر من تحت ولما فتح الخط قبل ماتقول شي سمعت صرخة
توق بأسمها ، رمت الجوال وهو لسا مفتوح ترجع تمسكها معهم

وصل رعد ينزل من سيارته يوصل بعده اسر يشوفون تجمع الناس والعساكر الي محاوطين المكان
تقدم رعد من عادل يناظر فوق
يلاحظ وجود اشخاص بالأعلى
رعد : وش صاير هنا ؟
مد له عادل المنظار يرد عليه : توق وتوليب والباقي فوق وخايفين بأي لحظه
يطيحون
سمعو العسكري يحاول يكلم رغد وينادي اسمها كم مرة خذ اسر الجوال يسمع صراخهم منه
اسر بصوت عالي : وانتو واقفين كذا ماتعرفون تسوون شي قبل مانجي ، وين المساعدات
وائل : بالطريق جايين
رعد : مافيه وقت نستناهم اسر امش وراي
عادل : بس يا رعد
رعد : عادل ولا حرف ولا اطلع جنوني فيك
اشر على السطح  يكمل :
شفت الي فوق  ؟ هذي زوجتي يا مسلم تعرف معنى زوجتي وقتها بتفهمني والحين
خلني اروح
قبل مايرد عليه دفعه يركض لداخل المبنى ووراه اسر يتوجهون للسطح

بلعت توق ريقها من حست بيدها ترتخي وماتقدر تتمسك اكثر تنطق بصوت مبحوح : انا اسفه يا بنات بس مقدر اكمل
قواي انهارت مقدر احس بيدي
نزلت دموع ولاء ومن بعدها الكل لما شافو توق تبكي ضعيفين بهذا الموقف مايقدرون يسوون شي
رغد :  انكتمي لا عاد تقولين كذا
انتي مو توق الي نعرفها ، توق بنت قوية مو ضعيفه تشجعنا على كل شي بعد ماوصلنا لنهاية الطريق وانتقامك بينتهي هنا تستسلمين ؟ ما اسمح لك
ولاء : توق ياويلك مو انتي قلتي بتزفيني بنفسك ، مو قلتي بنسوي مغامرات كثير مع بعض وين ذا الكلام كله طار بالهواء
سكتت تنطق توليب من بعدها : توق هانت تحملي شوي عندنا مخططات كثير نسويها
شهقاتهم تعالت من سمعوها تشهق كلامهم يعور قلبها ماتبي تموت وتتركهم
ماتبي تترك حبيبها ووليفها رعد بس واضح الدنيا ماتبيهم يكونون مع بعض
توق : اسفه لينا ماعاد اقدر اتحمل يد....
قاطعتها اليد الي مسكتها بقوة تسحبها
بعدو البنات من شافو رعد واسر الي مسكو توق ولينا يرفعونهم بسرعه
رفع رعد توق الي تناظرة بدون ماتقول شي جالسه تحاول تستوعب الي صار ، زمت ثغرها تحاوط عنقه تعانقه بقوة وتبكي بخوف
غمض عيونه يبادلها ويستشعر تواجدها بحضنه يشد عليها فكرة لو مالحق عليها كان فقدها
توليب بهمس : الحمدلله عدت على خير
مسكو لينا واشر لهم اسر ينزلون للأسفل يتركون رعد وتوق لحالهم لبعض الوقت

بعد وجهها عن صدرة يمسكه يبدا يقبل جميع انحائه يحاول يطمنها انها معه بس بطريقته
رعد : فيك شي
هزت راسها بالنفي تمسح دموعها برجفه
ناظرها بهدوء ينطق بعد لحظة صمت : ليش ماقلتي لي ؟
عقدت حواجبها تميل راسها بعدم فهم يكمل : ليش ماقلتي لي ، لما جت هند وكذبت علي وانتي سامعتها وعارفه العكس ماتكلمتي عطيني سبب ؟
نزلت نظرها ثواني بدون رد تقول : مدري خفت ماتصدقني خفت عليك ، ممكن بسبب الماضي حقي فيه اشياء كثير منعتني كنت بقولك لما تنحل القضية بس ماتوقعت كل هذا يصير وتتعقد الامور وكذبة هند ، اشياء كثير منعتني
تنهد رعد يسحبها لحضنه : ماعاد فيه شي يمنعنا نعيش مع بعض مثل اي زوجين
الكذب والخداع مالهم مكان بحياتنا ، اتفقنا ؟
ابتسمت تهز راسها
___
طلعت ولاء من غرفة الاستجواب بعد ماعطو اقوالهم للمدعي والادله
وكذا يكونون حلو قضية بينار
ولاء : اخيرا بنرجع لحياتنا الطبيعيه
توليب بهدوء : ما اتوقع اي لحظه بيجون يقبضون علينا
رغد : يا بومه انكتمي لاتجيبين طار ، ادم قال بيشوف الوضع متى ماجو حياهم
تنهدت توق تناظر العساكر الي ماسكين امير يسحبونه للزنزانه ووراه اخوانه والي يشتغلون معه واخر شي لينا الي ابوها يمشي وراها بدون مايطالع احد
وقفت من مكانها بعد ماراحو تأشر للبنات : امشو بنات ، انتهى دورنا هنا
قامو البنات يطلعون من المركز لسيارة توق يركبون
طلعت توليب جوالها الي ماسكت من الرسايل وكلها من ميس تفتح رسايلها
تقراها وحدة بوحدة
توليب : توق روحي بيت ميس
هزت توق راسها يتوجهون لبيت ميس